1 Ala Yesu ngiwa tsa'h gidaaba' Mafarisayo nga axaasi gidaaba' Yesu eharuuse'r yarir nga sla'y nee ngi batimiis Yohani ba/a'. 2 (Ala tam Yohani ino's o kila'a ibatimiisiika' aqo eharuseero's). 3 Inatlay wa Yudea iri Galilayar ka'y. 4 Samaria ngirir warhh as idor delaro ngir may i ka'h. 5 Nee ire ardah baraa' gixsar Samaria ar ta baba'y sixari xwapoo dida Yakobo a hanis dir garmawo's Yusufu. 6 Nehhalar Yakobo i dida i diri. Yesu aslaqat hhayumaaro' iri iwiit af hhala qoma'r tlatla/angw. 7 /Amenir Samaria nire hhe'k Yesu ngiri ba'y ma'aay wahaato qawang. 8 Asma eharuuseero's a moroo/aymar tlaxta'er baraa' gixsa. 9 /Amenida nguna bee'r idosi a idola kuung oo Yahudumo ga'r waha kawa firind diri ani /Amenir Samaria? Asma Wayahidi nee Wasamaria ti dabe /ayiaka'. 10 Yesu ngina ba'y erroho gurtlemu Mungu' bur xu' nee koda ibabaw maayo qawang geraho unafirnd geraa' maa'y slafingw nga hanis. 11 /Amenida nguri bee'r Aako xoosluumoo ihheka' u kondaka nee hhala kasaaw ma'aay slafingw dir kiwa slee'r. 12 I hii kuunga tu ure dir baboren yakobowo? koda hhalari na dirten ii hanis nee ino's nee na/aawo's nee ni kwawo's ma'aay hhala'ri kina waha'n? 13 Yesu ngina ba'y umo he'wo o ma'aayka' nga wahi iqo male waxiit. 14 Ala koda ma'aayka aninihamis nga wahh waxa' ngi balo sleyka ala ma'aayda' ni hanis in tsiqar wa/amamim alhhe'esay wasle thehhitiya. 15 /Amemda nguri beer Aako ma'aaydsiya' hanisang as waxe maga male slaw ne sleeme maga male ditsikus niwa hheki dir ale. 16 Yesu ngina ba'y tlatla'w hhawatowo'k /akaang daqate ni kii/. 17 /Amenida' nguna bee'r hhawaa u komaka' Yesu ngina b'y axwesanita ganaa aga o' hhawata u komaka. 18 Asma hawate koan (igaduutiye) igaxawiye nee kwisi hindi aw a hhawalu wogeka baraa' tiye loema iga' o'. 19 /Amenida? ina' o' Aako kuung aa arusmo. 20 Baaboren Mungu' nguna slutmisiye gawaa' tlomari wa ale, ala kuunga kata Yerusalemu ana dir Mungu' iwa harin slutumisuwo. 21 Yesu ina o /ameni an haratlitiang siwa ni hardat ar Mungu' kuwa slutisaaka wa baraa' tlomari laqa Yerusalemu. 22 Kuunga' gari slutimisa a xua'aaka' ala aten artaslufisan a xuaa'n asma ba/ama amo'r Wayahudi ngin dahh. 23 Tam adosiye qooma ni hiit ne hindi i diri diri qoomar koda slufa'y kila Baaba kuslutiis ar loema asma Baaba' mwa ador kwisi ngu n lelehhit tawa muuko's o nguslufimiis. 24 Mungu' a qeeru nee mukda ino's ngu slufimiis gar wa harina a ngun slufimiisiya' ar baraa' qeeru na loema. 25 /Ameni nguna be'r a xuu' gidaaba' masihi ni harda (kwada ta babaye Kristo) kwih birna harda kaa slee'meero ngu o'. 26 Yesu ngina ba'y aniwi nee king axwesa'ana ino's. 27 Qomasir kiee ehausero's ner hardat neri wa/o/iye amila mis axwe's nee /ameni. Ala hee ngwa yahas i kahh gidaaba gar ta sla' laqa ma's axwesa ne ino's? 28 /Amenida Siriros ngiri gexer iri baraa' gixisar kar mu ngur idaber. 