¹ . ದೆಹುಡ ನಾಮಾಂಕಿ ವಾಡ ಬೋದನೆಕಿ ದೂಷಣೆ ಕಾಕುನ್ತ್ಕ ನೋಗಲ ಅದಿನಹುಂಡ ಸೇವಕಲು ಅಂದ್ರು ವಲ ಯಜಮಾನಲಕಿ ಅನಿ ಮಾನಕಿ ಯೋಗ್ಯಳು ಅನಿಕೊನಿ. ² .ವಿಸ್ವಸಿಳಹಿನ ಯಜಮಾನಲುಹುಂಡಳು. ಆ ಯಜಮಾನಲ್ನಿ ತಮುಳುಅನಿ ತಾತ್ಸಾರಸೆಕುಂಡ ಆದ್ಯಂಲ ಪಾಲು ಹೊಂದುವದಂಟಲ ನಮ್ಬೋಳು ಪ್ರಿಯುಳು ಅಹಿನಲುಅನಿ ತಿಳ್ಚನಿ ವಲ್ಕಿ ಜಾಸ್ತಿ ಸೇವೆ ಸೇಯಲ. ಇವಟಲ್ನಿ ಸೋಪಿ ಎಚರಿಂಚು. ³ .ಯೋಳಹಿನ ಯಾವ್ದೋ ವಿದನಮ್ಲ ಉಪದೆಸಂ ಸೇಸಿ ಅಂಟೆ ಮಾ ಕರ್ತದೈನ ಯೇಸು ಕಿಸ್ಥ ಸ್ವಸ್ಥ ಮಹಿನ ಮತಲ್ಕಿ ಮಂಚಿ ಬೋದನೆಕಿ ಸಮತಿ ಕುಂಡಪೋತೆ. ⁴ .ಅಟೋಡು ಒಕ್ಕನು ತಿಳ್ಚಿಕೊಕುಂಡ ಕುರ್ಥಕ ವಾಗ್ದನಲ್ನಿ ಸೆಸ ಬ್ರನ್ಟಿಲ ಹುಂಡ ಅಹಂಕಾರಲ ಹುನ್ನಲು. ಇವತಲ್ನಿಕ ಕೋಡಪ್ ಮಂಟ ಗೊಡವ ದೂಸಣ ದುಸಂಸಯ ಇವಿ ಐತಾಹಿ. ⁵ .ಕಕುಂಡ ಬುದ್ದಿಲೆಕುಂಡ ಮಂಚಿ ವಿರೋಅಹಿ ದೇವಭಕ್ತಿನಿ ಲಬಂಸದಾನಂಅನಿಕೊವ ಈ ಮನುಸ್ಯಲ ವೈರ್ಥಮಹಿನ ವಿಸ್ಯಲು ಉಂಟಾಹಿ. ಇಟುಲ್ನಿಂಕ ದುರಂಗ ಹುನ್ದಂಡಿ. ⁶ .ಸಂತುಸ್ಟಸಹಿತಮಹಿನ ಭಕ್ತಿ ಪೆದ್ದ ಲಾಬಮೆ ಸರಿ. ⁷ .ಮನ್ಮು ಲೋಕಮ್ಲ ಯಮಿ ತಿಸ್ಕೊನಿ ರಲೆದುಡoಟೆ; ನಿಶ್ಚಯಂಗ ದನ್ನಿಕ ಏಮಿ ತಿಸ್ಕನಿ ಪೈಯಟ್ಲೆದು. ⁸ .ಕನಿ ಮಂಚೋಲ್ ಅಹಿ ದನಿಂಕ ತೃಪ್ತ ಲಹಿ ಹುನ್ನಮು. ⁹ .ಅಹಿನ ಐಶ್ವರ್ಯವಂತಲ ಅಯಳನಿ ಮನಸ್ಸು ಸೇಸೋಳು ಶೋದನೆಲ ಉರ್ಲಲ ಸಿಕಿನಿ ಅನೇಕ ಭುದ್ದಿ ಲೆಕುಂಡ ಅಮಿಂಕ ಹೆಕ್ವ ದುರಷೆಲ ಪೋದ್ಳಲು. ಇಟಾ ಆಶೆಳು ಮನುಸ್ಯಲ್ನಿ ಸಂಹಾರ ನಸನಮ್ಲ ಮುಳುಗಿಸ್ಥಾಹಿ. ¹⁰ .ಡೇಬೂ ಪ್ರೇಮಯು ಅನಿ ವಿದಮಹಿನ ಸೆದ್ದತನಮ್ನಿಂಕಿ ಮುಲಾಹಿಂಡಿ. ಕೆಲವಳು ದಾನಿಂಕಿ ಆತುರಂಗ ನಮ್ಬಿಕೆನಿಂಕ ತಪಿಚ್ಕನಿ ಚಲ ದುಃಖನಿನ್ಕ ವಾಲ್ನಿ ವಾಲೆ ಗುಚಿಕ್ಕೊಂತಲು. ¹¹ .ಓ ದೆಹುಡ ಮನುಸ್ಯಡು. ನುವಾಹಿನ ಇವಟಲ್ನಿಂಕ ದುರಂಗ ಪೂ ನೀತಿ ಪ್ರೇಮ ತಾಳ್ಮೆ ಇವಟಲ್ನಿ ಅನುಸರಿಂಚು. ¹² .