Tsufa'y Tsiya'hh

1 Sla'aaruu'se, umoo' qwwru uharatlintatiarera ala alaqaytsitaak aso i amo'r i dahh a amo'r munguhe' asma aaruuse'r yaariir ar lama naa tiit baraa' dando' yamuu'o. 2 Qeeru Mungu' adoor kur tsahha a idori' umoo qeeru' oo' kaah Yesu Kristo nina harda'h ar baraa' slaqwa, kwi oo Mungu'. 3 Nee umoo'qo qwwruwo oo' kahaa'kaa' Ysu, oo Mungu' heeka kwi aa qwwruda Yesu Kristo nguu' tlank, oo' taa axaase oo' axaw nee hindi in qaroo baraa' dando yaamuka i dirii. 4 Kuunga' oo Mungu' na/aa slaa'ri nee iga qaroo' harba/ee asma hee' barahuu'ngw dirii kuur ta koda' baraa' yaamuwo'. 5 Inooin oo' dando' yaamu, gawaa' idoorihe Muru'u ta axeesi oo' bara' yaamu, nee mu'k dando yaamu' tooin ngi aseamiisiya'. 6 Ate'n oo Mungu' umoo'qo heewo oo Mungu' xu'uu axweesantare'n ngi axamiisi inoosda' oo' Mungu' heeka' axweesantare'n ngi axaniisika'. Baraa' tiye qeeru heema nee oo lamaa Uuxuaar. 7 Slaa'ru'use, ti sla'asla'aane' asma sla'an' amo'r daah a amo'r Mungu', nee umoo'qo heewo oo' sla'aari koo'm kwa laqwaal nee Mungu' nee inoos Mungu' gwa tsaa'hh. 8 Hee' sla'aari ko'omaaka' Mungu' gwa taahhiika' asma Mungu' aa sla'aari. 9 Baraa' tiye, sla'aai Mungu' kingno amoren i geehho otiis, asma Mungu' Garmaawo's oo kilo's ngwa ya/aaw baraa' yaamuu i ale as kahhoo' ino's kuwa slafingw ar slawaan baraa' sla'aariiye, aa gidaaba' yeka Mungu' una sla'aan, ala ino's tindna. 10 Sla'aa, nee Garmawo's nguna ya/aaw as tawa bu'utu' tlakweemaare'n. 11 Sla'aaruu'se bar Mungu' ate'n taa doorir slaa' ate'n ga'r tiwa hariimu alook tin sla'aa sla'aan. 12 Hee' Mungu' ngwa baloo' ar i kaah bar ate'n ti slaasla'an, Mungu' i baraarene wa hoot nee sla'ariros ire gana baraarene. 13 Gawa idoorihe an xua'an ador ate'n tar bra'awo's wa hoota'an, nee ino's i baraate'en asma ino's ate'n ta qay Qeeruuwose. 14 Ate'n a ga araan kare lamabuuma'am idoor Baba' Garmawo's ngura ya/aaw tawa Ba/aasmoo' yaamu. 15 Hee' bira ya/a'n idor Yesu tar Garmaa' Mungu', Mungu' i braa'wo's i dirii nee ino's i braa' Mungu'. 16 Nee aa xua'an nee aa haratlintantia'n sla'aari Mungu' i koon baratene, Mungu' aa sla'aari nee ino's koda' baraa' sla'aarir wa hoot, in baraa' Mungu' nee Mungu' i braawo's iwa hoot. 17 Gawaa' adoorihe' sla'aari kana gan'aaas braarene, as kahho' ba'k deelo'r sakwasleemeaaro an da'ayumitanaaka' asma idooda ino's idirii, an idoor ate'n ti diri'iana baraa' yaamukae. 18 Baraa' slalaariro dae ika'hh. Ala sla'aar ganaa dae ngin hinges, asma dae i sakwasleema''r koo'n. Hee' da'ayu'umiti baraa' sla'aariro aa gana u'ka. 19 Ate'n Mungu' un sla'aan, asma ino's ate'n tina sla'aa' geer ale. 20 Aba'ar hee' i oi, Mungu' u sla'a ino's hhiyaawo's gu slaiika, ino's a lamusmo. Asma hee' hiyaawo's koda i ga/ay ngwa harslaaqaat sla'aatiro, Mungu' aa ariika, ngu aslayka' sla'atiro. 21 Nee ti an haraayar ta koomar wa amoro's umoo'qo hee Mungu' sla'aa' gar kuwa harimu a hiiyawo's ngun sla'aa sleeme.