^{1 2 3 4} 1. ಸಭೆಯ ಹಿರಿಯಲು ಜೋಥೆಯಿರಲ್ಕಿ ನಾನು ಕ್ರಿಸ್ತುಡು ಬಾದೆಲ್ನೀ ಕಣ್ಲಲ್ಲಾ ಸೋಸಿ ಇಕು ಮುಂದ್ರ ಪ್ರಥ್ಯಕ್ಷ ಕಾವಲಾ ಪ್ರಭಾವಮುಲಾ ಪಾಳುಗಾರಡು ಐನಾ ಮೀಮೊಲ್ನ್ನಿ ಎಚ್ಹರಿಚ್ಹ ಸೊಸ್ಡಿ ಎಮುಂಟ್ಟ. 2.ಮೀಲ್ಲಾ ದೇವುಡು ಮಂದೆನ್ನಿ ಕಾಯಿರ್ರಿ ಬಲತ್ಕಾರಮು ಯಿಚ್ಹಾ ಕಾದು ದೇವುಡು ಚಿತ್ತದ ಪ್ರಕಾರಮು ಇಷ್ಟ ಪೂರ್ವಕಮೈ ನೀಚಮೈನಾ ದ್ರವ್ಯಾಶೆಯಿಚ್ಹ ಕಾದು. 3. ಸಿದ್ದಮನಸಿನಿಚ್ಹ ಮೇಲ್ವೀಚಾರಣೆ ಸೇಯಾರ್ರಿ ದೇವುಡು ಮೀ ವಶಲ್ಲಾ ಪೇಟುಡ ಸಭೆಲ್ ಮೀದ ದೊರೆತನನ್ನಿ ಸೇಸ್ಟ್ಗ ನೆಡೆಕುಡ ಮಂದೆಕ್ಕಿ ಮಾದರಿಯೈ ನಡ್ಸ್ ಕಾನಾಲಾ. 4.ಹೀರಿ ಕುರುಬುಡು ಪ್ರತ್ಯಕ್ಷಮೈ ಮೀಳು ದೇವಪ್ರಭಾವನ್ನಿ ಯಾಪುಡು ಬಾಡುಕುಟ ಜಯಮಾಲೆನ್ನಿ ಹೊಂದ್ಕಾನಾಲಾ. ^{5 6 7} 5. ಯೌವನಸ್ಥಳು ಆದಿ ರೀತಿಯೈ ಹಿರಿಯಲ್ಕಿ ಅದೀನಮು ಕಾವಲಾ ಮೀಲ್ ಅದ್ರೋ ದೀನಮನಸೆ೦ಬ ವಸ್ಥ್ರನಿಚ್ಹ ಸೊಂಟಾಕಟ್ಟಿಕ್ಕನ್ನಿ ಒ೦ಕ್ಕ್ ಳ್ ಕ್ಕಿ ಸೇವೆಸೆಯನ್ದ್ರಿ ದೇವುಡು ಅಹ೦ಕಾರಿಲ್ ಕ್ಕಿ ಎದುರಿಸ್ಥಾಡು ದಿನಲ್ಕೈನಾ ಕ್ರುಪೆನ್ನಿ ಅನುಗ್ರಹಿಸ್ಥಾಡು. 6.ಇಪಾವುಡ ದೇವುಡು ತಾಣವುಳ್ಳ ಹಸ್ತಮು ಮಿಚ್ಹ ದೊಕ್ಕನಕ್ಕಿ ಮೀಳ್ನ್ನಿ ತಗ್ಗಿಚ್ಕಾರ್ರಿ ಅತುಡು ತಕ್ಕ ಕಾಲಕ್ಕಿ ಮೀಮೋಳ್ನ್ನಿ ಪೈನ್ಕ್ಕಿ ಎತ್ತುದ್ತಾಡು. 7. ಮೀ ಚಿಂತೆನ್ನಿ ಆತುಡು ಮೀದ ಯೇಯಡ್ರಿ ಅತುಡು ಮೀಗೊಸ್ಕರಮು ಚಿಂತ್ಸ್ಕತ್ತಾಡು. ^{8 9} 8.