4

1 2 3 1. ಮೀಲ ಯುದ್ದಲು ಕಾದಟಲು ಯಾನೀoಚೀ ಪುಟ್ಟುಕಟ್ಟವೀ ಮೀ ಇoದ್ರೀಯಲ ಹೋರಾಡೆ ಭೋಗಶೆಯಾಲ್ನೀಚ್ಚೀ ಕದಾ 2.ಮೀರು ಅಶೀಚ್ಚೀನಾ ಹೊಂದು ಕುoಡಾ ಉಂಡಾರು ಮೀರು ಕೊಲೆಗಾರಲೈಯೇಯoತ ಕೊಡುಪುರೀ ಪಟೈನಾ ಸಂಪಾದೀಚ್ಚೆಕಾಕುoಡ ಉಂಡಾರು ಮೀರು ಕಾಪಾಡ್ತಾರು ಯುದ್ದಮು ಸೇಸ್ತರು ಮೀರು ದೇವುಡ್ನೀ ಭೆಡೀಕನೆ ಕಾರಣಮು ಮೀಕೇಮೀ ದೊರಕೆಲೆ 3.ಮೀರು ಭೆಡೀಕನ್ನ ಭೆಡುಡೇದಾನೀ ಮೀ ಭೋಗಲ್ಕೈ ಉಪಯೋಗೀಯಚಾನೀ ದುರಾಭೀಪ್ರಯಾಪಟ್ಟು ಭೆಡೀಕನೆದಾನೀoಚೀ ಭೆಡೀಕನೆ ದಾನೀoಚೀ ಮೀಕೀ ದೊರೆಷೆಲೆ 4 5 4.ವ್ಯಭೀಚಾರಿಲು ಮೀರು ಇಹಲೋಕಸ್ನೇಹಮು ದೇವವಿರೋಧಮನೀ ಮೀಕೀ ತೀಳೀಚೆಲೇದ ಲೋಕಕ್ಕೀ ಸ್ನೇಹೀತುಡುಕವಲನೀ ವಾಡ್ನೀ ದೇವುಡುಕೀ ವಿರೋಧೀಹೈ ಸೇಸ್ಕಟ್ಟಡು 5.ದೇವುಡು ಮಾಲ ಉಂಡುಬಿಚ್ಚುoಡೆ ಪವೀತ್ರತ್ಮುಡು ಅಭಿಮಾನಮು ತಾಪನೀoಚೀ ಮಕೊಸ್ಕರಮು ಹoಭಾಲೀಸ್ತಡು ಅನೆ ಶಾಸ್ರೋಕ್ತೀ ಬರೀ ಮಾಟನೀ ಭಾವೀಸ್ತರು 6 7 6.ಆತುಡು ಮಾ ಪೈನಾ ಅತೀಶಯಾಮೈನಾ ಕ್ರುಪೆನೀ ಪೆಡ್ತಡು ದಾನೀoಚೀ ದೇವುಡು ಅಂಹಕಾರಿಲ್ನೀ ಎದುರಿಸ್ತಡು ದೀನಾಲೀಕೈನಾ ಕ್ರುಪೆನೀ ಅನುಗ್ರಹೀಸ್ತಡು ಅನೀ ಶಾಸ್ರಾಮು ಸೋಪ್ತದೀ 7.ಹೀಟ್ಟುoಡೈದೇವುಡುಕೀ ಒಳಗವಾoಡ್ರೀ ಸೈತನುಡ್ನೀ ಎದುರೀಚ್ಚೀ ವಾಡು ಮೀಮ್ಮುಲ್ನೀ ಇಡ್ಸೀ ಪರ್ಪಾತಾಡು 8 9 10 8.ದೇವುಡ ಸಮೀಪಕ್ಕೀ ರಾoಡ್ರೀ ಅಪುಡು ಅತುಡು ಮೀ ಸಮೀಪಕ್ಕೀಹೊಸ್ತಡು ಪಾಪೀಲೆ ಮೀ ಸೈಲ್ನೀ ಶುದ್ದಮು ಸೇಸ್ಕೋoಡ್ರೀ ರೊoಡು ಮನಸ್ಸುಉಂಡೋಳ ಮೀ ರುದಾಯಲ್ನೀ ನೀರ್ಮಲಮುಸೇಸ್ಕೋoಡ್ರೀ 9.ದುಃಖೀಯoಡ್ರೀ ಗೋಳಾಡoಡ್ರೀ ಹೇಡೀಯoಡ್ರೀ ನಗೆದನೀ ಹೀಡ್ಸೀ ಗೋಳಡoಡ್ರೀ ಸಂತೋಷಮ್ನೀ ಹೀಡ್ಸೀ ಮನಗುoದುಡೋಳುಹೈಯoಡ್ರೀ 10.