¹ Koikyo mrandienyi Makilunga. chavana vakundiwa. ² Muende koukundo, cha Kristo na cho alevakunda inywe kavi kakufuma kokitevi kyendu, sadaka na sha mavokonyi ko Makilunga, shive idanya na mbungo. ³ Kake unango ulasendwa kwanu toopo, nama iluha jojose o kiriso, chakundu kiva nyarie vaela. ⁴ Nama sonu nama shidedo shilspeva nama ikolonga. Isho shipo vorokapo. Kake veba iteresha. ⁵ Amu kidedoki mukiishi chee, kee kuode unango nama ulepaada kimu, ncho echivadia shinyeinyarie, aode urisi umanginyi o Kristo na Makilunga . ⁶ Mndu alavalembe koshidedo shilapeva. Kimekoja kokitevikyo nyashi ya Makilunga ipevasheja vana va unyamari. ⁷ Basi mlakusangiranie navo. ⁸ Amu kala inywe mvekari moma, kake lwaha mmeva kilangaro. ko mndumi. endenyi chavana kilangaronyi. ⁹ Kimekoja ndunda kilangaro nyi unchenyi wase na imakya jaloi. ¹⁰ Mkilambwa nyikyo kipe mvorosa mndimi. ¹¹ Nama mlakusango riane na shindo shilapeshaa sha moma kake mshikemia. ¹² Kimekaja shiki nautika shikurikye, nyi sonu ishideda. ¹³ Kake shose shikemiwa shichi onwa kila ngoronyi amu kija kimeonwa nyi kilangaro. ¹⁴ Ikyo veamba, tukwa, igwe ukina vongoya uruke kovarimu, na Kristo apela ngara. ¹⁵ Lwa mbwenyi mnu chukundu mna dambuka. chi vandu valaode nganyipo muve vandu vaode nganyi. ¹⁶ Moukombwa ugheri ama kiaseke kya mnyamari. ¹⁷ Kokitevikyo mlave vatondo, kake mmanyi ngikyo vakeri makundo va mndumi. ¹⁸ Kavi mlanangwa kawari, iposhi kuode iitasa. Kake mwishuruswa ngoo. ¹⁹ Modedishana ko zaburi na tenzi shiimbo sha ngoo. Kunu mokiimba na imuvorakiwa ngoonyi sanu. ²⁰ Naiteremshe Makilunga na papa mfuri yose ko shindo shose, Korina jake mndumi odu Yesu Kristo. ²¹ Msokyane ko ikyo kya Kristo. ²² Inywe vake, vaendanyienyi vomi vanu cha imwadanya mndumi odu. ²³ Kokitave mndumi nyindo o mkake, Cha Kristo nacho mdo o kanisa. nocho mokira osese. ²⁴ Kake chakundu kanisa jiche murandanya Kristo nacho nakudo kado vake nava vavandanye vomi vavo kokila kindo. ²⁵ Inywe vomi, vakundonyi vaka vanu, chakundu Kristonacho alejikunda kanisa. kakufuna kukitevi kyake. ²⁶ Kinesa najisanje najiitura na mringa ko kidedo. ²⁷ Najininge kanisa idue, jilaode ilemba nama ngunya nama ngunya kyakyose cha isho. Kake jive jiele jilaode uvichwa. ²⁸ Nakundo vami navo ivakunda vaka vavo cha jo sese savo vavenyi. Amkundie mkake akukundie amonyi. ²⁹ Amu kuode mndu asuje o sese kwake kokose. Kake eninga nauringa cha Kristo nacho ushiutia Kanisa. ³⁰ Kimekoja jikeri skilungo sha sese lwake. ³¹ Kokitevikyo mndu apemnda mndie na mae, ape songorana na mkake navo vevavi vapeva o sese lumu. ³² Ikyo kikurikie nyi kidue. Inyi ngana deda kidedo kya Kristo na Kanisa. ³³ Kake kila mndu akundie mkake cha o sese lwake amonyi. Nama mka alade imrimija miake.