1 Qooma'r Yesu ni wa baraa' tlekalur wati'iimit, eeharusmoowo's oo wa'k nguna yaaha's nguna ba'y intsaahhatusmo, tla/eeka' hee' dowri i be/eera a ga'r waa/oo/amo. 2 Yesu ngure ba'y "Ador mareeka ure'n i geleera? Ala tlaa/anoo gawaa' kuqii' meet i kaahh oo ta fee/iika." 3 Tam qooma'r Yesu iwa iwiita gawaa' tlooma'r xaaikari ta ba'y Seituni, aluudo tlekalu, Petro, Yakobo, Yohani, nee Andrea tawa kiloin kuri yaahaa's kuri ba'y. 4 Ate'n i ooang kangwisiing i tleehharuut a daqala? Nee laga'r ta ari a mila? Qooma'r kaangwi birna tseewuy?" 5 Yesu ire' diriin axwe's iwa kaah, Ti harmagahhe, hee munduwa al/aay. 6 Mu'k yaariir ni hrdah oo ti umuuee'nar ateetiim, twawa kahi anid an ino's, nee inooin mu'k yaariir kuri al/aay. 7 Kuunga' kangw slaqwara bura axase, nee tsimahhir slaqwara madaayuutara, asma muruuwi niqo geerii harda'h, ala alhheesayda aa xayka. 8 Asma xoor i slaqwarar eer amo'r xooroqa nee waawatiima i slaqwarar eer amo'r waawutiima'r hatla' kunseeli i tiit yamer yarire nee giyee ni tlee'r. Ti slee'meero an ii mu/ungq slahhaamu. 9 Kuunga ti harmagahhe' asma tundu guwahuwu baraa' maraa' kwasleema, nee baraa' maraa' saalingo tundu dif. Tundu sihhitimis geera wawiita nee dir geera ga/aawuuse asma asma aning as iwa diriiri lamabu'uunda. 10 Ala ya/aboto' hho aqo kana geerii alki/iit baraa' xoordu slee'meero. 11 Bar kuunga tunda uhin, tumday huu'w as tunduwa sakwasleemuuti, ma daayutar gawa toda ta oo qoomasiye. Qoomadiye, toda ta oa ingi hanis, aa kuungee aka' hee' axwee's qoomasiye, ala aa Qeeruu hhoohhhoo. 12 Hhiya hhiyaawo's ngu sakwasleemuu't as kuwa gaas. 13 Kuunga tundu ahh nee muu slee'meero asma aning. Ala hee' aa qiitl ayalhheesay an kuda ba/a'm. 14 Kuda tlaakw oo hhiturusmo bura aandeaa sihhiit didaada iwa hariinka (hee somuus gidaabaro's ngi tsaahhi) qoomaadae mu'k yaamaa Yudea'r i dirii ta tiaain gawaa' tlomi. 15 Hee' gawaa' do miwa aweer as gar baraa' do ngiwa leehh, laqa ga'r baraa' ate'n dirii migiwa tatahh. 16 Nee hee' baraa' qaymorii dirii miwakii/ uoa tlabaawo's /eehhi. 17 Ala /ameenar tsiihawe ner ar na/aa ninakw ngi koo'm qoomadae, a tsaxwaain! 18 Fiririime as kaangwi mindiwa qooma'r tsaaqwaarii ti'iiti. 19 Asma slaahamuu' deelooda kw ur ador ta baloo' ariika' baraa' yamuuwo iimir Mungu' yaamuu' ngiwa tleehh ay bil slam slahhaamuu ador kwi baloo ki/iika. 20 Ay boloda Aakoo deeloosi ngi /aarees, slaqwa i kahh ar bakam ala asma koda ta tsawari dedoo ngi /ares. 21 Nee qoomaadae haeeko burna ba'y Kristo i kwii dirii /aqaa bira oo' i amorqa ma /a laamara. 22 Asmaaa Kristo lama nee aruuser' lamuusero ni tiihya inooin, layunee muruu' waa/oo/ amooro ngu tleehhiya as muk yaariir kuwa al/ay bir ya/aa'n tam mukda Mungu' aa tsawaar sleeme. 23 Ala kuunga ti harmagahhe asma un umuugaaro kuung i oo'. 24 Aluu deeloodaadae aluu slahhaamuuwo tsee/ama in giiw nee slahhaang i gwa/aatiika. 25 Tsatse/oo gawaa doori i pahh nee /uuruuda doori gi koom ku dingitii's. 26 Aluwo garmoo hee kure ar i awdiit ar huuka'y ar /uuruu' ur nee xirf. 27 Aluuwo malayka gari ya/aaw badu tsiya hhaawo awa yaamuu', imir alhheesayari wa tleem ay kuqa as muko's kuda aa tsawaar nguwa burumburuuit. 28 Slaqsoo' /aantsi nu intsaahhatis qoomara ha/eemi idooda ngire aleesleer loo/ooro's pahhasa'r nee ar hatla ngiwa gan duxh, a xua,' ador ageeng nira nakaa/. 29 Ta'm kuunga sleeme muruuwi bura aande naa imu/un tsaahhak ado'r Kristo nira tsee wa'y i dir afku do. 30 Ana a kah, muk de'emaaka i warahhiyaaka aaoor sa'w i ale dir kangusi nira boliika. 31 Doori nee yaamuu i waaarahhiya, axweesantee'e i baloo' waarahhik. 32 Ala kang siiwada nee baalaaro's hee' ngu xuu i kaahh, tamu malayker gawaa' doori tam garma, aqo har Baaba. 33 Dalaae ti harmagahhe asma siiwada a xuaa'aka, (Hhaiwi gidaaba'r tsahhe, tuumise nee firiirime asma i kahh baraa goor ange. 34 Slaqsaywo's a dor hee' as aa'aa kay, oo' koos ngiwa dir lawaaleero's i geexay, nee umoo'qo heewo gwa gadiyeero's i hamiis. Hee' afhu doo' xuum ngure hareya'ri do nguwa xun. 35 Gimse' dalaae, asma qoomar hee do loo' ni hardihi a xuaka, tam tsiindo, tam amsi tam sagw looaytleemu, tam matlaatle. 36 Laqaa munduwa baraa' guuteen i hhawiis. 37 Nee ti naa kuu'ng i oo' anaoimu tamu umoo'qo heewo: Dalaae!"