ನಮ್ಬಿಕೆನಿ ಶ್ರೇಷ್ಠ ಹೋರಾಟಮು ಸೆಹಿ, ನಿತ್ಯ ಜೀವನಿ ಪೊಟ್ಕೋ ದನಿಕಾಹಿ ನುವ ಪಿಲ್ಬಿನ್ಕೊನಹು, ನುವ ಅನೇಕ ಸಾಕ್ಸಿ ಮುಂದ್ರ ಮಂಚಿ ಅರಿಕೆನಿ ಸೇಸ್ನಹುಕದ. ¹³ .ಅಂದರ್ನಿ ಬದುಕಿಂಚ ದೆಹುದ ಮುಂದ್ರನು ಪಿಲಾತಡ ಮುಂದ್ರ ಶ್ರೇಷ್ಠ ಅರಿಕೆನಿ ಸಾಕ್ಸಿಕರಿಂಚಿನ ಕಿಸ್ಥ ಯೇಸುನ ಮುಂದ್ರ ನೇನು ಮಿಕಿ ಖಂಡಿತಂಗ ಸೋಪದೆಮಂಟೆ. ¹⁴ .ಮಾ ಕರ್ಥದೈನ ಯೇಸು ಕಿಸ್ಥ ಪ್ರತ್ಯಕ್ಷಮಯ ವರೆಕು ಈ ಅಜ್ಞೆನಿ ಮನ್ಚಿತನಂಗ ನಿಂದರಹಿತಂಗ ನುವ ಕಾಪಾಡಲಿ. ¹⁵ .ಶ್ತುತಿ ಪೊಂದ್ಕನ ಒಕ್ಕಡೆ ಸರ್ವಶಕ್ತಡು. ವಾಡ ಸಮಯಮ್ಲ ವಾಡ್ನನಿ ಪ್ರತ್ಯಕ್ಷ ಪಡಿಸ್ಥದು; ಆ ಸರ್ವಶಕ್ತಡು ರಾಜದಿರಾಜಡು ಕರ್ತಡ ಕರ್ತಡು ಐನಡು. ¹⁶ .ವಾಡೊಕಡೆ ನಿತ್ಯಜೀವವಡು ಯೋರು ದೆಗರರದಂಥ ಎಲಗುಲ ವಸಿಂಚೋಡು ಐನಡು. ಯಾವ ಮನುಸ್ಯಡು ವಡ್ನಿ ಸೋಸಕಿ ಅಯಳೆದು; ವಾಡ್ಕಿ ಮಾನಮು ನಿತ್ಯ ಅದಿಕರಾಮು ಹುನೀ. ಆಮೆನ್, ¹⁷ .ಈ ಲೋಕಮ್ಲ ಐಸ್ವರ್ಯವನ್ತುಳು ಆಹಂಕರಿಲಾಹಿ ಹುನ್ದಕುಂಡ ಅಳಿಸಿ ಪೊಯ ಐಸ್ವರ್ಯ ಪೈನ ಭರವಸೆ ಪೆಟ್ಕೊಂಡ ವಾಲ ಅನುಬ್ಹೊಗನ್ಕೊಸಮು ಮಾಕಿ ಅನಿನಿ ಎಕ್ವ ಇಚ ಜೀವಮು ಹುಂಡ ದೆಹುಡ ಪೈನ ಭರವಸೆಪೆಟಲಅನಿ ¹⁸ .ವಾಲು ಮನ್ಚಿದನ್ನೇ ಸೇಸೋಳು ಮಂಚಿ ಕರ್ಯಮ್ಲ ಐಶ್ವರ್ಯವಂತಲು ಭಾಗಮು ಇಚದನ್ತ್ಲ ಹನ್ನಾಳು ಪಾರೋಪಾಕರ ಸೇಸೋಳು ಐನಾಳು. ¹⁹ .ಮುಂದ್ರ ಕಲಂಕಿ ಮಂಚಿ ಆಸ್ತಿವಾರಐಯಾಟವನಿ ಮಿಕಿ ಕೊಡ್ಪಕೊನಿಹುನ್ಡಲಅನಿ ನಿತ್ಯಜೀವನಿ ಪೊಟ್ಕೊವಲಅನಿ ವಾಲ್ಕಿ ಸೊಪು. ²⁰ .ಓ ತಿಮೊಥೆಯಡ ಪನಿಕಿರಕುಂಡ ಮಾತಲ್ನಿಕಿ ಸೆದ್ದ ಪೆರುಹುಂಡ ಜ್ಞಾನಲೆಕುಂಡ ತರ್ಕಲ್ಕಿ ತಪಿನ್ಚಕನಿ ನೀ ವಶಂಕಿ ಇಚ್ಹಿಂದನಿ ಕಾಪಾಡು. ²¹ .ಕೆಲವಳು ಆ ಸುಳ್ಳಾಅಹಿನ ಜ್ಞಾನನಿ ಸೋಪ್ಕನಿ ನಂಬಿಕೆ ನಿನ್ಕ ತಪ್ಪಿ ಪೋಕುಡ್ಡು. ಕೃಪೆ ಮಿಜೋತ್ಲ ಹುನ್ದ್ನಿ,