¹ Paulo, modumwa q Yesu Kristo, Maukundo q Makilunga; ko vaele vakari Efeso vaja vakina mwandanya Kristo Yesu. ² Mbora sive kwanu na maucha sefuma makilunga papa udu na ko mndumi Yesu Kristo. ³ Nainyarwa Makilunga papa omndumi odu Yesu Kristo alejivika moko kombora sose sa ngoonyia koorika lo ngoo, iposhi kwake ko Kristo. ⁴ Chakundu aleji sambura koicho kula meshika ishumbwa jaorika, kinesa jive naele, Vandu valaode uvicha oshanguni wake ikundonyi; ⁵ Amu nyaleji lambwa kaji sambura, kinesa jivikwa vana vake ko Yesu Kristo, andu amu na ii dikija ja olukundo wake. ⁶ Nainyari udue o mbora yake, nayo nyio yejiendie mbora koijo mokundwa. ⁷ Koicho icho, ko ndakame yake, jiode ikirwa jedu, ifumiwa unyamari, amduamu ifojaja mbora sake. ⁸ Nacho nyale njiangeja ikyo urango wose na imanya; ⁹ Kame manja ijivia kikurikya kya makundo vake, anduamu naidikija jake, icho auting'idye ko icho. ¹⁰ Kea, inde iitori ja kieri kisumanye ape via shindo shose Ko Kristo, shindo sha nweu na shindo sha orikenyi anduamu. Ee, koicho koicho icho. ¹¹ Naipochi kwake na ise jilevikwa urisi, kunu jeiriwa mfuma kuvoka anduamu na chakundu auri icho, nacho yeciuta shindu shose koikusaraja ikundojake. ¹² Naise koicho jiike kouduwe wake, ise jile songwa ivikiwa Kristo iting'idye jedu. ¹³ Nainywe koicho mmeichwa kidedo kya loi, kidecho kicha kya ikiwanjanu; kavi mmema icho, na ivikiwa mbuana na ngoo uja molanja uja muale. ¹⁴ Incho akari arabuni urisi odu, kinesa iende jekirwa ja shija shake, sheve iinyari ja udue wake. ¹⁵ Kokitevikyo inyi nainyi, furna andu naichujwa kidedo kya manya janu ja mndumi Yesu, naikundo janu ko vaele vose. ¹⁶ Ngapenda ifunakaiho kakitevi kyanu, ngeva kumbukenyi shitete vonyi shakwa. ¹⁷ Makilunga omndumi odu Yesu, papa o undue, navaninge inywe ngoo ya urango na ipunwa koimanya icho. ¹⁸ Meso va ngoo sanu sivikiwa kilangaro, mmanye uting'indo ja idikirwa jake chakundu jikeri, na shuma o udue ourisi wake ko vaele chakundu ukeri. ¹⁹ Naucha oudue o udima wake ipochi kodu jimanye chakundu kikeri, Ko chakundu oiuta opanya sa udima wake. ²⁰ Nyaleuta ko Kristo andu alemrusa kovarimu, kamdera kokonyi kwake ko kujo ko orika ongoo ²¹ Uye munu kukaisa umangi wose na maitori, na pinya, na usulutani, na kori na jasendwa, namachi orikenyi kunutu ipo, Kake na kauja upecha. ²² Kashindera shindo shose wanda ya medende vake, Kamdera nave mdo oshindo shose kakitevi kya kanisa; najo. ²³ Nijo osese kwake, isuma na jake asuma niye ko shose ko shose