¹ 1:-ಜನಲು ಸುಸ್ದಳನ್ನಿ ದರ್ಮಕರ್ಯಳನ್ನಿ ವಲ ಮುಂದ್ರಳ ಸೇಸಕುಧು ,ಅತ್ತಲ ಸೇಸ್ಥ್ಯೇ ಪರಲೋಕ್ನ್ಳುಂದ ಮಿ ತಂದ್ರಿದೆಗ್ರ್ ಮಿಕಿ ಪಲ್ಮು ಸಿಕ್ಕಲೇ . ² 2:-ದನಿಕ ನುವ ದರ್ಮ ಹಿಚೀಥಪದು ನಿ ಮುಂದ್ರ ಕೊಮ್ಭು ಉಪದು ;ಜನಲ್ನಿಂಕ ಹೋಗಲ್ಬಿಚ್ಕಲ್ನ್ನಿ ಕಪತಟಿಲು ಸಭಾಮಂದಿರ್ಲಾ ಅಮಿತ್ಗ ಇದಲ್ಲ ಅತ್ಲ್ಲ್ಲ ಸೇಸ್ಥರು .ವಲು ವಲ್ಕಿ ಹೊಚ್ಹೆತ್ಲ ಪಳಮ್ನ್ನಿ ಹೊಂದುಕೊಳನಿ ಮಿಕಿ ಸೋಪ್ಥನು . ³ 3:- ಧರ್ಮನೀಇಚ್ಪುಡು ನುವ್ವ ದರ್ಮಇಚಿಂದಿ ಅಂತರಂಗಐತೆ ಅಟ್ಟೆ ನೀ ಬಲಸೆಯ್ನಿ ಸೇಸಿಂದಿ ಎಡಸೆಯ್ಗಿ ಗೋತಗುದು. ⁴ 4:-ಅನ್ಥರಗ್ಮ್ಲ ನೆಡ್ಸ್ದಣಿ ಸುಶೀ ನಿ ತಂದ್ರಿ ನಿಕಿ ಪಲ್ಮು ಇಥದು . ⁵ 5:-ಅಮಿತ್ಗ ಮಿಳು ಪಾರ್ಥನೆ ಸೇಸಥಪದು ಕಪಥಿಲ್ಗ ಅತ್ತಳ ಸೇಯಕುಧು .ಜನ್ಲು ಸುದಳನಿ ವಲ್ಲು ಸಭಾಮಂದ್ರಿಲ ಇದಲ ನಿಚ್ಕೊನಿ ಪರ್ಥನೆ ಸೇಸದಂಕಿ ಇಸ್ತುಮುಪದ್ಥದು .ವಳು ವಲ್ಕಿ ಹೊಚ್ಚೆ ಪರ್ಥಿಮಲ್ಮಿ ಹೊಂದುಕೊಳನಿ ಮಿಕಿ ನಿಜ್ಮು ಸೋಪ್ಥನು . ⁶ 6:-ಐತ್ಹ್ಯೇ ನುವ ಪ್ರಥನೆ ಸೇಸಥಪದು ನಿ ಏಕಂಥ್ಮ್ಲ ಉಂಡ ಇಂತ್ಕಿ ಪೈ ವಕ್ಲ್ನಿ ಎಸ್ಕೊನಿ ಅನ್ಯ್ಹರಾಗ್ಮ್ಲ ಉಂಡ ನಿ ತಂದ್ರಿಕಿ ಪರ್ಥನೆ ಸೆಹಿ ;ಅನ್ಥರ್ಗಮಲ ನೆದ್ಸದನ್ನಿ ನಿ ತಂದ್ರಿ ನಿಕಿ ಪಳಮು ಇಸ್ಥ್ದು . ⁷ 7:-ಐತ್ಹ್ಯೇ ಪರಥನೆ ಸೇಸಥಪ್ದು ಅಗ್ನ್ಲಿತ್ತ್ಗ ಅತ್ಲ ಸೋಪಿದನ್ನೇ ಮಿಳು ಉರ್ಕ ಸೋಪಕುಧು ;ವಳು ಬಹಲಂಗ ಮಥದ್ಲ್ದ್ಲೋನ್ನಿ ಮಿ ಪ್ರಥನೆನ್ನಿ ದೇವಡು ಇನಥ್ದು ಅಣಿ ಅನೋಕೊಂಥಳು . ⁸ 8:-ದನಿಂಕ ಮಿಳು ವಲ ಅಥ್ಲ ಕಕುಧು .