1 Malaykaonoo` hatla' ngure a`r oo aleesleemuu' koo`m i awdiit gawaa' dawri wa ale kwaa tsiitiis nar hunka`y, nee ga'r gawaa' sago`s i dirii` a ga/ale`r tluwaay. Sla`mi gitsee/awo`s a ido`r tsee/ima. Nee ya'aawo`s a ido`r uheemu asla. 2 Baraa' dakose ga'r kom a kitaabuu' niina'w oo taa gwee`r yaaeer`os ar doo' /uya'y ngire qaa`s daandoo' tlawi. Nee yaas'r doo` basa`y ngire qaa's gawaa daandoo` yaamu. 3 Malaykimoowi ire tsee' nar afo'r ur ido`r aahhamo`r diraangw nee qooma'r awa t'see' kududuha'y faangw ure axwee's. 4 Qooma'r kududuhay' faangw awa hhe'ees axweesanto' ani anasla' /aymee' erida' ngiwa gooiim. Afoo nire harda't a`r gawaa` dawri daahh, ire be't "/ayme'eelisi taa axwee`s nee kududuha'y fasnqw kufulir seegeek ki lu`/ nu gooiimar`r." 5 Malaykimooda' naa a`r kwada asihhimiit dandoo' tlawita wa ale, nee dandoo' yaamu, ino's dako's oo /uya'y ngure gawta` i tlee's gawaa` dawri`. 6 Ino`s lo`o ngire huu'w ar Mungu' kwada' slaa'f tam ay alhhe'eesay wasle. Ino`s an kwada' dawri nga tleehh nee morooda` oo baraada` i dirii' sla`mi yaamu ngiwa tlee'hh nee morooda` oo baraada' i dirii' sleemi malaykimooda' lo'o ngawa huu'w ire oo' "Qooma aa fa'k idaa/amu` slaim` kaahh." 7 Ala boloo` afo`r malaykimoodoo` faanqw bar kaa axaa's qooma'r tarumbee'taro's bir nga ifaa'hh qoomaada` an qooma'r morooda`' Mungu' aa slaa kwada' taa kuu`/ kuwa booleesi idooda` iro`s ngar alki/iit dir sagadiyuuseero`s tadar aaruuse" 8 Afooda' ani naa axaa's gawaa dawri waale ire amor'ee`' axwe's male ale ire be't "tlaw kitaa'buud`a' niina'w taa gwee'r taataahheek oo da'kw malaykimooda aa sihhiit dandoo' tlawti i ale nee dandoo' yaamu" 9 Malaykimooda' ngure i daqa'w ngure ba'w kitaa'buusi niinaw hariisa'ng ani ire ba'y" taataahheek ku /a'y. Ino`s i qarqaar baraa guroowege, ala baraa afkose i nuqnuuq ido`r dami wa ale. 10 Kitaabuu`da' niinaw ngure taataahh gawaa` da`kw malaykimooda' wa ale ngure /aay. Ala gawaa afkoeene i nuqnuuq ido`r damu` wa ale. /aymaaro nguwa hhe'ee`s ire qarqaruu't bara'a` gurooeene. 11 Aluudae ani tire ba`y tire "Ga`r kuuing wa hariim a aariuuma an male du`x dandoo' mu'k yaarire, nee dandoo' xoorduu' yaarire nee sla`mi dandoo` asifrir yaarire nee wawitoo` yaarire.