^{1 2 3} 1-2 ಸಬೆ ಹಿರಿಯುದು ದೆಹುಂಕಿ ಅಹು ಕೊನೋಲು ಅಹಿನ ತಲ್ಲಿಕಿ ಡ್ಯಾನ್ ಕೊಡ್ಕೊಲ್ಕು ರಸೆದೆಮಂತೆ ಮಾಲ ಮಲ್ಲಿ ಸದಕಲಮು ಮಾ ಜೋತ್ಲ ಹುಂದೆ ಸತ್ಯದ ನಿಮಿಥಮು ನೇನು ಮಿಮಲ್ನಿ ಪ್ರಿಥಿಸ್ ತನಿ 3 ತಂದ್ರಿ ಅಹಿನ ದೆಹುನ್ನಿಂಚಿ ಅ ತಂದ್ರಿ ಕೊದಕು ಅಹಿನ ಯೇಸು ಕಿಸ್ಥ ನಿಂಚಿ ಕ್ರುಪಮು ಕರುನ್ನೇನು ಸಂಥಿನು ಸತ್ಯ ಪುರ್ವಕಮಾಹಿ ಪ್ರೀತಿ ಪೂರ್ವಕ ಮಹೈ ಮೆ ಜೋತ್ಲ ಹುನ್ತವಿ ^{4 5 6} 4 ನೀ ಬಿಡಲ ಕೆಲವಳು ತಂದ್ರಿನಿಂಚಿ ಮಾನ ಕುಂತಹಿನ ಅಜ್ನನುಸರಮು ಸತ್ಯವನ್ತುದೈಹಿ ನಡ್ಸೆದಣಿ ಕಣಿ ಬಹ್ಲಂಗ ಸಂತ್ಹೊಸಂಮು ಹುನೋದು ಅಹಿನರು 5 ತಲ್ಲಿ ನೋಲ ನೇನು ಕೊತ ಅಜ್ಞಾನೀ ನಿಕಿ ರಯ್ಕುಂದ ಮದಲ್ನಿಂಚಿ ಮಂಕಿ ವಚೆ ಆಜ್ಞೆನೀ ರಸೋದೈ ಮಾಮು ಒಕಲ್ನೋ ಆಕಳು ಪ್ರಿಯ್ಹಿಂಚಿ ಅಣಿ ನೀನು ಅಡಿಕಂತ 6 ದೆಹುದ ಆಜ್ಞೆಲ್ನಿ ಅನುಸರಿಂಚಿ ನಡ್ಸೆದೆ ಪ್ರೀತಿ ಲಾ ನಡೀಲ ಅಣಿ ನಿಕು ಮೊದಲ್ನಿಂಚಿ ಎನಿನ ಅಪಣ್ನೀ ಅಹಿಂದಿ ^{7 8} 7 ಮನುಸ್ಯದು ನಹಿ ವಚುನ್ತ ಯೇಸು ಕಿಸ್ಥ್ದ್ನಿ ಒಪಿಕುಂದ ಹುಂದೆ ಮೊಸರರಲು ಅನೇಕ ಮಂದಿಲು ಪೈಹಿ ಲೋಕಂಲೋಗ ಪೈನರು 8 ಮನಮು ಪ್ರಯಸಂ ಪದಿ ಸೇಸುಂದೆ ಅಹಿತಲ್ನಿ ಮಿರೂ ಕಸೋಕುಂದ ಪೂರ್ಣ ಬಳಮ್ನಿ ಪೊಂದಿಲಕ ಜರರುಥತೆ ಹುನ್ದಡಿ ^{9 10 11} 9 ಕಿಸ್ತುದ ಉಪದೆಸ್ಅಮಲ ದನ್ನಿ ಅಹಿಕ್ರಮಿಂಚಿ ಮುಂದ್ರುಕಿ ಪೈಯೋಇಕಿ ದೆಹುದ ಅನ್ನೋಯದಿ ಲೇದು 10 ಇ ಉಪದೆಸಂಕಿ ಒಪಿಕೊಂಡ ಹುನ್ದ ಯವದೈನ ಮೈ ಜೋತ್ಕಿ ವಸ್ಥೆ ವದ್ನಿ ಎನ್ತೊಲೋಗ ಸೆರ್ಪಿನ್ಚೋಕ್ದನ್ದ್ರಿ ವಾದಕಿ ಸುಬಂ ಕಣಿ ಸೋಪದನ್ರಿ 11 ವಾದಕಿ ಸುಬಂ ಕಣಿ ಸೋಪೋದು ವದ್ದ ದುತ್ಕುತ್ಯ್ಲ ಪಳುರದೈಥದು ^{12 13} 12 ಮಿಕಿ ರಸೆದಂಕಿ ಮಾಕಿ ಅನೇಕ ಸಂಗತಿ ಹುನಾ ಅವ್ತಲ್ನಿ ಬುದ್ದ ನಿನ್ಕ ಕಾಗದ ಪೈನ ರಸಿ ತಿಲ್ಪಿನ್ಚೆ ದಂಕಿ ನಕಿ ಮನಸು ಲೇದು 13 ಅಪುಉದು ಮೈ ಸಂತ್ಹೊಸಮು ಪರಿ ಪೋರ್ನಂ ಅಹಿತದಿ ದೆಹುದ್ನಿ ಅರ್ಪ್ಕೊನಳಹಯಾನ್ ನೀ ಸಹ್ಗೊದರಿಯ ಪಿಲ್ಲಲ್ಕಿ ವದನಲು ಸೋಪ್ಥರು