ಮಿರು ಮಿ ತಂದ್ರಿನಿ ಅಡಿಕೊತ್ಹ್ಲಾಸ್ ಮುಂಚ್ಗ ಮಿ ಏಮಿ ಏಮಿ ಅಗಥ್ಯಮುಂದಡಿ ಅಣಿ ತಿಳ್ಸುಂಡಿ . ⁹ 9:-ದನಿಂಕ ಮಿಳು ಎತ್ಹ್ಲ ಪರ್ಥನೆನಿ ಸೇಸಡಿ - ¹⁰ 10:-ಪೊಲೋಕುಮ್ಲ ಉಂಡ ಮಾ ತಂದ್ರಿ , ನಿ ನಮ್ಮು ಪರಿಶುದ್ಮಣಿ ಅನ್ಬಿಚ್ಕೊನಿ . ನಿ ರಾಜ್ಯಂ ರಾನಿ . ನಿ ಚಿಥ್ಮು ಪರಲೋಕ್ಕುಮ್ಲ ನೆರೆವೆಥ್ಗ ಭುಲೋಕ್ಮ್ಲ ನೆರ್ವೆರ್ನ್ನಿ . ¹¹ 11:-ಮಾ ಅನುದ್ನ್ಮು ಅಹರ್ನಿ ಈ ಹೊತ್ತು ದಯಪಲಿನಿಚು . ¹² 12:-ಮಕಿ ತಪ್ಪು ಸೇಸ್ಲೋನಿ ಮಾಮು ಖಮಿಚ್ಥ್ಲ ಮಾ ಥಪ್ಲ್ನಿ ಕ್ಷಮಿನ್ಚು . ¹³ 13:-ಮನಮಿ ಶೋದನ್ಕ್ಲಿ ಸೇಶ್ರ್ಬಿಚುನ್ಫ್ದ ಕೆಡಿನಿಂಚ ತ್ಪಿಂಚು . ¹⁴ 14:-ಮಿರು ಜನಳ ಥಪುಲ್ನಿ ಕ್ಷಮಿಸ್ಥ್ಯೇ ಪರೋಲೋಕ್ಮ್ಲ ಉಂಡ ಮಿ ತಂದ್ರಿ ಮಿ ಥಪುಲ್ನಿ ಕ್ಷಮಿಸ್ಥದು . ¹⁵ 15:-ಐತ್ಹ್ಯೇ ಮಿರು ಮಿ ಜನಳ ಥಪ್ಲ್ನಿ ಕ್ಷಮಿನ್ಚ್ಲೆಲೆಕಪೋಥ್ಯೇ ಮಿ ತಂದ್ರಿ ಮಿ ಥಪುಲ್ನಿ ಸಹ ಮಿ ಥಪುಲ್ನಿ ಕ್ಷ್ಮಿಸಳೆದು . ¹⁶ 16:-ಇದಿಕಕುಂಡ ಮಿಳು ಉಪಸನೆನಿ ಸೇಸಥಪದು ಕಪತ್ಲಿ ರೀತಿಗ ಮೊಕನಿ ಸಪಂಗ ಸೇಸಕುಧು.ವಳು ವಲ ಮೊಕನಿ ವಿಕರಂಗ ಸೇಸ್ಕೊಂಥ್ಳು. ವಲ್ಕಿ ಹೊಚ್ಹ ಪರ್ತಿಪಲ್ಮಿ ಹೊಂದ್ಕೊಂಥಳನಿ ಮಿಕಿ ನಿಜ್ಮು ಸೋಪ್ಥನು . ¹⁷ 17:-ಐತ್ಹ್ಯೇ ನುವ ಉಪಸ್ಮ್ನಿ ಸೇಸ್ಥಪದು ನಿ ತ್ಹ್ಲ್ಕೆಗಿ ನುನ್ನ್ನಿ ಹೆಸ್ಕೊನಿ ಮೊಕನಿ ಕಡಿಕೋ . ¹⁸ 18:-ಇತ್ಲ ಸೇಸ್ಥ್ಯೇ ನುವ ಉಪವಸಿಹನಿ ಜನ್ಕ್ಲಿ ಕಂಪದಿಕೊಕುಂದ ಅನ್ಥರಗ್ಮ್ಲ ನಿ ತಂದ್ರಿಕಿ ಉಪವಾಸಿ ಅನಿ ಕಂಪದಿಸ್ಥ್ವು .