¹ ರಕ್ಷಕಡೈನ ದೆಹುಡ ಅಮಿಂಕ ಮಾ ನಿರೀಕ್ಷೆಅಹಿನ ಕರ್ಥದಹಿನ ಯೇಸು ಕಿಸ್ಥಡ ಆಜ್ಞೆಅನುಸಂಗ ಯೇಸು ಕಿಸ್ಥಡ ಅಪೋಲೋಸ್ಥದೈನ ಪೌಲುಡು ² ನಂಬಿಕೆ ವಿಸ್ಯಮ್ಲ ಮಾ ನಿಜಂಕೊಡ್ಕುಯಿನ ತಿಮೊಥಿಯದ್ಕಿ ಮಾ ತಂದ್ರಿ ಅಹಿನ ದೆಹುಡ್ನಿಂಕ ಮಾ ಕರ್ಥದೈನ ಯೇಸು ಕಿಸ್ಥನಿನ್ಕ ನಿಕಿ ಕೃಪೆ ಕರುನ್ನ ಶಾಂತಿ ಕನಿ. ³ ನೇನು ಮೆಕದೊನ್ಯಕಿ ಪೋಹಿನಪ್ದು ನುವ ಎಪೆಸಲ ಹುನ್ದ್ಕನಿ ವಳು ಬೇರೆಯಿನ ಬೋದನಿ ಉಪದೇಸ ಸೇಸ್ಕುದ್ದು ⁴ ಉಹಿಂಚಿನ ಕ್ಥೆಲ್ಕಿ ಅಂತ್ಯಂ ಲೆಕುಂದ ತಲೆಮರಕಿ ಗಮನ ಇ ಕುಡುದುಅಣಿ ಸೋಪದಂಕಿ ನೇನು ಮಿಕಿ ಖಂಡಿತಂಗ ಸೋಪಿನದಕ ಇಪುಡು ಸೋಪ್ನ. ಅ ಕತೆಲ್ಕಿ ತಲೆಮರಲ್ಕಿ ವಿವದಂಗ ಅಸ್ಪದಮೆ ಕಣಿ ನಂಬಿಕೆನಿನ್ಕ ಅಹಿನ ದೇವ ಭಕ್ತಿನಿ ಹೆಚ್ಹು ಸೇಸಿನ ⁵ ಶುದ್ದ ರುದಯಂ ನಿನ್ಕ ಮಂಚಿ ಮನಸ್ಕ್ಸಿನಿನ್ಕ ನಿಜಮಹಿನ ನಂಬಿಕೆನಿನ್ಕ ಉಂಟಾಹಿನ ಪ್ರೀತಿ ಅಜ್ಞ್ನೆ ಅಂತ್ಯಂಅಹಿಂದಿ. ⁶ ಕೆಲವ್ಳು ಈ ಗುರಿ ತಪ್ಪಿ ವ್ಯರ್ಥಮಹಿನ ಮತಲ್ಕಿ ತಿರಿಕನಲು. ⁷ ವಳು ನಾಯಮ್ಲ ಉಪದೆಸಕಲು ಅಇಯಲಅನಿಕೊನಲು ವಲ್ಲು ಸೋಪ್ಕದಿ ವಲ್ಲು ದೃಡ ಮತ್ಲಾದ್ನ ವಿಸ್ವಮ್ಕನಿ ಇಟಡಿಅಣಿ ತಿಳ್ಚೋನಲು. ⁸ ಒಕಡು ನಾಯ್ಯ ಪ್ರಮಾಣನಿ ನಾಯ್ಯ ಸಮೆತಂಗ ಉಪಯೋಗಿಸಟ್ಲ ಆದಿ ಮಂಚಿದಿಅನಿ ಮಕಿ ತೆಲ್ಸು. ⁹ ನೀತಿವಂತಿಲ್ಕಿ ಕೊಸಮು ಕಾದು ಕನಿ ಆದಿ ಅಕ್ರಮಗರಲ್ಕಿ ಅವಿದೆಯಲ್ಕಿ ಭಕ್ತಿಹಿನಲ್ಕಿ ಪಪಿಲ್ಕಿ ಅಶುದಲ್ಕಿ ಅಪವಿತ್ರ ಸೇಸೋಲ್ಕಿ ತಲ್ಲಿತಂಡ್ರಿನಿ ಸೋಪಲ್ಕಿ ನರಹತ್ಯ ಸೇಸೋಲ್ಕಿ ¹⁰ ಮನುಸ್ಯಲ್ಕಿ ಸುಳ್ಳುಸೋಪಲ್ಕಿ ಸುಳ್ಳುಪ್ರಯನಲ್ಕಿ ಮಂಚಿ ಬೋದನೆಗಿ ಕನಿ ಬೇರೆ ಯೆಮಯ್ನ ಉಂಟೆ ದನ್ನಿ ಸೇಸೋಳು ನೆಮಕಸೆಸ ಮಕಿ ಗೊತ್ತು. ¹¹ ಬೋದನೆಯು ಸುತ್ಯಡಹಿನ ದೆಹುಡ ಮಹಿಮಾ ಸುವಾರ್ತಕಿ ಅನುಸರಂ ಅಹಿಂದಿ. ಈ ಸುವಾರ್ತಯು ನ ವಸಂಕಿ ಇಚೆ. ¹² ಮಕಿ ಬಲಮ್ನಿ ಇಚಿನೋದು ಮಾ ಕರ್ತಡಅಹಿನ ಕಿಸ್ತ ಯೇಸು; ವಡು ನನ್ನೀ ನಂಬಿಗಸ್ಥಡು ಅನ್ಕೊನಿ ಈ ಸೇವೆಲ ಅರ್ಪಕಂದೀನದಂಕಿ ನೇನು ವಡ್ಕಿ ಸ್ಹೊತ್ರ ಸಲಿಸ್ಥ. ¹³ ಮುಂದ್ರ ದೇವದುಸಕಡು ಹಿಮ್ಸಿನ್ಚೋದು ಕೇಡು ಸೇಸೋಳು ಆಯಿನ ನೇಣು ಅವಿಸ್ವಾಸಿಅಹಿ ತೆಲ್ಚೋಕುಂದ ಕನಿ ಸೇಸಿನ್ದಂಕು ನಾ ಪೈನ ಕರುಣೆಅಹಿಂದಿ. ¹⁴ .ಮಾ ಕರ್ತಡ ಕೃಪೆ ಕಿಸ್ಥ ಯೇಸುಳಹುಂಡ ನಂಬಿಕೆ ಅಮಿಂಕ ಪ್ರೀತಿ ಜಸ್ಥಿಕನಿ. ¹⁵ ಕಿಸ್ಥ ಯೇಸು ಪಪಿಲ್ನಿ ರಕ್ಸಿನ್ಚದಂಕಿ ಈ ಲೋಕಂಕಿ ವಚೆ ಅಣಿ ಸೋಪದಿ ನಂಬಿಕೆಅಹಿಂದಿಯು ಸರ್ವಾನ್ಗಿಕರಂಕಿ ಮನ್ಚಿದಂದಿ ಹುಂದಿ; ಆ ಪಾಪಿಲ್ಲ ನೆನೆ ಮುಕ್ಯುಡು. ¹⁶ ಇಟಾಹುನಪುಡು ಎಂಕ ಮುಂದ್ರ ನಿತ್ಯ ಜೀವಂಕಿವಡ ಪೈನ ನಂಬಿಕೆ ಪೆತೊಲ್ಕಿ ಸನಿವೆಸಮುಹುನ್ದಲಅಣಿ ಯೇಸು ಕಿಸ್ಥಡು ಮೊದ್ಲು ನಾಣಿ ಕರುನಿಸ್ನಿ ನಳ ವಾಡ ಶಾಂತಿನಿ ಸುಪಿನ್ಚೆ. ¹⁷ ನಿತ್ಯದಡು ಅಹಿನ ಅರಸುಡು ಅದ್ರುಸ್ಯಡು ಅಹಿನ ಭುದ್ದಿಯಿನ ಒಕ್ಕ ದೇವದ್ಕಿ ಘನವೂ ಮಹಿಮೆಯು ಹುನ್ದ್ನಿ ಅಮೆನ್. ¹⁸ ಕೊಡಕು ತಿಮೋಥಿಯಡ, ನಿ ವಿಸಮ್ಲ ಮುಂದ್ರ ಅಹಿನ ಪ್ರವಾದನೆಲ ಪ್ರಕಂಗ ನುವ ದನ್ನಿಕ ಮಂಚಿ ಯುದ್ಧನಿ ಸೇಯಲಾನಿ ನಿಕಿ ಸೋಪ್ತ್ಹೊಂಡನು. ¹⁹ .ನಮ್ಬಿಕೆನಿ ಮಂಚಿ ಮನಸ್ಕಸಿನಿ ಪೊಟ್ಕೋ;ಕೆಲವ್ಳು ನಮ್ಬಿಕೆನಿ ತಲುದ್ನಿ ಅ ವಿಸ್ಯಮ್ಲ ಹಡಗು ಪೋಗಿಲಿ ಪೋನತ್ಕ ಹುಂಡರು. ²⁰ ಹುಮೆನಾಯಾಡು ಅಲೆಕ್ಸ್ನದ್ರಡು ವಲ್ಲ ಹುಂಡಳು. ವಿಲು ದೇವ ದುಸನೆ ಸೆಸ್ಕುದು ನೆರ್ಸ್ಕೋದನ್ಕಿ ನೇಣು ವಿಲ್ನಿ ಸೈತನ್ದ್ಕಿ ಒಪಿಂಚಿಇಚೆ.