¹ Petro ya/abusumo' Yesu Kristo amor mukda aa diya/atiye oo baraa dahayi'imar i diriia mu ta tsamar oo hota' baraa Ponto sleemeero Galatia, Kapadoki, Asia nee Bitinia. ² Bara xu'utir Mungu Baaba' ate'n tununa hamatl ne'r urwa'r qeeruu hhohho idoda Yesu Kristo kuwa ilaiwa/e nee tunure tsera'r i ku'us Tsuqa Mungu' nee waydohung iwaa doin baraa ayahunge. ³ Mungu' Baaboo' Aakoore'n Yesu Kristo i naasi asma gurtlemuwo's oo ure tununa laqwal saqawa tsa'r kahho haraxu'utir aali ngiwa komaan ner urwar waslo/oo Yesu Kristo baraa baa'r wa ale, ⁴ aadir fakaaka'ng ar slasla/aruu' komaalaa'n nee slini /aruraaka'rn kanaa qas gawa dawriwo as kunga. ⁵ Baraa aleesleemu Munguhe tununde'en ne'r urwar haratlintao asma balamadata amohhe'ees arta gehhoesi qoma'r alhhe'rrsa'y bir na harda't. ⁶ Qwalala/e baraa tihe, tam a ala qurhamuta asma iara'ado' yarir oo ta sleeslere. ⁷ Haratlintaor hing kan i ara'ar haratlintaoda hhohho sahabuda ta baraa asta'r deliti baraa ti in tlehharumit asma haratlinta or hu'ng iwa kwa/a dagane /amu ngwa laqwal as qomada hi'iit ar alhho'esy ar Yesu Kristo kuwa gehhoitis. ⁸ Ino's uka andiikan ala u sla'a hindi u ge/era'akan a haratlintatia gawawos nee a qwa/oo ur konda qwa/oo xirhano koo'm. ⁹ Ala hindi ba/ama'r aka ilaote an /amu haratilintaorhung. ¹⁰ Aruse ina lelehhit nee ire lo wa yahamisii gwa dando ba/amarihe nee gawa gemda kuu'nga ta slere'. ¹¹ Inalelehhiti a qoomar gala arta oo ar ba/amari niwa xeer nee ire lelehhiti a qoomar gala oo qeru hhohho oo brain dirii lari an qoomada ar slahhoemiso Kristo nee xrifoo aluwo's wa harda. ¹² Kana gehhoes dir arusero ar gidaaba inooin inagadiyuse ye asma kangwi nee ate'n asma inooin nee langa sleeme. Alaki/ito morwi ner uwar kwad ya/abto'r hho nga huwiye ner uwar qeruu hhohho kwad tina ya/aw gawa dowri wa ale morowi tam malayka sleeme nguna slaye nguwa tsahiya. ¹³ Gawa idosihe simotime baraa hastorhunge tawa harqomar konda bar haslor hunge tawa hera xutir konda bara qemuda tini hanisi bo/o ki/ima Yesu Kristowo. ¹⁴ Idor na/ii ilawa/amer kooma'r mutuwa tseq nee ilatler toda ta konda qoma'r ba/ama kawa sleri' ikan. ¹⁵ Ala idoda kwada kuunga naa ateet kur hhohhoo nee kuunga steeme alok tunu hhohho bara tlehhimiingu sleemeero oo hota. ¹⁶ Asma a goin, "Ti hhohhoeset asma ani ti hhohho." ¹⁷ Abar kwad kwas/emar tlehhit ne'r gana'amu un bebeta, Baaba gimse hote ar tiwa /alohung ninemis. ¹⁸ Tuna ba/amisikan ne'r moroohiiturut ido'r pesa nee sahabu wa baraa tlehhimiiihing oo dakti'iima kwada ta itsahhe ira dir babi'hung. ¹⁹ Ala tununa ba/amis ner tser Kristo ido'r tser'r delmu be/' oo xaslxaslir koomaka'r. ²⁰ Kristo kuna tsawar imir ihhatir yamu iwa imu/undika'n ala hindi baraa qoomarihe kuna qehhoes dirhung i ale. ²¹ Mungu una haratlintatia asma ino's kwada Mungu a waslo/itis bara mu'k ahhan wa le nee ngure xirfuu i haniis asma daqana haratlintaorhung nee hartar hung gawa Mungu. ²² Munerhung aka hhohho'ese ne'r ila iwa/amer loemada asma sla'ari hhi/uuma mee kai idosihe kaamite ne'r sla'arisi ar baraa Munemo. ²³ Tunaqaro laqwal sagala tsare slimi ne'r dahaasingw daeka'n hhituruut ala ar baraa dahasingwda hhituruutaka'n ne'r /aymu Mungu kwada slafingw koo'm kwada hoo't alhhesay wasle. ²⁴ Asma slaqo sleemeero a ido'r gitso nee xirfoo wo's slee'meero a idor /ayor baraa sla'aio/i i mo nee /ayi i hu. ²⁵ Ala /aymu Aako i meet ay qomar sleemeero, gari a /aymu tina oo ido'r ya/abito'r hho ayahunge.