ಅನ್ಥರಗ್ಮ್ಲ ನೆಡ್ಸದಣಿ ಸೂಸಿ ನಿ ತಂದ್ರಿ ನಿಕಿ ಪಲ್ಮು ಇಸ್ಥ್ದು . ¹⁹ 19:-ಭುಲೋಕುಮ್ಲ ಗಂತುಮ್ನ್ನಿ ಪೆಥಕುಧು .ಇಡ ಅದಿ ನುಸಿಪೋಥಕನಿ ಕೊಲ್ಬುಪಥ್ಕೊನಿ ಸೇದಿಪೋಥದಿ .ಇಡ ದೊಂಗ್ಲು ಕನ್ನೈನಿ ಕೊರ್ಸಿ ದೊಂಗ್ಲಿಸ್ಥರು . ²⁰ 20:-ಇತ್ಹ್ಯೇ ಪರಲೋಕುಮ್ಲ ಗಂತುಮ್ನಿನಿ ಸೇಸ್ಕೊನಿ ಪೆಥ್ಕೊಂಡಿ ;ಅಡಾ ಅದಿ ನುಸಿಪೋಥ್ಕೊನಿ ಕಿಲ್ಬುಪೋಥ್ಕೊನಿ ಸೇದ್ಪೋಯಳೆದು .ಅಡಾ ದೊಂಗ್ಲು ಕನ್ನಿ ಕೊರ್ಸಳೆದು ,ದೊಂಗ್ಲಿಚೆಲೆದು. ²¹ 21:-ನಿ ಗಂತು ಉಂಡ ಜಗಲ ನಿ ಮನಸು ಕೂಡ ಉಂಡ್ಥದಿ . ²² 22:-ಕನ್ಲ್ಲುದೇಹಂಕಿ ಎಲ್ಗು ಇನ್ದಡಿ ;ಇತ್ಳುನಪುದು ನಿ ಕನ್ನ್ಲು ಸರಿಗುಂತ್ಯೆ ನಿ ದೇಹಮ್ನ್ಥ ವೆಲುಗು ಉನ್ತದಿ . ²³ 23:-ನಿ ಕನ್ಲ್ಲು ಶೆದದ್ದಿ ಅನಿಥ್ಯೇ ನಿ ದೇಹಮ್ನ್ಥ ಸಿಕ್ತೈನ್ಥದಿ . ಐತ್ಹ್ಯೇ ನಿ ಲೋಗ ಉಂಡ ಯಲ್ಗು ಸಿಕ್ಟಿ ಅನಿಥ್ಯೇ ಇಂಕ ಎಮನಲ . ²⁴ 24:-ಯಾವ್ದು ಇದ್ರ್ಕಿ ಯಜಮ್ನ್ಲ್ಕಿ ಸೇವೆ ಸೇಸೆಳೆದು .ವಡು ಒಚ್ದ್ನಿ ದ್ವೆಶಿಂಚಿ ಉಂಕ ಒಚ್ದ್ನಿ ಪ್ರಿಥಿಸ್ಥದು ;ಲೆದೆ ಒಚ್ದ್ನಿ ಒಂದ್ಕೊನಿ ಉಂಕ ಒಚ್ದ್ನಿ ಉದ್ಸೇಡಿ .ನುವ ದೆವ್ದ್ನಿ ದುಡ್ಲ್ನಿ ಕೂಡ ಸೇವಾಸೆಳೆದು . ²⁵ 25:-ಈ ಕರ್ನ್ಮ್ನಿಂಕ -ಮಾ ಪ್ರನದರ್ಮ್ನಿಂಕ ಏಮಿ ಕೂಡ ತಿನ್ನಲ ,ಏಮಿ ತಗಲ ,ಮಾ ದೇಹಮನಿ ಮುಸ್ಕೊನಕಿ ಏಮಿ ಕಾವಲ ಅನಿ ಮಿರು ಯೋಚ್ನ್ಮ್ಸೆಸಕನದು ಅಣಿ ಮಿಕಿ ಸೋಪ್ಥನು .ಕೂಡ ಕಿಂತ ಪ್ರನ್ಮು ಬಟ್ಲು ಕಿಂತ ದೆಹಾಮು ಪೈನಕದಾ . ²⁶ 26:-ಅಕಸ್ಹ್ಮುಳುಲ ಪರಡಾ ಪಕ್ಷಿಲ್ನಿ ಸುದನ್ದಡಿ .