1 Paulo, mpungwa o Kristo Yesu, na Timmotheo akeri mudondu odu ko Filimoni mongo odu, muta kazi kimu naize, 2 na koru, mudodu odu na Arikipasa asikari odu, na ko ikanisa ijo katika numba yape. 3 Mbora idamie kwanu, na pinya sikenafuma ko Ruvwa Papa odu na ko Mndumi Yesu Kristo. 4 Nganamutereshe Ruvwa okwa mufuru oze, gekumbuka katika kiterevenyi kikwa. 5 Ngakenaichwa shindo za ukundo wapo na imani niode nayo ko Mundumi Yesu na ko vwaele voze. 6 Kinesa kee ushirika o imani yapo uute uya wake, katika imanya o kila kicha kikeri kadu, katika Kristo. 7 Amu nyevekeri akenaorokiwa munu na faraja ka kitevi kija ukundo wapo, ko mekeja ngoo ya vaele imeburudishwa naingwe, mdodu okwa. 8 Koikio nyapokuwa gaode useri ko Kristo ikuitan va kikuinyarie, 9 Kake ke kitevi kia ukundo ngakutereva munu, ko mekoja nyichakundu gakeri, Paulo mswri, na lwaha mpwingwa o Kristo Yesu kimu. 10 Ngakutereva kitevi kiya mwana okwa ulemuvee katika shipungo shakwa, yaani Onesmo. 11 Nacho kala yevekeri evekeri akavaorukiyapo, ila lwaha nyakenava munu, ingwe na inyi kavi. 12 Gakenisinga kwapo, icoamanyi amu nyi goo yakwa loi. 13 Ambaye inyi geveuri nadamie kokwa nadime igirudia bala yapo katika shipungo sha injili. 14 Kake ngeveuripo ideda kidedo kiokosepo kake ko ishauri japo kinesa kee oloru wapo ulave cha kuoka, ila ko shidede. 15 Amu nyikiyo kitevi eledamia kwacha na igwe ko mfuru, kinesa uvenache kavi mulungana. 16 Ifuma lwaha, chii isingapo, ila zaidi ya isinga mdodu ngakukumde kokwa inyi munu, na kwapo ingure munu munu katika osese na katika mudumi. 17 Luha koja ongiona inyi kee mshiriki na ingwe mwadije icho cha inyi ngimonyi. 18 Na kaja amekuinyala au ukenamurika kindo, ukiriinge iko uye yakwa. 19 Inyi Paulo ngarenga ko kako kwokwa ngimonyi, inyi ngarenga ko koko kwokwa ngimanyi, inyi ngapeliha ngapekuvia kee gakenakurika nama ngoo yapo. 20 Ee mdodu mdodo, ngipate kiya ngelia ko Mundumi umiburudishe ngaa yakwa ko Kristo. 21 Mekoja kuamini idikia kurapo nyiko kitevi gakurenga, ngaichi kee kuwa upenta shivyoji munu ya isho ngakenashideda. 22 Na kimu na isho ungiderije andu kee kwamba ko shiterevo shanu mtajaliwa ingiona. 23 Epafra, alepunga kimu nainyi katika Kristo Yesu kadikira. 24 Na Marko, Aristarko, Dema Luka vechiuta uya kimu nainyi. 25 Mbora ya Mndumi Yesu Kristo nayo idamie kimu na goo zanu.