1 Inslaweseek tiwa ninawemiisiya dir uruseero' nee aleesleemu ngiwa ilaiwa wa/iiya nee kiwa amohho' umoo' Gadiyer qooma. 2 Inslawtiiseek ar tlakw kawa hewi tlehhika' kaangani ka maay mu'k hatla kupa/angwi harimisi baraa' akwani tlehharo nee ilaiwa/ame alaqa'n dir muu' slee'meero. 3 Asma tam ate'n sleeme ang hhaslo'r qoomaka a koma'n nee tini sagi gawide'n abaraqwanaay i dirian nee tiniina lawale tlehhe ar ilatleriir yaariir layda anahotaan wa baraa' itsi/a'y slasa/a'ru anatlakuwa'n tire waka waaka'n. 4 Aluwo qooma'r gurtlemu Mungu' Ba/aamuuseumore'n nee sla'aariro's dir muuko iwagehhouu'r. 5 Asuma as tlehhemiire'n oo' qooma'ka ta tlehhan. Ala tininaba/a'miis ar qurtlemuwo's tinaba/amiis ar hamtlor laqwalir /abe'n nee baraa' tlehhemo'r /abe'n ar qeeru hhohhoo'. 6 Mungu' Qeeru hhoohhoo nguna ku'uusar yarema gawa ate'n ar uruwa'r Yesu Kristo Ba/amusumoore'n. 7 Idoori ngina tlehh as gidaaba' butuna ganaamuui harafaa'r ar gurtlemuwo's tawa waklelu'uuma'r koo'maan baraa' hotada alhhe'eesa'y komaraaka. 8 Axweniti a loeema gani slaa' kangwi unaxwesa ar pihhuuma as kwada Mungu' ngwa haratlinti'ii kiwa mune/awa'k dando gadiyeda qoom toda a qaa's geraini alero' kangusi ii qo'n nee slam/i ku barikoo' as muu' slee'meero. 9 Ala kuu'ng ti diimbi nee kanganiir da'ktiima nee harba/aba/oo' tlahhi'ii nee dinqimiisu dando hara'aaya kangwsiing ii gidaba'r konka nee bariloosir ii ko'n ii ka'hh. 10 Siee'k kwad qasmiisuu' huwahuu'w baraa' tla/angwhuu'nge alu gahhata'r geera ner tsare bira axaasiika'. 11 Xuu'aa'k gidaaba hee' ido'r uwiisi uruwada gamaa' nga gexay nee aa iriinge ngin tlehhiit nee tin kilo's sakwaslemuut. 12 Artemi burgwa ya/aaw amoro'k alero' laqaa Tikiko nimutliit amo'r'eeni ale amoori ni diri'ii Nikopoli amori na wagwe'r hotawoo qooma'r tsaqwaro'. 13 Mutliit sena ya/awang kwada hara'aya, nga soomuus nee Apolo miingaga wa aruu'r. 14 Mu'kre'n ii hariin tawa itsahharirin baraa' gadiyer ganaa toda moroda sla'aamuut ngu kwatimiit as kahho' /aamu mukuwa dakuu's. 15 Kwoda nee ani dinkwa ulawe'eemisiiya, lawee/eese'k kwada atin ti slaa' ner baraa' haratlintao. Tsuuqa' alog in dir wa'k nee kuunga' slee'meero.