Oshangu lo 2

1 Amu inywe vavenyi, mwanavama, mukuichi iingiajedu kwanu, kee kuvekeri manapo. 2 Kake jikame viniswa mbele na iutwa unesi, chakundu muichi, Filipi, jinekarako makilunga koideda kidedo kya makilunga kwanu, koikaiania munu. 3 Amuikemyajedu chi jedekwapo, nama ifaniepo, nama kyelembenyapo. 4 Chakundu jileidikijwa ko makilunga jiderijwa kisike kya kidedo, kudo jinadeda; chi ivavorosa vandupo, nyivaja vakinamvorosa makilunga akinaghera ngoosedu. 5 Amu jiveode shidedo shevavorosa saa yose, chakundu muichi, nama shidedo shauyeuye sherika wegheji; makilunga moimukya. 6 Jileshigha umangi kovandupo, nama kwanupo, mama kovengipo andujivekeri jedima ivalemeja cha vedumwava Kristo. 7 Jwekeri vaoloje anduamu nainywe, chekundu mleri echidamya na vana vake amonyi. 8 Nakudo naise jiichi koikunda jifoje, jileona sia ivaninga, chi kidedo kya makilungatupo, nyina ngoo sedu, kokitevi mova vakundo vedu. 9 Amu, vana vavama, muichi ukiva odu na ngita ma sedu; kimekoja msanyenyi na kiojile uta uya jilachemlemeja mndu okwanu wowose, jikaikimbia kudi kidedo kya makilunga. 10 Inywe veimukya, na Makilunga, Chakundu jile damya kwanu inywe muichi ko uete, na koinyari, kulaode inunguna. 11 Nakudo, muichi, chakundu jile vakemya kila umu wanu chakundu papa echivakemya vana vake amonyi, na ivashambia na ivaloria. 12 Kinesa mdambuke chakundu kikeri irundajanu ko makilunga, amonyi, nyalevalagha inywe kihe muingie umanyingiwake na uduwenyi wake. 13 Kokitevikyo ise na ise jinamteresha Makilunga jilapedambuja, amu, andu mlekiada kidedo kyedumwa ko makilunga kijamle kiichwa kodu., mlekiadija chikya mundupo, kake cha kidedo kya Makilunga; na nyikudokikeri loiloi; kyeuta uya ngoonyi sanu inywe mnamanya. 14 Amu inywe, vanavama, mnekeri vamu va makanisa vamakilunga vakeri kowayahudi, ko Kristo Yesu amumlewadwa iviniswa jija ja orika lwanu mvenyi, kijakile vaada navo wayahudi. 15 Nivo valemuagha mndumi Yesu, na valashi vaja, naijiilushira ise; Nama vakimuorosa Makilungapo, nama vakiaeleanapo vandu wowosepo. 16 Kunu mnajiima jiladede nyorika vadime manya; kinesa vatimise ungamari wavo mfuri yose. Kake nyashi imevashikia na ulau. 17 Kake ise, vanavama, kejejimeloja iponuma, koushangu chikongoopo, jelekundamunu koivorokywa kafoje wao shamu shanu. 18 Koikyo jiveuri jiche kwanu, Ee, inyi Paulo, jakuvoka, na jakavi, na Moktau kajishingya. 19 Amu ikundojedu, ana ivotokywa jedu ana ikutata, kiki? Ale! Chiinywepo, oshangunyi lo mndumi Yesu odu, kieri kyecha kyake? 20 Amu inywe nyinywe udue odu, na sia yedu.