Tsufa'y Mibaa` nee Tsa'r

1 Laya`r ur ire geehhoee'r gawaa' dawri wa ale. Layaari` a /ameenir ta tsiituis nar tseelima, nee slihheengw i baraa' tsa/a'aa' ya'aawo's i dirii. Nee ga'r gawaa' sago's a slama'ngw tsatse/oo miba'nee tsa'r. 2 /Ameeniri ino`s a tsiiha'y i /aa/amiin asma aslta xwayla nee as slahh'amaaye'r xwayla. 3 Laya'r hatla` ire geehhoee`r gawaa' dawri wa ale. Layaari a amaatoo/ir yangaaruir ar daa/aa't. Amaatoo/iri sagii koom a faangw nee xareemii mibaangw. Nee gawaa` sagiiwose ga'r koon a slam'ii faanqw. 4 Hhayoo` amaatuo/ini tsatse/oo gawaa' dawri' dawri ngure duuruuxu`n ngure kwakwaa'hh gawaa yaanuu u' i ale tsatsee/oota duuruxu'n a barta' wa'k baraa baduuda' ta'm oo tsatsee/oo dawri slee'meero. Amaatoo/i ire sihhit dir geera /ameenida` xwayla'r slaa as na/aywo's nguwa gu'/qooma'r ino`s bar na/aay ngwa as xwayluuir. 5 /Ameemida' na/aa'y Garma ngure laqwa'/ na/aaywi an kwada' xoordu slee'meero ngi de'eem nar hharta muqsli. Na/aywo's kurer tla'y qoomada'r kila' ay amo`r Mungu ay amo`r kitaango`s kwadaa` aloesleemu. 6 /Ameenida' ire go'p ay baraa' yaamuu duru'q. Amoodaa diro`s kaa amohhe'ee's nee Mungu as kawa amooda' wa /aymusi deelo kumoo` wa'k nee tsiire tsa'r nee mibeeri lahhoo'. 7 Gawaa` idorihe slaqwara nire ti' it Mikaeli nee malaykaduuwo. tare slaa'qw as amaatoo/idar' ur kawa baali. Amaatoo/ida ur dinkwa ne malaykaduuwo's taree slaaqw sleeme nee inooin. 8 Ala amaatoo/i nee malaykaduuwo's tae baalinika, pa/ang'win ire qwaa'r gawaa' dawriwo. 9 Amaatoo/ida' ur kingera kuukwaa'h amaatoo/ida'r aa'ng tada' ta babay Ibilisi nee Neetlaangw. Ino`s an tada' muu slee'meero nga//a/aay. Kingire kwaa'h baraa` yaamu, malaykaduuwo's sleeme kingire kwaa'h dinkwa nee ino's. 10 Ani afo'r ur ngire axaa's gawaa' dawri i wa ale i kat "Imir hinti ba/ama nee/uuru nee wawuti uma a ar Mungu 're'n. Nee aleesleemu a oo Kristowo's asma sahwa sleemusmoodo's hhaeere'n kwa yaamuu i kwaa'h , kwada' inooim ngisakwasleemaa muit dir geera` Mungu'rene tlaatlaangw nee amsiiwo. 11 Inooin sahwasleemusmooda' kuna harbaa/ nar /uuruu` deelmoo' beeli nea nar axweesanta' aleekal/angw'in asma inooin slafingw'in ngwa slai' iika tam gwaara sleeme nga ilagoowi ' iika. 12 Gawaa ` idoorihe kuu`nga`' dawri bara/e nee kuung' kusiya sleemeero baraasi wa hoota' sleeme. Kuunga' yaamu nee tlawi a tsaxwa' sakwasleemarhu'ng kawa wa/akuta, asma neetlaang ino's na amorhu'ng i awee'r. Ino's i muner dihhko'n asma ngi xuu' gidaaba deelero's ar a met ka ureeka'. 13 Amaatoo/i ngawa aa'n gidaaba' ka kwaa'h baraa` yaanuu i ale /ameenida' na/aa'y garma ngwa laqwa'l ngire gusiisin. 14 /Ameenida kare hhampe'eeni tsa'r i harus oo gwareesida' ur as ino's iwa /akit ay baraa yasmuu duru'q ay diros' tada' ino`s kawa /ay m aa misi qooma`r kureeri' i ta`m nee tlaqi dida' ka saaw dir amaatoo/idae. 15 Amaatoo/ida' sra'aay idor yare ngire dux baraa' afko's wa ale aluu' /ameenida' wa ale as yaaeeda' /ameeni ngiwa hayot. 16 /Ameenida kare alee/iis nee yaamu, yaamu afa ngure awaa/lii yaaeeda' kare guu'/ kada amaataooli adux` baraa` afko's wa ale. 17 Amaatoolida ' /ameerida' ngire'i buhh ire slaqwara'r ir dir xwaylar /ameenida tada' a mat, Inooin a mukda`' hara'eya'r Mungu nga oh nee mukdoo' aleekala/angw Yesu ngu koo'm. 18 Amaatooli ire sihhit gawaa hhasa`ngw afkos tlawa'.