1 Gooiimee`k amo`r malaykimoodoo` mu`k krishaana`y oo baraa' Sardi i dirii`' "Axweesanti dir dahh a dir kwada`' qeereemada'` faangqw oo Mungu` ngi koo`m nee tsatse/ooda" faanqw ani iidigoo` tlehhemi` iiw`ok u xuu`'. Kuu`ng tuwa xui a sla`f ala laqaati kuing akagwa`'. 2 Gawaa` idoorihe daarkiit slafingwda`, niina`w aa meet baraawoge /uuruu` i qaaseek dir ar faakiika`. Asma ani tlehhemi` iiwo`k ika a`r i ganaaiiaaka` dir geera` Mungu`eene. 3 Gaawa` idoorihe axweesantada`' ido`r kaar ilao`t nee ido`r kaar axamis inslaweek nee ka ot ta hho` i` iin ala kuuing magahhika` ani ni harda`h amooro`k i ale ido`r fisusmo, ala qoomuda`' ani ni harda`h kuuing axu`aka`. 4 Ala kuuing mu`k niina`w u koo`n baraa` Sardo oo tlabaain nga slasla/areenmisiika`, inooin ta al hii ii miit nee ani, tlabaain oo /awak kaa dahaa`s asma inooin i harina`' 5 Hee` harba/ati nga slay ino`s ku tlabaa` awak i dahaas nee umoowo`s u boloo` fiitsaaka` baraa` kitaa`buudoo` slafiingo. Nee slam` ani umoowo`s u ya/aa`m dir geera` Baabu u` eene nee dir geera' malaykarosee` gidaaba` ino`s an kwe`ee' ". 6 Hee iaa` koom axweesanti ngi axaasi ti qeeru i kaahi dir mu`k krishaana`y. 7 Gooiimee`k amo`r malaykimoodoo' mu`k krishaana`y oo baraa` Filadelfia i dirii`, "Axweesanti dir dahh a dir kwada` hhoohhoo' kwada`' looeemaa` axwees kwada` Gwesrmo`r Daudi ngi koo`m. ino`s afkoodo` bu`r ngwa gwee`r hee' tseegaro ngu aleesla`w i kaahh. Nee ino`s bur ngwa tsee`g hee` gweermooro ngu aleesla`w i kaahh. 8 Ani iidigoo` tlehhemi` ii wo`k u xuu', qaytsiit ani afkoo do` oo ta gwee`r newa qaa`s dir geeraawok i ale` ala hee` tseegimooro ngu aleesla`w i kaahh ani a xuu`' gidaaba' /uuruu` niinaw u koo`n nee sla`mu` kuu`ng axweesanta'ee` aka o't nee ani a si'i`ika. 9 Ga/aaweek muk-ko i deer oo neetla`ngw digir deeliit inooin ta kaahi ate`n a mu`k Yahudi ala laqaati a loeka` ala inooin a lamuuse. Ani mukwi ngu /uurutiis as uwa amooro`k i hardahi nee iwa guruunguree' uumiitiya`' dir geeraawo`k i ala' ae inooin ngiwa tsaahhiya' gidaaba` ani kuuing u slaa'. 10 Kuuing axweesanta'ee', tada`r` daandoo` qiqtliing aka o't. Gaawa` idoorihe ani kuuing u xuuim qoomaada`r iiara'adoowo tada` hardah baraa` yaamu slee`meerowo, ae muu sleemeero oo baraa` yaamuuka` kuwa iiari. 11 Ani ni harda`h nar ganslaay Tada`' ta kooa ooha hhe'eeseek as hee slamaango`k mungaa hayo`h. 12 Hee' barba/ati nga slay ani` ino`s un uhumoo doo`' Mungu' ee`' tlee'hh nee baraadae` ire ti` ii tiika` boboo ale. Nee gawaawose ani umoo` Mungu` ee', ungooii`m nee umoo gixa`r Mungu` ee', Yerusalemuda`' /aban tada`, awdiit gawaa` dawriwoo amo`r Mungu` ee`' wa ale. Nee sla`mi` ani` unwoee`' kwada`' /abe`n u gooii`m" . 13 "Hee` iaa` koo'm axweesanti ngi axaasi tada`' qeeru i kaahi dir mu`k krichaana`y. 14 Gooiimee'k amo`r malaykimoodoo` mu`k krishaana`y oo baraa' Laodikia'r i dirii' "Axweesanti dir dahh i di`r kwada' ta babay. Amin. Ino`s an aleekalaa/amuusuumooda` inserehhimoo wa`sli. Nee oo looeemaa` axwee's ino`s an iimu/u'ngw morooda` slee`mero Mungu` aa tlee`hh. 15 Ani iidigoo' tlehhemi'' ii wo'k u xuu'' ido`r kuuing tur tsatsa'aareeka' nee sla'mi` ido`r tar daa/a/aandaaka' Geeraawo alo'k tsini` kuing abar tun tsatsa'aar, laqaa` abar an da/a/aan. 16 Gawaa idoorihe hinti` kuu'ng a tawo matla'x, kuu`ng tu tsatsa' aareeka nee sla`mu` a da/a/aandaaka'. Gawaa' idoorihe ani` kuuing u waa`/ baraa afkwe'eene. 17 Kuu`ng a kat "Ani a daqaarmo ani tina kilooee' daqaaritus, sla`mi ga`r iwa /aarumr i ka`lh" ala laqaatikuuing a xuuka gidaaba' kuuing a leetlakusmo kuuing a lee' gurtleemuu' slaa; nee kuuing a narkusmo nee hee taampa nee sla`mi a /aankwets. 18 Gawaa` idoorika ga`r kuuing wa hariim a idoor an tlehh miinslida' taa hamaatl nar asla dir`ee' tiwa tloxw as kuuing tawa daqaarimo tleehhit nee tlabaada /awa`k kiwa tlaxw nee kiwa dahas /aankweetsowo`k kwada' murer koo`m mukwaa ara'ar` Nee slami ma'aaye nee tlaxweek ilaawo'k kire slik as kuuing tawa xumis. 19 Mukda' slee`meero ani ni slaa' un iigalhamiit nee un diif, gawaa' idoorihe kuuing ilakaahanu heehheek hho'i'iim. 20 Ga/aawek ani a sihhimii`t afkoo` do'' wa ale a ateetiim. Hee` aba`r afor'ee'' nga axaa`s nee afkoo' do`' ngw er gwee, ani a da`h amooro`s. Ani` mire /ayimaain dinkwea nee ino`s,nee inos ire /ayin dinkwea nee an`. 21 Hee` harba/ati nga slay ani imo`s u iwiitii`s dinkwaaa nee ani` baraa' kitangw'ee' kwadoo` aleesleemu, idoodi`, Ani harba/ati ngaar sla`w nire iwii`t dinkwaa nae Baabuu`ee' baraa' kitaang'os kwadoo' aleesleemu". 22 Hee' iaa' koo`m axweeesanti ngi axaasitada' qeeru i kaahi dir mu`k krishaana`y.