ಸ್ವಸ್ಥಚಿತ್ತಲೈ ಎಚ್ಚರಮೈ ಮೀ ವೀರೋದಿನ್ನಿಯೈನಾ ಸೈತಾನುಡು ಗರ್ಜಿಚ್ಚ್ಹ ಸಿ೦ಹದೋಪಾದಿಲ್ಲಾ ಯುಳ್ ನ್ನಿ ನುಂಗಲ್ಲಾ ಆನ್ನಿ ಹುಡಿಕಾನ್ನಿ ತಿರುಗಾತ್ತಾಡು. 9. ಮೀ ನ೦ಬಿಕೆಲ್ಲಾ ದೃಡಮೈನಾ ವಾಡ್ನ್ನಿ ಎದ್ದುರಿಚ್ಚಲ್ಲಾ ಲೋಕಮುಲ್ಲಾ ಮೀ ಸಹೋದ್ರುಡು ಅಂಟ ಬಾದೆಲ್ನ್ನಿ ಅನುಭವಿಚ್ಚಿ ಉಂಡಾಳು ಅನ್ನಿ ಮೀಕ್ಕಿ ಗೊತ್ತಲೇದು. ^{10 11} 10. ಕ್ರಿಸ್ಥಡು ಮೀಮೋಳ್ನ್ನಿ ತನ್ನ ನಿತ್ಯ ಪ್ರಭಾವಕ್ಕಿ ಪಿಲಚ್ಚಿನಾ ಕೃಪಾಪೂರ್ಣಮೈನಾ ದೇವುಡು ತಾನೆ ಮೀಳು ಸ್ವಲ್ಪಕಾಲಮು ಕಾರಲ ಬಾದೆಪಟ್ಟಿ ಮೀದ ಮೀಳಮೂಳ್ ಯೋಗ್ಯಸ್ಥಿತಿಕ್ಕಿ ಯೇತ್ಕ್ಕಚ್ಚಿ ನೆಲೆಗೊಳಿಟ್ಟ ಬಲಪಡಿಸ್ತ್ತಾಡು. 11. ಆತುಡುಕ್ಕಿ ಅದಿಪತ್ಯಮು ಯುಗಯುಗಾ೦ತರಲ್ ಲ್ಲಾ ಉಂಡನ್ನಿ ಆಮೇನ್. ^{12 13 14} 12. ಮೀಮುಳ್ ಎಚ್ಚರಿಚ್ ದ್ದಕ್ಕಿ ಇದಿ ದೇವುಡು ನಿಜ ಮೈನಾ ಕೃಪೆ ಅನಿ ಸಾಕ್ಷಿ ಸೋಸ್ಪದಕ್ಕೊ ನಾನು ಸ೦ಕ್ಷೇಪಮೈ ರಾಸಿನಾ ನ೦ಬಿಗಸ್ತಡು ಐನಾ ಸಹೋದುರುಕ್ಕಿ ನಾನು ಎಣಿಪಿಚ್ ದ್ದಕ್ಕಿ ಸಿಲ್ವಾಡು ಸೇತ್ಸಲ್ಲಾ ದಿನ್ನಿ ಅಪಿಸ್ದೀ ಈ ನಿಜ ಮೈನಾ ಕೃಪೆಲ್ಲಾ ನಿಲ್ಬಡ್ರಿ. 13. ದೇವುಡು ಮೀಚ್ಚುತ್ಲ್ಲಾ ಆರ್ಪಾಕಾನ್ನಿ ಬಾಬೆಲ್ನ್ನಿ ಉಂಟ ಸಭೆಮು ಮೀ ವ೦ದನೆ ಸೋಪ್ತ್ತಾಡು. 14. ತನ್ನ ಕಡಕುನ್ನಿ ಮೊರ್ಕಡು ಸಹಮು ವಂದನೆನ್ನಿ ಸೋಪ್ತ್ತಾಳು ಪ್ರೀಥಿಯಿಚ್ಹ ಮುದ್ದಿಟ್ಟ ಒ೦ಕ್ಕಳ್ ನ್ನಿ ವಂದಿಚಡ್ರಿ ಕ್ರಿಸ್ತುಡುಲ್ಲಾ ಮೀಟ್ಟುತ್ಲ್ಲಾ ಶಾ೦ತಿಯಿಚ್ಚು