¹ Paulo nee Timotheo sagadiyuse'r Kristo Yeso oo hootaa' wa baraa' Filipi, Dinkwa nee geeraharuuse nee sagadiyuuse'r mu'k Krishaana'y. ² Tsuqawos nal waydos alok in dirhu'ng koda amo'r Mungu' Babaree'n nee Aakoren Yesu Kristo. ³ Muunguee unushfumiis umooqoomaro burtunduu islaslawo slee'meero. ⁴ Umooqomaro baraa' umoo' firo ene asma kunga slee'meero, qwala/u loo' wa koom qoma'r buruu alefiri'iim. ⁵ Slufee yari'iir u lo' wa koom asma dinkwa marhung baraa' yaa/abitor hhoee, imir boloor geera ay bili. ⁶ Aa xuu' ar gidaaba' kodo gadiyer hhoo gaa ii mu/un barahunge inoos ii komiti ay diri ngi alhhees bolor deelo'r Yesu Kristo. ⁷ A ga'r harinu direene adoori ngiwa inslaslaw daandoohunge, asma kuunga' a baraa' munoee' diria. Asma kuunga' slee'meero tsuuqaa' Mungu' iga sleere ado'r aning wa ale qoomar aning tiwa tseek, nee tamu qooma'r ya/abto'r hhoo ngiwa aleekal/aamu nee /ooeemaawos ngiwa /aqaqaamu. ⁸ Mungu' ngi xuu idor an kuunga' slee'meero mur arla wa slaa' asma nuwa lo' wa slaa' ar slaarida'r amo'r Kristo Yesu daahh. ⁹ Ga'r aning kuunga muwa aleefiriirim a fih, ar gidaaba' slaarhung iwa lo' wa doogiigiiri dinkwa nee xuuti nee daharu slee'meerowo. ¹⁰ An firiirimu a gawaa ti ar kuunga' aleesleemu kuwa koondaa oo tsahha nee oo tsawar kangw hhohhoo wa lo' slee'me mun aleefiriimu as tunduwa hhohhoo nee oo xaslasliir koomaaka' bar' deelooda'r Kristo birna hardo't. ¹¹ Nee sleeme tundu wa hatsiis /amitoor ganaamuwo toda' dawa bar Yesu Kristo wa aleas xiifuu nee ilaiwa/amer Mungu. ¹² Hindi hhaee'ee gar ni slaa a kuunga kawa xuaa, kangwada a dire wa tiit ya/abto'r hoo ngina geera i hiitis ali ale. ¹³ Tii an ga'r tisa tseeg as Kristo, isaxuutit diri xumuser ikulu slee'meero nee diri umoo hewo. ¹⁴ Nee hhaee yari'iiri oo baraa' Aakoo, asma tseegamor'ene, kina ila xaaf nee tare ak qi/ii nee tan xurumitika /aymu alki/itoo. ¹⁵ Muu bahhaalee i deer oo kangw idiguu Kristo gu alki/iita as da/iinee gila alatamu idoorihe awa hatla' i daya' sleeme awa kangw Kristo ngu alki/ita ar Muusnuu hoo. ¹⁶ Koda kangwi ngun alhi/iitaha' as slaari asma ka xuu aning tina qaa's as ya/abtorahho' ngiwa alekala/aamu. ¹⁷ Ala bahhaalee' oo hatlaa kangw Kristo ngwa alki/iitiika' ar muunuu hhoo' ala as fola' inooin kan xui a slahha'maayere'e kan dook baraa' tseegamooro. ¹⁸ Ala a gaarooka' aning a qwalalaa/ asma kangw Kristo kuqo alki/iiti umooqo urwaaro, bar nar xes ar muunuu tlaakw laqaa' ar muunuu' loeema nee slam aning a kumiit qwaala/ama yaero. ¹⁹ Asma aning a xuu' ala'he eesaywo ana ti gweeri as ana kuunga iwa aleefirinda nee as qeeruu Yesu Kristo aning iwa la/imiis. ²⁰ Idooda kila harahhifore ngi harafadiid ar kila nee loema aa gidaaba' aa baloo murutaaka', alkwiii, nar pihha'y slee'meero, idoodar deloo gidaaba' Kristo ku xirfees baraa' slaqwaate' eene la qa nar baraa' gwaa'raree'. ²¹ Asma dire eene slafingw ana Kristo nee gwaara ina'aka' ga'r hoo' i hup. ²² Bar naxes slafingwee oo baraa' slaqwaa/anitoor ngi laqwaahim i baraa' gadiyer'eene' ga waa' idoorihe tam ar ni tsawaar a xuaaka. ²³ Asma aning a baraa' waatsaraa'ri i dirii aning a lowaa slaa' slaqwaa' ngiwa gexawa neel dinkuutan nee Kristo, aa gar ak lo' waa af hhamiit ak ale. ²⁴ Ala aning niwa koomiti slafingo aa gar ak qooma ak ale asma kuunga. ²⁵ Asmaa harxuuti aa koom gawaa' tiye, aa xuu niwa dirhung i met, asmaa qwala/uu haratlintaoorhung iwa koomit. ²⁶ Nee idoori qwal/uuhung oo ur ngu lo' wa hup baraa' Kristo Yesu asma aning asmaa niwa male derut dinkwa neel kuunga'. ²⁷ Gar ta slai an hotaa' nar hotaa tleehheemii hho' oo idoodar ya/abtor hoo ar Kristo i slaa' idoosi tleehhaa'k as qooma'r burna artaaw laqaa' tam birna xawika, gar ni a,aas ana lo'wa sihhiite baraa' qeeru waak' aa lo' wa slaa ngiwa axaas ar tawa qeemuwaak koonda. Haratlintaoor ya/abto'r kawa dinkwar was slaqwaa'. ²⁸ Nee mtunda' naxuxuun nee omoo gar ta qo tleehhiit nee tlakuuserehuung, Gas diriine a layar hhitira, Ala dirhuunge aa layar ba/aamar amo'r Mungu' daahh. ²⁹ Asma dirhuunge' kingna hanis as Kristo, aa haratlintao kiloseeka ala nal sleehheemis sleeme nar baraa' inoos. ³⁰ Asma slaqwara aa koonda ar door teeti adoor kar aandii diree i ale nee a axamisa dirie' ale tam hindi a kom.