^{1 2 3} 1.ಆದ ಕಾರಣಮೂ ಆನೀ ಸೆಟ್ತನ್ನನೀ ಆನೀ ವಂಚನೆನ್ನಿ ಕಪವನೀ ಹೊಟ್ಟೆಕಿಚ್ಚನ್ನಿ ಅನ್ನಿ ತರಮೈನಾ ನಿ೦ದನೀ ವೀಸರ್ಜೀಸಿ. 2.ಅವು ಪಿಲ್ಗಟ್ ಗ ಪಾರಮಾರ್ಥಿಕಮೈನಾ ಮಚ್ಚಿ ಪಾಲ್ ನ್ನಿ ಹೊಂದ್ಕರನ್ನಿ ದಾನ್ನೀಚ ಲೆಸ್ಟ್ಟಗ್ಗ ರಕ್ಷಣೆನ್ನಿ ಹೊಂದ್ಕಟ್ಲು ಕರ್ತುಡು ದಯಾಳುಮೈ ಮೀಳು ಅನುಭವೀಚ್ಚಿನೀ ತಿಳಚ್ಹ್ ಉಂಡಲ್ಲಾಲು. 3. ಮೀಳು ಜೀವಮೈನಾ ರಾಯೀನ್ನಿ ಆತುಡುನ್ನಿ ಸೇರಕ ಉಂಡಾಳು. ^{4 5} 4.ಆ ರಾಯಿನ್ನಿ ಮನುಷ್ಯಲು ನಿರಾಕರಿಚ್ಚಿ ದೇವುಡು ದಾನಿ ಆಯಾಲ್ಪಟೀದಾನ್ನಿ ಮಾನ್ಯಮೈದಾನ್ನಿ ಆನಿ ಎಣ್ಣಳಾ. 5. ಮಿಳು ಸಹ ಜೀವಮೈನಾ ರಾಲ್ನ್ನೀಯೈನಾ ಆತ್ಮಡು ಸoಬoಧಮೂನ್ನಿ ಮoದಿರಕ್ಕಿ ಕಟಲ್ಪಡಿನ್ನಿ ಉಂಡಳು ಮಳೀ ಯೇಸು ಕ್ರಿಸ್ತುಡು ಮುಖಾ೦ತರಮೂ ದೇವುಡಿಕ್ಕಿ ಸಮರ್ಪಕಮೈನಾ ಆತ್ಮೀಯ ಯಜ್ಞಲ್ನ್ನಿ ಸಮರ್ಪಿಚದ್ದಕ್ಕಿ ಪವೀತ್ರ ಯಾಜಕವರ್ಗಮು ಐನಾಳು. ⁶ 6. ಇಗೋ ಚೀಯೋನಲ್ಲಾ ಮುಲೆಗಲ್ಲನ್ನಿ ಪಿಡ್ತ್ಹಡು ಆದಿ ಆಯಾಲ್ಪಡುವದಿ ಮಾನ್ಯಮೈದಿ ದಾನ್ ಮೀದ ನ೦ಬಿಕೆ ಪೆಡುಳು ಆಶಾಬಂಗಮುನ್ನಿ ಪಡಲಿ ಆನ್ನಿ ಶಾಸ್ತ್ರಮುಲಾ ರಾಸಿದಿ. ^{7 8} 7. ಐನಾ ನ೦ಬ್ಳು ಮೀಕಿ ಮಾನಮು ಎ೦ಟ್ಟು ನ೦ಬುಕುಡ ಉಂಡಳುಕ್ಕು ಈಳ್ ನ್ನಿ ಕಟ್ಟುಳ್ ವಾದ್ದುನ್ನಿ ಯಿಸ್ ಪೆಟ್ಟು ರಾಯಿ ಮುಖ್ಯ ಮೈನಾ ಮೂಲೇಗಲ್ಲಾಯೋ ಆನ್ನಿ. 8.ಆದಿ ಎಡವುವ ಕಲ್ಲು ಮುಗ್ಗರಿಚದ್ದಕ್ಕಿ ಬಂಡೆನ್ನಿ ಅನ್ನಿ ರಾಸದಿ ಮಾಟಲ್ ನ್ನಿ ಸರಿ ಬಿಳಲ್ಲಾ ವಾಳು ದೇವುಡು ವಾಖ್ಯನ್ನಿ ನ೦ಬ್ಕ್ಕೊಡ ಉಂಡುಳು ಆ ರಾಯಿನ್ನಿ ಎಡವುಕ್ಕನ್ನಿ ಪಾಡ್ತ್ಹಾಳು ದಾನಕ್ಕಿ ವಾಳು ನೇಮಕಮು ಐತ್ಹಾಳು. ^{9 10} 9.