¹ Wamanyani mtahitishe lyondi lyela mpepu ilelo zilinje imbepu mlole inge zikufumila numlungu inahabhili abhakuwi abhanji ibhilenga bhafumiye mnsi. ² Kulili pentimanye umpepu wa mulungu wondi umpepu waifishile kuti uyesu kilisiti ayinzile kubhili wa mulungu . ³ Naumpepu watakumwitiha uyesu tewa mulungu umpepu wewuku wewukubhona lisiti akwinza. ⁴ Emwe mwabhamulungu mwabhana ibhalugano mwamalamwabhatola inahabhili wene wali mkasi iyinyu mpiti kushila iwene wamasi. ⁵ Ibhene bhansi peshekulonga pesha masipeinsi ikubhate jelevwe. ⁶ Itwe twabha mulungu akutejelevwa pekwalili kukumanya umpepo uwanalyoli numpepu iwilenga. ⁷ Bhamwitu tuganane tumetwe kwa tunetwe ilelo urugano lwamulungu na weka weka wamganile apopilwe numulungu na kumumanya mulungu. ⁸ Iwene wamganile wamganile atammanyile umlungu inahabhili mlungu warugano. ⁹ Uhabhili ulugano ulwa mulungu lwangu buliwe mbhana ibhitu kutu mulungu amsondilezye umwena wakwe weka mnisi ingetudila kushilila wakwene. ¹⁰ Ilelo uluganao tekukuti twamgonile ahamsondelezya umwana wakwe abeshilipizyo shimbibhi zyitu. ¹¹ Bhamwitu inge umulungu atuganile itwe inahabhili kwanzilwatuganane tunetwe kwa tunetwe. ¹² Atalipo numowamlolile umulungu inge tukugana tunetwe kwa tunetwe umulungu akwihala mkasi mwitu nulugano ilelo likwiliye mkasi mwitu. ¹³ Mlili tumanyile kuti tukwihala mkasi yakwe iwope mkasi iyitu kunongwa atupiye upepu yakwe. ¹⁴ Tukulola nakushiminizya kuti utata ansondelezizya umwanakubhatula abhandu. ¹⁵ Wondi wakwitiha kuti uyesu wa mulungu,mulungu akwihala mkasi yakwe uwope mkasi iya mulungu. ¹⁶ Tukumanya nakweteha ulugano lyalinayo umulungu lugono iwope wa kwihala mlugano akwihala mkasi mwa mulungu numulungu akwihala mkasi mwakwe. ¹⁷ Kulugano ulu lugombilwe kukwetu angetubhe namaha isiku ilya ulonji inzawene shali niteshetuli mnsiini. ¹⁸ kutali lutuyo mkasi mwalungano,lugano lyayoli lukutaga insibho panzi insibho zikwi vwanzi niulonji iwene wakwogopaatayanine mlugano. ¹⁹ Tukugana iwene wayandilile kutugana. ²⁰ Ingeweka ati imganile umulungu ile akumwilamwa uholo wakwe walilenga inge watakumgana uholo wakwe wa kumuhola atakumgana umulungu wa tamlolile. ²¹ Ini ya ndajizyo yetulinayo kufuma kukwakwe wondi wakumgana umulungu ikwanza amgane uholo wakwe wope.