¹ Paulo kuna/aka nee Yesu Kristo tawa ya/abusmoo as sla'aarir Mungu', nee sostene hhiyare'n. ² Amo'r kanisar Mungu' ar korinto amo'r kwad ta paratl baraa' Yesu Kristo kwada ta /aka' tawa mu'k hho'hhoo. Anigooiman sleeme amo'r kwada umoo Aakoren Yesu Kristo umoo diro Aakoin nee Aakore'n. ³ Tsuqa nee wayda masok i amorhung oo amor Mungu' Babore'n nee Aakore'n Yesu Kristo. ⁴ Delo slee'meero Mungu' un slufimiis as kuunga' asma tsuqr Mungu' toda Kristo Yesu na hamiis. ⁵ Tunana daqare tlehh baraa' umoo urwaro baraa' axweni dinkwa nee saqaloa slee'me. ⁶ Tununa daqare tlehh idoda lamabu'uungw oo dando Kristo gidaaba' kuunga gehho'ootis tawa loeema baraa' tal/ahunge. ⁷ Baraa' idosiye tunuwa/aruuwika nee aleslemu qeeru, idoda kar ilatlerusa damito'r laqamisar Aakor'n Yesu Kristo. ⁸ Kuunga' tunugawde's sleeme ay alhhe'eesa'y as tunuwa afyaka' delor Aakoren Yesu Kristo. ⁹ Mungu' i inserhhemoo konka, kwada kuunga tuna/aaka' baraa' dinku'uumar garmawo's Yesu Kristo Aakore'n. ¹⁰ Hindi tunuherhhehhe'eemiis hha'ee'ee oo daqaay nee dasuwo' neer baraa' umoo Aakore'n Yesu Kristo, gidaaba slee'meero tawa ya/aanda' nee gidaaba' partlato miwa derit baraa' tla/ahunge. Tunuharhhehhe'eemiis gidaaba' tiharagase dinkwa munoo' wak nee tlehhemu wa'k. ¹¹ Asma mu'k do' kloe nga ooiye gidaaba' partito i der baraa' tlalanghunge. ¹² Gar ni kaah a ti umoo hee baraa' tla/angwhuangwe umoo hee i kahi ani oo' defa' laqa ani oo Kristo. ¹³ Xa'y Kristo ta qasmisi? Xa'y Paulo kwa kikii'i as kuunga? Xa'y tunabatimiis neer umoo Paulo? ¹⁴ Mungu' slufmii as hee na batiis i kaahh aqo har Kristo nee Gayo. ¹⁵ Gari a gidaaba' hee' i kaah oo' oo' tununa batiis ar umooee'. ¹⁶ Sleeme muk do' slefano unabatimiis awa hatla kwisiya ba/a oo ni xuu' ii kahh na batiis. ¹⁷ Asma ani Kristo aya/awika as niwabatimis ala as ya/abtor hho' ngiwa alki/iit, Aya/awika as niwaaxwe's ar sagaloar muu as uru msalabar Kristo mukuhingee. ¹⁸ Asma axwenta msalaba a daktu'uuma dir kwada hhama'aa, ala dir kwada Mungu' i ba/amimisi a uru Mungu'. ¹⁹ Asma ka gooin ahhitiim sagaloar kwada sagaloar koma, ahhitiima xu'uuti mukda xu'uutir koom. ²⁰ I amola hee sagaloar koom? I amola hee xu'uutir koom, I galay hee axweniita ilxafar dando yamuuka? Xa'y Mungu' ga wereqesike sagaloar dando yamuka tawa daktu'uma? ²¹ Imir yamuuka iwa baraa' sagaloar iin Mungu' kwa tsahhiika, Mungu' nguna sla'aatis baraa' daktu'uumar ar alki/iita ya/abtor hho as kwada haratlintiikiwa ba/amiisi. ²² Dir mu'k Yahudi garta lelehhiit aslaqasii xua waslen nee mu'k Yunani gartalelehhiti a sagaloa. ²³ Ala gar ta alki/iitay a axwenta Yesu koda ta kikii dir Wayadudi getafo dir Wayunaniro daktu'uuma. ²⁴ Ala dir kwada ta /adaai nee Mungu' Wayadudi nee Wayunami gari ni alik/iitan Kristo uru Mungu' nee sagaloar Mungu'. ²⁵ Asma daktuu'umar Mungu' i sagaloar loon tar muko nee daqatlakwer Mungu' i uru koon tar Muko. ²⁶ Xuxuaaak /aka'aamor Mungu' gawaa' kungae Hhiya nee hho'or'ee, tunu yarireeka oo alesleemu kooma baraa' harqomoo muko tumu ureeka oo uru kooma nee tunuureeka oo ta laqwal baraa' uray. ²⁷ Ala Mungu' nguna wagwer moroda oo daktu'uumar yamuuka as kwada sagaloar kooma ngiwa murutisi (murekesi) Mungu' ngina wagwer toda waqaatit yamuukae as toda /utu koom ngiwa murekeesi. ²⁸ Mungu' ngina wagwer toa ak waqa'atit nee toda ta ak waqaa baraa yamuke ngina wagwer moroda ta gari harakarika as kwada ta aka gari tsatsahha'n ngiwa to tlehhi. ²⁹ Idosi, ngina tlehh an miwa deruut oo ti xirfemiis gerawose. ³⁰ Asma toda Mungu' a tlehh alkaa baraa' Kristo Yesu ii dir'aa' kwada a sagaloar tlehhiit as kuunga' ar amor Mungu' dahh ino's an gana'amur'n, hhohho'artar'n nee ba/amaare'n. ³¹ Idor ti'iit idor gori i kaat oo ti xirfeemiis ti xirfeesi ar baraa' Aako.