1 Deeloo' tau iwaa warahh duuxo i deer amo'r kana yamuu Galilaya nee aayir Yesu sleeme i amoda' i diri. 2 Yesu nee ehaaruseros sleeme i amoda kwahha' baraa' duuxoosi ale. 3 Difani iwa fa'k aayir Yesu, Yesu nguna be'r difaa'i ngi konaka'. 4 Yesu ngina ba'y /ameeni aning ga'r hu'w baraa' tisiye qomar'ee i kahhati na harditika'. 5 Ayiros sagadiyuse ngiri be'r umoo' ar naqo'ooi tlehhak. 6 Alo didae sido lahho oo tla/e idayaa o ata qas as hamtlor Wayahudi baraa' sikuku irie uoo ar wake a har hatsuuu' nzio tsa'r ta'm. 7 Yesu ngina ba'y ma'aay hatsisa'k baraa' sidosiya oo tlaaee' ngina hatsisi ee gawaa'. 8 Aloo sagadiyuseda' ngiri ba'y islakwaak ki huba dir heeda ur oo qasmis adoda ka ba'y ngina tlehhi. 9 Sagadiyusumoda' ur ngina tsa'r ma'ayda a difaai tlehitii ngiri tsa'q ala amo'r i dahhiya ngi xuuika lala gadiyuseda nga ihhek ngi xuiya amo'r i dahhiya aluwo aako duuxoo nguna akaa. 10 Ngway ba'y umu hee difair hho' ngin geera' hams alo barta hhe'ees toda'r tso/'/aray kay hamiis hhe'e kuung toda hho' bare ana ila/ ee hindir'. 11 Slaqeseyii oo baraa' kanar Galilaya an slaqass geraa oo wa/o/amor Yesu a tlehh kirutuwos nguwa laqan asma dosiye koda ngwaa digideli ngur haratlintiiye. 12 Alu tiye Yesu aayiros hhaewo'r nee kos kuda itsahhatimisi ninatlaye gixsar kapernaumu nee ire amosiiwa iwiwitiye delor ninawe. 13 Sikukuu Pasaka oo Wayahudi na naka'/ Yesu in Yerusalemmu ka'y. 14 Muu nguna baraadoo salingwi ay oo hikwaa' weimiis nee belangw nee tlalwaa' sleeme i pesar wareqemisiya na iwitiye baradoo salingw. 15 Yesu watlaramoo ta afrutlin nguna amohhees ngina gus slee'meero baradoo' slaingo dinkwa nee hikwain nee be/angw Pesar koda pesar warqemisa ngina kuumis nee esaduin ngina gwangwara'an. 16 Koda tlawar worimisa ngina ba'y morohung kwisi hengesak dirhe sawesaka, Do Baboe muu di morohungw kuwaa' werimisa tlehhitara. 17 Eharusero's ngiri islaye toda ta goin slaarir do Baboe i ga's. 18 Uruse'r mu'k Wayahudi nguna bayei slaqasiy ta laqan a mila asma ti ta tlehhit? 19 Yesu ngina ba'y doi oo salingw fe/aa'k alu delo tame amu tlehh. 20 Alo uruse' Yahudi tana o' doi o samingw tlehhemoro kureri miber tsiyah kina faa'k kuung a kat untlehhe baraa' delo'r ta'm? 21 Ala ino's iwa do slaingw oin a slaqwatos ngin oin. 22 Alo aludae alu niwa waslo/o awa baraa' gwaara Eharusero's inaislawine e gida adosi ngina oo' go ngiri haratlitiiye nee oari Yesu a qaro' oo'. 23 Alo iwa Yerusalemu i dirii qoma'r sikuku Pasaaka mu'k yarir umowo's nguri haratlitiiye slaqasida oo wa/o/ao a tlehit ngiwa arii. 24 Ala Yesu nga ya/aika' asma muu slee'meero ngu xuu. 25 Kangw muu kuwa diros i oi nee hee nga slaika' asma a'r braain i dir ngi xuu.