Tsufa`y Faanqw

1 Aluu tihe ani malaykoduu tsiya'hh ngir a`'r aa sihhiitii`' bahher` tsiya'hh as yaamu. Inoon` fur`ada' tsiya'hh as yaamu kan ila/a'n as fur' ada' ana fukukuseliin baraa` yaamuu i ale, laqaa` tam gawaa` daandoo tlawa nee laqaa tam gawaa` umooqo xa'anoowo. 2 Nee malaykimoo' hatla' ngma male' ar oo tsa/a/a`m amooda' looa niwa tiinut inos i laya`r ko`n ar Mungu' slaa'f. Ino`s malaykaduuda` tsayo`hh ngire i tsee' nar afo`r ur, tada`' aleesleemu ngwa sleer yaam ngiwa lihitii`n nee tlaw. 3 Malaykimoo`dar' ire oo' yaamu nui` kwatiitara' laqaa` alawa laqaa' tam xasi, ay dir laya ngi ii hhe'eesaan qaasaro gawaa` gitsee/ii sagadiyuuse`r Mungu're'n. 4 Mukda` taa laya'r i qamin ani faaroo in ara axaamui`s . Faaror`in a mu`k kume tsiinuu' wa'k nee mibeerui' tsiyah nee tisiya'hh oo taa laya'r i qamin baraa' tlahhii iidoo' mu'k israeliwo. 5 Mu`k tlahhee` Yuda kuma mibaa` nee tsa`r oo taa layar i qamin. Oo tlahhee` Reubeni kume mibaa' neetsa`r. Oo tlahhee' Gadi kume mibaa' nee tsa'r. 6 Oo tlahhee' Asheri kume mibaa` nee tsa`r oo tlahhee` Naftali kume mibaa` nee tsa`r. Oo tlahhee' Manase kume mibaa'nee tsa`r. 7 Oo tlahhee' Simeoni kume mibaa' nee tsa`r. Oo tlahhee' Lawi kume mibaa' nee tsa`r. Oo tlahhee' Isakari kume mibaa' nee tsa`r. 8 Oo tlahhee' Sabuloni kume mibaa' nee tsa`r. Oo tlahhee' Yosefu kumee mibaa' nee tsa'r. Oo tlahhee' Benyamini kumee mibaa' nee tsa`r. 9 Aluu tile nire qaytsiit boo/aaa'y yaariir lo's wa ala ngure ar oo hea faarooro boloo' aleeslayka'. Mukwi dir dahhi a baraa' umoo'qo mar' afto nee umooqo tlahhaywo nee umoo'qo mar' afto nee umooqo tsifriro. Taa sihhiif dir geera kitangwdo' aleesleemu dee dir geera' deelmoodoo` bee/i kaa tsiitiis na`r tlabaa /awak nee sla`mi i deemaa slaansl'ar kona' gawaa' dabaaine. 10 Inooin tare tseelimin nar afo'r ur ta kaahi balama amo`r da'hh a amo`r Mungu'ren kwada' aa iwiit gawaa' kitangwdoo' aleesleemu nee amo`r deelmoo bee/i. 11 Nee malaykadu' slee'meero taa sihhii t umoo'qo lahhiwo, kitangwdoo' aleesleemu ngwa harwee'rii' nee bariiseeda' nee morooda' tsi`ya'hh oo slaa'f sleeme kaa harwee'r. Malayksdu' ire guruknguree' itii' dir geera' kitangwdoo` aleesleemu Mungu' ngure xirfeenuisii`. 12 Ire kaahi`, "Amin Mungu' an kwada' tsuuqa koo'm mee xirfu' nee sagaalooa, nee sluufaay nee ila i wafame, nee aleesleemu, nee /uuru ay alhhe'eesay wasle. Amin' 13 Aako` wa'k baraa' bariiseedae ari ire yaahaa's Ahaa' mukwi taa tsiitiis nar tlabaa /awak a i ma'aa? Hee inoom amo`r dahhiya' a amoola`? 14 Ani ngure ba'w aako, kuu'ng i xu'" ire bay mukwi amo`r dahhi a baraa' slahha'a maayeeda`' ur nee inooin ingwarooin kuna hhuunts nee kure /awakeemiis nar tseer`er deelmao bee/i. 15 Gawaa' idoorihe inooin i geera' gitangw aleesleemuu i dirii ya' oo Mungu' nee inooin i Mungu' sagadiyuusiya`' baraa' do owo's wa ale tlaetla/aangw nee amsiwo nee kwada' aa iwiit gawaa' kitangwdoo' aleesleemu hee'maro's ngaa hhaaf gewaain wa ale'. 16 Inooin qwari ku boloo` ariika' nee sla`mu ta waxiitiika' sla`mu tsee/ima ngi boloo' slayka, laqaa' tam daara/ita' ngi boloo' sl'aw i ko'hh. 17 Asma deelmoo` beeli kwi tla/a'ngw kitangw aleesleemu i diri i' inos inooin ngi de'en ngire geeraharahaar dida'r ilta' ma'aay slafingw kooma' a` di`ri` i' nee Mungu hhirhheeri' in slee'meero ngi fiits baraa' ilaaine."