1 Kake, vanavama, ko kidedo na kiase, kuode ngivareghyopo. 2 Amu inywe mvenyi muichi kee mfuria mndumi apecha cha muivi echichakio. 3 Anduvakinaamba, kuode ucha na ivoroka, nyiha unyamari uche cha turukya, chakundu ufe uchecha komdu ang'anie nama vape kirwapo. 4 Kake inywe, vanavama mkeri memenyipo na mfuriuja uvashikye cha muivi. 5 Kimekoja muose mmeva vana vakilengaro, na vana va msanyenyi; ise chivakiopo nama vamomapo. 6 Jibe maelio chavengipo, kake jirise, na chimunupo. 7 Amu ivovanalaa madio vaneloa kio, naade venangwa venangwa kio. 8 Kake ise vamsanyenyi, jive chimunupo, jechikurarika kipavenyi imanya na ukundo, na ngavoyedu iveivedeja ikirwa jedu. 9 Kimekoja Makilunga alejidera ko nyashi yakepo kinesa jikirwa, ko mndumi odu Yesu Kristo. 10 Nacho nyalepa kokitevikyedu, kinesa jidamye anduamu nacho, kee jinarisa anakee jina laa. 11 Lwaha, vikyanenyi iringo naishumbiana kila mundu na ongi, nakudo chakundumnauta. 12 Kake, vanavana, juuri mvamanye vaja vakina kunengya ukiva kokiteve kyanu, naiva imakya inywe ko mndumi na ivakemya. 13 Mndevarimija munu na konkundo kokitevi kya uya wavo. Venyi na sia inywe koinywe. 14 Vanavama javatereva vakemyenyi valadamije necha. Vadomarienyi vairave vavikyenyi pinya valaodepinya ilimijenyi navandu vose. 15 Lambuenyi mndu wowose alamlihye ongi ovichwa ko ovichwa, kake mfuri yose vadienyi shikeri shicha, inywe ko inywe ko vandu vose. 16 Orokienyi mfuri yose. 17 Terevenyi mlapedumbuja. 18 Tereshenyi ko kilakindo amu isho ni ukundo omakilunga kwanu ko Kristo Yesu. 19 Mlamrumishengoo. 20 Mlaleghe ulashi. 21 Regheshenyi shindo shose, jiadenyi jikerijicha. 22 Damienyi mbarinyi uvichwa wowose. 23 Makilunga osia amonyi navasanje loi, nainywe moosanu na ngoosanu na njosesesanu siderwa sive sisumanye kuleode ngususu kierikyecha kyake mndumi odu Yesu Kristo. 24 Icho nyi salari nacho anevadikira nacho apeuta. 25 Vanavama, jiterevienyi. 26 Vadikirenyi vanavama vose ko ivaticha momu waele. 27 Mma ngamningenyi ko mndumi vanavama vose vasomiwa ureghou. 28 Mbora ya mndumi odu Yesu Kristo ive anduamu nainywe.