ಕರ್ತುಡ ಮುಂದ್ರ ಮೀಮ್ಮುಲ್ನೀ ತಗ್ಗೀಚ್ಕೋoಡ್ರೀ ಅಪುಡು ದೇವುಡು ಮೀಮ್ಮುಲ್ನೀ ಪೈನುಕೀ ಹೆತ್ಕೋಸಾಡು 11 12 11.ಸಹೊದುರುಲಾ ಒಕ್ಕುಲ್ನೀ ಒಕ್ಕುಳು ನೀoಯದoಡ್ರೀ ಯೇವುಡೈನಾ ವಾಡಾಸಹೊದುರುಡ್ನೀ ನೀoದೀಸ್ತೆ ಪೋನೀವಾಡಾ ಸಹೊದುರುಡ ವಿಷಯಮೈ ತೀರ್ಪುಸೇಸ್ತೆ ವಾಡು ದರ್ಮಶಾಸ್ರಾಮು ವಿಷಯoಲಾ ತೀರ್ಪುಸೆಸ್ನಾಟುಕಾಹೈತಾದೀ ಹೈತೇ ನುವಾ ದರ್ಮಶಸ್ರಮು ವೀಷಯoಲಾ ತೀರ್ಪುಸೇಸ್ತೆ ನುವಾ ನ್ಯಾಯದೀಪತೀಹನ್ನೀಬಿಚ್ಚುಕಟ್ಟವಾ ಕಾನೀ ದಾನೀ ಅನುಸರೀಚ್ಚೋಡುಕಾದು 12.ನ್ಯಾಯಮ್ನೀ ವಿದೀಚ್ಚೆ ನ್ಯಾಯದೀಪತೀಡು ಒಕ್ಕುಡೇ ಆತುಡೇ ಉಳೀಬಿಚ್ಚೆದನ್ಕೀ ನಶಾಮು ಸೆಶೆದನ್ಕೀ ಶಕ್ತುಡು ಹೀಟ್ಟುoಡೇ ನಪುಡು ನೀ ನೆರೆಯೋಡ ವಿಷಯoಲಾ ತೀರ್ಫು ಸೆಶೆದನ್ಕೀ ನುವಾ ಯೋಡು 13 14 13.ಈ ಪದ್ದು ಲೇದೆ ರೆಫು ಮಾಮು ಇಟ್ಟೆ ಪಟ್ಟಣಕ್ಕೀ ಪೈ ಅನಾ ಒಕ್ಕು ವರುಷಮುoಡೀವ್ಯಾಪರಮ್ನೀ ಸೇಸೀ ಲಾಭಮ್ನೀ ಸಂಪಾದೀಸ್ತಾಮು ಅನ್ನೋಳ ಇನಾoಡ್ರೀ ರೇಪು ಹೇಮೈತಾದೊ ಮೀಕೆತೀಳ್ಶೆ ಲೆ 14.ಮೀ ಜೀವಾನಮು ಹೇಟ್ಟೆದೀ ಮೀರು ಕೊಚ್ಚುಮು ಪದ್ದು ಕನೀಚ್ಕನೀ ಆ ಪೈನಾ ಕಾನುಕುನೆ ಪೈಯೇ ಹoಭೆಲಕ ಉಂಟಾರು 15 16 17 15.ದಾನೀoಚೀ ಮೀರು ಅಂಟೆ ಮಾಟುಲ್ನೀ ಹೀಡ್ಸೀ ದೇವುಡ ಚೀತ್ತಮೈತೇಮಾಮು ಬದುಕೀಈ ಕೆಲಸಮು ಕನೀ ಆ ಕೆಲಸಮು ಕನೀ ಸೇಸ್ತಮು ಅನೀ ಸೊಪ್ಪಲ 16.ಹೀಟ್ಟೆ ಸೊಪ್ಪು ಕುದ್ದ ಮೀರು ಅಹoಭಾವಾನೀಚ್ಚೀ ಹೋಗಳೀಕಟ್ಟಾರು ಅಂಟೆ ಹೋಗಳೀಕೆನೀ ಸೆದ್ದೆದೇ 17.ಹೀಟ್ಟುoಡೇದಾನೀoಚೀ ಮಚ್ಚುದನೀಸೇಯಲನೀ ತೀಳೀಚ್ಚೀ ದಾನೀ ಸೇಕುoಡ ಉಂಡೋಡು ಪಾಪಕ್ಕೀ ಒಳಗೈತಾಡು