¹ Paulo winga ja Ruvwa na mdumwa wo Yesu Kristo, ko kitevi kia imani ja wateule o Ruvwa na imanya ja loi kija kichiende utauwa. ² Katika ikunda ja uzima o mfuru ozee, ambao Ruvwa aaladime deda ngogo nyelevaahidi ifuma mufuru. ³ Kajishukwa kidedo kiake ko wakati wake katika uja ujumbe ujangelederijwa silenyi inyi ko ivavaso ja Mwokozi odu Ruvwa. ⁴ Ko Tito mwanakwa loi katika ikunda jikeria adanyana. Okundo na ludamie kwapo na mbora zikenafuma ko Ruvwa Papa na ko Kristo Yesu Mwokozi odu. ⁵ Ko kitevi iki ngelekutia Krete, kinesa ushitabirije shileneneha na idera vwa zuri katika kila muri chakundu shuja gelekuvia. ⁶ Kakoja mudu ameshitakiwa kidedo nacho nyi mundumi o mka umu, aode vana vechimwaadanya vwalakena shitakiwa kee nyi vwaivi nama valaadaye. ⁷ Amu kingiinyarie asikofu nave mdu alashitakiwa kidedo, ko mekoja nyi mrengi Ruvwa aleve mdu o kungorosa ngoo yake, alave mwepesi o nyashi alave monangwa nama mokavana, alave akunde shindo sha sonu. ⁸ Adi uve mkaribishaji, mkunde ucha, angode kiasi, angode loi, mwele, angode iarija nafsi yake. ⁹ Kawada kija kidedo kiya imani kija kija chakundu eleloshua, naone nadime imwikimbia vwandu ko malashio vaode uzima oo milele na ivashido vaodi ikavana. ¹⁰ Ko mwana kwonde vengi veleode nganyi vaode shidedo shilaode maana vachilemba na hasa vaja va diniwa ambao vainyarie vapinikikwa munu yavo. ¹¹ Ivo vakenaghalusa vwandu vwa numba yose, vwakenaloshia shilaowainyare ko kitevi kia ipato jasanu. ¹² Mudu okwavo Mireto wavo amonyi, kaamba Wakrete nyi vyaongo mfuru zoze nayawari vavichwa, vandakire vwadoko. ¹³ Ushuhuda icho nyi oloi, ko amu ikie uvadedie ko ukali, kinesa vapate kee oru katika imanya. ¹⁴ Valaadanye shengario sha Kiyahudi, nama mavavaso vya vwandu vechidami na shija shaloi. ¹⁵ Shindo shose nyi shicha ko ikio shikeri shicha , amu kuode kilakeri kicha kwavo vakeri wanajisi, vwalakenaidikia amu njoorongo zavo zimeva najisi na ikunda javo kimu. ¹⁶ Wanakiri kee vamwichi Ruvwa kake ko iruda javo vakenamulegha na vwaode unyamari waasi uaja ko tendo jicha vwalapevwa.