¹ ಕಿಸ್ತ ಯೇಸುಡ್ನ ಸೇರೆಯೋಡಿನ ಪೌಲುಡು ಸಹೋದಲೈನ ತಿಮೊಥಿಯದು ಮಾಕಿ ಪಿಯುಡು ಜೋತ್ಲ ಪನಿಸೆಸೋದು ಯಿನ ಫಿಲೆಮೊನಡ. ² ನಿಕು ಸಹೋದರಿಯನ ಅಪ್ಚಿಯಕು ಮಾ ಸಹಬ್ತೈನ ಅಖಿರ್ಪ್ಪಕು ನಿ ಎಂತ್ಲ ವಚೆ ಸಭೆಯವಲ್ಕಿ ರಸದೆಮಂತೆ- ³ ಮಾ ತಂದ್ರಿದೆಹುಡು ಕರ್ತಡಅಹಿನ ಯೇಸುನಿನ್ಕ ಮಿಕಿ ಕೃಪೆ ಶಾಂತಿ ಅಹಿನಿ. ⁴ -ಕರ್ಥದೈನ ಯೇಸು ಪೈನ ನಿನುವ ಪೇಟಿನ ನಂಬಿಕೆಯಾನಿ ದೆಹುಡ್ಜನಲಪೈನ ಹುಂಡ. ⁵ ನೀ ಪ್ರೀತಿನಿ ಇನಿಕೊನಿನಪುದ್ದು ನೇನು ಪ್ರಥನೆ ಸೇಸಿನಪುಡು ದೆಹುದ್ಕಿ ಎಅಪುದು ಸ್ಹೋತ್ರನಿ ಸಲಿಂಚಿ ನಿಂಕೆ ವಿಘ್ನಪನೆ ಸೇಸ್ಥನು ⁶ ಕಿಸ್ಥದ್ಲ ಮಕಿ ಸಿಕಿನ ಅನಿ ಸುವರಲ್ನಿ ನುವ ತಿಳುವಲಿಕೆನಿ ಪೊಂದುತೊಂನಪುಡು ಕಿಸ್ಥ ನಮ್ಬಿಕೆಲ ಹುಂಡ ನಿ ಅನುನ್ಯಯ್ತೆನಿ ಕಿಸ್ಥದ್ಕಿ ಹೆಚ್ಹಿನ ಮಹಿಮೆನಿ ಹುಂಟು ಸೇಯಲ ಅನಿ ಪ್ರರ್ಥನೆ ಸೇಸ್ಥ. ⁷ ನಿ ಮುಳಕಂಗ ದೇವಜಾಲ ಹೃದಯಲಕಿ ಪ್ರೋಹ್ಸಸ ಸೇಸ್ತ್ಹೊನಪುಡು ನಿ ಪ್ರೀತಿ ನಿಮಿಥಗ ನಾಕಿ ಜಾಸ್ತಿ ಸಂತೋಸಮು ಅದರಣೆಆಯ. ^{8 9} ನಿಕಿ ಯುಕ್ತ ಅಹಿನ ಆಜ್ಞಪಿಸೆದಂಕಿ ನಾಕಿ ಕಿಸ್ಥದ್ಲ ಜಾಸ್ತಿ ಅದಿಕಾರ ಹುನಪುದು ಅಪುದೆ ಅಗ್ನಪಿಸ್ಕುಡ ಮುಸ್ಲೋದು ಎಪುಉಡು ಕಿಸ್ತ ಯೇಸು ನಿಮಿತ್ತಗ ಸೇರಿಹೊಡು ಅಹಿನ ಪೋಲ ಅನಿ ನೀನು ಪ್ರೀತಿ ನಿಮಿಥಂಗ ನಿನಿ ಬೆದುಕುಂಟ. ¹⁰ ನೇನು ಸೇರೆಲ ಪೊಂದುಕುನ ನಾ ಓನೆಸಿಮಡ ವಿಸ್ಯಮ್ಲ ನಿನಿ ಬೇಡಿಕುಂಟ. ¹¹ ಮೊದ್ಲು ನಿಕಿ ಅಪ್ರೋಯೋಜಕ ಇನಪುದು ನಿಕು ನಾಕು ಪ್ರಯೋಜಕ ಇನಡು, ¹² ನಾಕಿ ಪ್ರಾಣಲಹುನ್ನಪುಡು ವದ್ನಿ ನಿ ದೇಗ್ರ ಎನಾಕಿ ಅಪಿಂಚಿ ನಿವಡು. ¹³ ನೇನು ಸುವಾರ್ತ ನಿಮಿತಂಗ ಸೇರೆಲ ಹುನ್ಪುದು ನಿಕಿ ಬ್ದ್ಲಾಹಿ ವಡು ನಿಕಿ ಉಪಚಾರ ಸೇಸದಂಕಿ ವದ್ನಿ ನ ದೇಗ್ರ ಪೆತ್ಕೊಲ ಅನಿ ಯೋಚನೆಸೆಸ್ನಡು. ¹⁴ ಅಹಿನ ನಿ ಉಪಕರನಿ ಬಲಾತ್ಕಾರ ನಿಂಚ ಕಕುಂದ ಮನ ಪೋರ್ವಕಾಗ ಹುನ್ದಳನಿ ಯೋಚನಂಸೆಸಿ ನಿನ್ ಒಪೆಗೆಲೆಕುಂಡ ಏಮಿ ಸೇಸದಂಕಿ ನಾಕಿ ಎಸ್ತಂ ಲೇದು. ¹⁵ ವಡು ಕೊಂಚಂ ದಿನಾಲೂ ನನ್ನಿಕ ದೊರಮ್ಹಿ ನಿರಂತರಗ ನಿನೋದೀನದನಿಕಿ ಎಮೋ. ¹⁶ -ಎಂಕ ಮುಂದ್ರ ವಡು ದಸುಡುಕಕುಂಡ ದಾಸಡ್ ಕಿಂಕ ಉತಮಂಗ ಮಂಚಿ ಸಹೋದರಅಯಿಹುನ್ದಲ ವದುನಕಿ ಹೆಚಿಂಗ ಪ್ರಿಯಲಾನಿ ನಿಕಿ ಲೋಕಸಂಬದಲ ಎಂಕ ಇಂತೋ ಪ್ರಿಯಳಹುನ್ತಡು. ¹⁷ ಅಹಿನ ನುವ ನನ್ನೀ ಜೋತ್ಳವಡು ಅನ್ಕಂಟೆ ನಾನಿ ಸೇಸ್ಕನಿಚ ಪ್ರಕರಗ ವದ್ನಿ ಸೇರ್ಪ್ಕೋ. ¹⁸ ವದ್ನಿಕ ನುವ ಎಮದ್ರು ನಷ್ಟ ಪತುಂಟೆ ಕನಿ ವಡು ಸಾಲ ತಿರಪಳಹುನ್ತೆ ವದ್ನಿ ನಾ ಲೆಕ್ಕನ್ಕಿ ಎಸಿ. ¹⁹ ನೇನು ಇಚಿ ತಿರ್ಪತಅನಿ ಪೌಲುಡುನಾನು ನಾ ಸೈ ನಿನ್ಕ ರಸ್ನನು.ನೀ ಅತ್ಮ್ಲ ವಿಸ್ಯಂಗ ನುವ ನಾ ಸಾಲ ಇನಉ ಅನಿ ನೇನು ಬೇರೆ ಸೋಪಲ್ನ. ²⁰ -ಅಓನು ಸಹೋದರನ ಕರ್ಥಡ್ಲ ನಿನಿಕ ನಾಕಿ ಪ್ರಯೋಜನ ಇಯತ್ಕ ಸೇಹಿ ಕಿಸ್ತದ್ಲ ನಾ ಹೃದಯನಿ ಸಂತೋಸ ಪದ್ಬಿಂಚು. ²¹ -ನಾ ಮತ್ಳನಿ ಇಂತ್ವಿ ಅನಿ ಬ್ರವಸೆಯ್ಲ ಹುನ್ನಪುಡು ಇ ಪತ್ರಿಕೆನಿ ರಸ್ನನು. ನೇಣು ಸೋಪಿನ್ದನ್ಕಿಂತ ಹೆಚಂಗ ಸೇಸ್ತಹುಅನಿ ನಾಕಿ ತೆಲ್ಸು. ²² ಕಣಿ ದೆಹುಡು ನಿ ಪ್ರಥನಿನೆಏನಿ ನಾನಿ ಮಿ ದೆಗರ್ಕಿ ಅನುಗ್ರಹಿಂಚಡು ಕಣಿ ನೀನೆ ಹುನ್ದದಂಕಿ ಸ್ತ್ಳನಿ ಸಿದಮ್ಸೆಯಡಿ. ²³ ಕಿಸ್ತ ಯೇಸು ನಿಮಿತಂಗ ನಾ ಕೂಡ ಹುಂಡ ಎಪಪ್ರಡು ನಾ ಸಹಕಾರಿ ಮಾರ್ಕ ಅರಿಸ್ತಾಕರ ದೇಮು ಲೂಕಡು ಮಿಮ್ನಲ್ನಿ ವನ್ದಿನ್ಸ್ತರು. ²⁴ ನಾ ಜೋತ್ಲ ಕೆಲಸೈನೋಳುಅಹಿನ ನಾ ಜೋತ್ಲ ಮಾರ್ಕ ನೀನ್ ವಂದಿಸ್ಥರು. ²⁵ ಕರ್ತಡ್ ಅಹಿನ ಯೇಸು ಕಿಸ್ತ ಕೃಪೆ ಮೀ ಅತ್ಮ್ಲಹುನ್ದ್ನಿ .