ಅವಿ ಬಿಥಳೆದು ,ಕೊಸಳೆದು ,ಕನಜ್ಮುಲ ನಿಮ್ಪ್ಕನೆಲೆದ್ಫು ;ಐತ್ಹ್ಯೇ ಪರಲೋಕ್ಮುಳುಂದ ಮಿ ತಂದ್ರಿ ಅವತ್ನಿ ಸಕ್ಥ್ದ್ಕದಾ ;ಅವ್ಟ್ಲ್ಕಿನ್ಥ್ಸ ಮಿರು ಶ್ರೆಸ್ತುಳು ಕದಾ ? ²⁷ 27:-ಚಿಂತ್ಮು ಸೆಸಿ ಒಕ್ಟಿ ಪೋದ್ಗು ಪೆರ್ಗದಿ ಮಿಲ ಯೋರ್ನಿಂಕ ಐತ್ಹದಿ ? ²⁸ 28:-ಇದಿಕುಂದ ಮಿಳು ಬಟ್ಲು ಕಿ ಚಿಂಥ್ಮು ಸೇಸದೆನ್ತ್ಕಿ ?ಕಡಲ ಉಂಡ ಪುವ್ಳು ಪೆರ್ಗ ರಿಥಿಗ ಯೋಚ್ಮ್ನ್ ಸೆಸಿ ತಿಳ್ಚ್ಕೊಂಡಿ ;ಅವಿ ಧುದ್ಸೆಳೆದು ,ನುಲ್ಸೆಳೆದು ; ²⁹ 29:-ಐತ್ಹ್ಯೇ ಈ ಪ್ವ್ಳುಲಾ ಒಕ್ಟಿಕುಂದ ಅಲಂಕರ್ಮು ಸೋಲೋಮೊಂದ್ಕಿ ಸಹ ವಡು ವಡಾ ಅಂತ ವೈಭಮಲ ಉನತಪುಡು ಉಂದಳೆದು ಅಣಿ ಮಿಕಿ ಸೋಪ್ಥನು . ³⁰ 30:-ಎಲಾ ಅಲ್ಫಾ ವಿಶ್ವಾಸಿಲ ,ಇಪ್ದು ಉಂಡಿ ,ರೇಪು ಅಗ್ಗಿಕಿ ಪಲೈ ಕಡಾಲ ಗರ್ಕೆಕಿ ದೇವುಡು ಇತ್ಲ ಸೇಸ್ಥ್ಯೇ ದಂಕಿಂಥ ಎಂತೋ ಹೆಚಂಗ ಮಿಕಿ ಉಡುಬಿಸ್ಥಡು. ³¹ 31:-ಇಥಳುನಪದು ಏಮಿ ಕೂಡ ತಿನಲಾ ,ಏಮಿ ತಗಲ,ಏಮಿ ಹೆಸ್ಕೊನಳ ಅಣಿ ಚಿಂಥ್ಮು ಸೇಯಕುಧು . ³² 32:-ದಿನ್ಕಂಥ ಅಗ್ನನಿನ್ಲು ಥವ್ಕ್ಮುಪದ್ಥರು .ಇದಂತ ಮಿಕಿ ಕವಳನಿ ಪರೋಲೋಕ್ಮ್ಲ ಉಂಡ ಮಿ ತಂದ್ರಿಕಿ ಗೊತುಂಡಿ . ³³ 33:-ಇತ್ಳುನಪುದ್ದು ಮಿಳು ಮೊದ್ಲು ದೇವಡ ರಜ್ಯಂಕಿ ನಿಥಿಗೈ ಥವಕಪದಂಡಿ .ದಿನಿ ಜೋಥ್ಲ ಅಂತ ಮಿಕಿ ಸಿಕ್ಥದಿ. ³⁴ 34:-ಅಮಿತ್ಗ ರೆಪ್ಲಾ ವಿಶ್ಯಮ್ಲ ಚಿಂತ್ಮು ಸೇಯಕುಧು ;ರೇಪು ದಿನ್ಮು ವದ್ದಿ ಅನಿ ಚಿಂಥ್ಮು ಸೇಸ್ಥರು .ಆ ಹೊತ್ ಕಾಟ ಆ ಹೊಥ್ಗಿ ಸಾಲು .