1 Paulo sagadisumoo' Mungu' nee ya/absumoo' Yesu Kristo, asma haratlintao'r mukda Mungu' a tsawa'r nee sagaloa'r lo' ar ila/iwa/ameer huwahuu'w. 2 Ta baraa' harahhito'r slafiing alhhe'eesa'y komaaka, kwada Munguda' lama ngi ooaka a alzadiin imii'r alhhe'eesaa'y wasle. 3 Siwaada' hariim iwa xeer, /aymuuwo's nguna gehho'antiis baraa' toda na ani sayiin ngiwa uki/iit idori ina hariind ngiwa tlehh, as alqaado'r Munug' Ba/aamuusumoore'n. 4 Amo'r Tito garma kila' baraa' haratlintaore'n tie. Tsuqa gurtlemu nee wayda oo' amo'r Mungu' da'hh nee Yesu Kristo Ba/amusmoore'n. 5 Asma tihe una geexa'w Krete as kanguda amohooayika kuwa amohhe'ees nee barise kanisa kawaqaa's umo gixsaro' idoda nga'r oo' 6 Aako kanisa masok ii a fuufung kooank' maso'k nee hare wa'k na/aawo's maso'k ki /seereree'hhiika' masok ki maro tlalaw ii kahiika laqa lawa mu'k ilaiwa/aamer kama'aaka'. 7 I qoond hee' mu'k Mungu' ga/aaw idoo'r sageesitusumoo doo' Mungu' masok kuu' afuufu'yaka maso'k a hee' gilimaaka to ale masok a hee' ti ila/aam ino's a hee' gaslimaka buhhtawo' a hee lxufaka oni mitaaka a hee tsifrang qamiimaaka' nee a hee ilatleriir koomaka'. 8 Ino's masok a hee' mu'k kwahhamis hee hhoema slaa' maso'k a hee' sago's ganaa' hee gana'aamu koo'm hee Mungu' ila iwa waa/ maso'k a hee' ta kilo's baal. 9 Hee' i tsahhatsaa'r looeema taitsahhatiis ngi aleslaw sageesiihhiikaro, as ngiwa mun' doogi a'r itsahhatiisa'r qoom nee ngiwa ale/iisi kwada ngu tlanka. 10 Asma ki yariir tlankwuuser a'k alero kwada ta al/utlin, axwaneiin a barii was/a'y gari'iin a al/aama nee muu kuwa geerahara'ahari ba qwwanaa'y. 11 A harma mu'k ido'r kwiisi kuwa ilaa/i ar itsahhatiimiisiya a toda qoomaaka as slaslaawa'r kiiqi kawa slay, nee muu slee'meero ngwa sagi hiitiine. 12 Oo wa'k braa' tla/aangw iine slamti a hee' saga lo' ina oo' Wakrete lamta alhhesa'y koomaka ngi koona, kitlakw nee a make dihhaa' muunuu/uuse' nee tlhehhamuuse'. 13 Axweniit a'r looeema gwa idosiiye ila/ee' a'r /uu'ru as kahho' looeema ngiwa ooiya' a'r baraa' haratlintao. 14 Kuu'ng miitihaaragasa'r alui/iito loemaa' komaa'ka oo Wayahudi loqa alqaade'r muu' toda ooeema ngi aluwi ki/iimiie. 15 Dir kwada hhoohho'ee' moro' slee'meero kuu hhohho' ala dir kwada slasla/aare'n kwada na haratlinti'iika gar hhohhoo' ii kaa'hh, asma sagalooa'riin nee munemaaiin hhhiitiin. 16 Baraa' afiiwo takaay Mungu' uu xuua'n ala baraa' tlehhiimi'iiwo kwa tlank. Inooin a iringuuse nee mu'k ilaiwaa/aamer' koomaka. Ta'm gar' wa'k ar hho' kiwa geehho' ii kaa'hh.