29 Qwalase arak hee kang an na tlehhit slee'meero ngwa oo' heewi aqo Kristowoke? 30 Tindina tlay wa baraa' gixsa tana amoros ka'y. 31 Qoma'r tlaatlaangw eharuusero's nguna har hhehoesiye itsahhatusmo qwalung /ayim. 32 Yesu ngina ba'y aning moro/ayma'r kuunga ta xua'aaka' u koo'm. 33 Eharuusero's tari kiloin yahamisiye hee oro/ayma ngwa huu i dero. 34 Yesu ina o' moro/amar ee' a slaarir koda aning a ya/aw ngiw tle'hhe nge buutis. 35 Xa'y a kata'aake' slehheri na meeti a koan nee buuw daqate a but tunubobaw qyatsite qaamuo ido'r nira xaaye' bu'uungo. 36 Koda buu'm buutu ngu ilaoh nee /a'mu ngu burumbu'r as slafingw alhhesay komaka. Daqate' kona dahaamis nee koda bu'um ta dinkwari qwala'/i. 37 Asma oari ka'ha o wa'k i dahamis oo hatla' in bu'un a loema'. 38 Tununa ya/a'aw kawa bu'unda' toda ta as ditskusika' kakari gadiyer' ngina tlehhiye nee kuunga' a date' baraa' gwal/oo gadiyeriin. 39 Wasameriar yari nguna haratlintii as toda /Amenida a alki/it gidaaba' ar na tlehhit slee'meero ngina ka'h (alki/it). 40 Baraa' adosihe' mu'k Samaria niwa hardihi nguna harhhehee'esiye tawa aliwiwii nee imin nee iri amoda wa iwiwi delo tsa'r. 41 Awaa ak yarir nguna haratlintii as /aymuuwo's. 42 /Ameenda kana ba'y anaharatlintian as axweesantok kiloseka' ala slee'me ate'n oo' kila ana axasaan nee hindi a gatasahhan gidaab' kwih ba/amusmoo muu'. 43 Delo'r tsa'r iwa warahh ina Galilaya'r ka'y. 44 Asma Yesu ino's o kila nga oo' ado'r aa rusmo' ilai/ame ngir konda baraa' ayawo'se oo' kila'e. 45 Iwa Galilaya'r ii harda mu'k Galilaya nguna ilaohiye' (kwahhsiye) asma nguna ari moroda' slee'meero a tlehhit baraa' Yerusalemu wa ale baraa' sikuku wa ale asma inoin sleeme ta daqay barada. 46 Iri male harda kanar' Galilaya amoda ma'aay ngiwa difaa' tlehh heeko ur na/aayino's amoor Kapernauu wa tiiq. 47 Ngiwa axaas Yesu nina Yudear wa tlay i Galilaywr ka'y ina amo'r Yesu ka'y ngur harhhehhe'e's iwa/eti na/aywo's kuwa hungu/usi asma i tsaxwa Gwaarari dirii. 48 Yesu nguri ba'y kunga' ba'r slaqsii nee morowa/o/amo bura andika haratlintiaake'. 49 Geraharasmoda ina o Aako qaslay ar /eeta'ng dir na/aye ar gwaika. 50 Yesu ina tlatlaw na/aywo'k i slaf heeda /aymuda kwa ba'y nee Yesu ngu haratlinti iri ida'llay. 51 Qoma'r iwa /e/etin kuna ala'y nee sagadiyusero's nguri bayee a/aywo' gahhooa'y. 52 Ba tisiye ngina yaha's a siwamila tsini nga sla'y kunaba'y /isa loa'r Fangw ga/atani (ungku'r) nguna gemeer. 53 Baboin ngere tsa'hh ado'r ta'r qomadar kila' nee Yesu niwaaxweesiye na/aaywo'g ahhoay (hungu'/). 54 Tii a slaqasay tsa'r Yesu niwa Yudear wa tla'y iwa Galilayar ka'y.