ಮೀಳಾಯೈನು ಮೀಮುಳ್ನ್ನಿ ಸೀಟಯಿಚ್ಚ ಪಿಳ್ಚ್ಕನ್ನಿ ತನ್ನ ಆಶ್ಚರ್ಯಾಮಾಕರಮೈನಾ ಯೇಳ್ಲಾ ಸೇರ್ಪೀನಾ ಅತ್ಹ್ಮುಡು ಗುಣಾತಿಶಯಮಾನ್ನಿ ಪ್ರಚಾರಮು ಸೆಸದ್ದಕ್ಕಿ ದೇವುಡು ಅರ್ಪಕಾನ ಜನಾ೦ಗಮಾನ್ನಿ ರಾಜವ೦ಶಸ್ಥಳ್ ಐನಾ ಯಾಜಕಲೂ ಮೀಸಲೈನಾ ಜನವು ದೇವುಡು ಸ್ವಕಿಯಾ ಪ್ರಜೆಮು ಐನಾಳು. 10.ಮೊದಲು ಮೀಳು ಪ್ರಜೆಲು ಕಾಳೆದು ಇಪುಡು ದೇವುಡು ಪ್ರಜೆಐನಾಳು ಮೊದಲು ವಾತ್ಸಲ್ಯಮು ಹೊದ್ಕ್ಕನ್ಲೆ ಇಪ್ಪುಡು ವಾತ್ಸಲ್ಯಮುನ್ನಿ ಹೊಂದಕ್ಕ ಉಂಡಾಳು. ^{11 12} 11.ಪ್ರೀಯಳು ಪ್ರವಾಸಿಲಾ ಪರದೇಶದಸ್ಥಲೂ ಐನಾ ಮೀಲು ಮೀ ಅತ್ಹ್ಮುನಿ ಮೀದ ಯುದ್ದಮು ಸೇಸಾ ಶಾರೀರಿಕಮಾ ಅಬಿಲಾಷೆಲಕ್ಕಿ ದೊರಮೈ ಉಂಡಾಳು ಆನ್ನಿ ಮೀಮುಲನ್ನಿ ಎಚ್ಚರಿಸ್ಥಾನು. 12. ಮೀ ನಡವಳಿಕೆನ್ನಿ ಅನ್ಯಜನಲ್ ಮದ್ಯಲ್ ಲಾ ಯೋಗ್ಯಮೈ ಉಂಡಾಳ ಅಪುಡು ವಾಳ್ ಯಾವಾ ವಿಷಯಮುಲು ಮೀಮುಲನ್ನಿ ಅಕ್ರಮಗಾರುಲು ಅನ್ನಿ ನಿ೦ದಿಚೋಳು ಆ ವೀಷಯಮುಲಾ ಮೀ ಸತ್ರಿಯೆಲ್ನ್ನಿ ಕಣ್ಣಲ್ನಿಚಾ ಸೋಸಿ ವಿಚಾರಣೆ ದಿನಮುಲಾ ದೆವುಡ್ನ್ನಿ ಕೊಂಡಾಡುತ್ತಾಳು. ^{13 14 15 16 17} 13.ಮನುಷ್ಯಲು ನೆಮೀಚ್ಚಿನಾ ಯಾವ ಆದಿಕಾರಮುಮೈನಾ ಕರ್ತುಡು ನೀಮೀತ್ರಮಾ ಆದೀನಲು ಕವಾಲಾ. 14. ಅರಸಲು ಸರ್ವಾದಿಕಾರಿಲು ಆನ್ನಿ ಬೇರೆ ಅಧಿಪಥಿಲು ಸೆಟ್ಟ್ ನಡೆಥೆನ್ನಿ ಮೈನಾ ಉಂಡುಳ್ನ್ನಿ ದಂಡಿಚ್ಚ್ದಕ್ಕಿ ಮಾಚ್ ನಡತೆನ್ನಿ ಪ್ರೋತ್ಸಾಹಮು ಸೇಸುಳುಲ್ಕಿ ಅರಸುಡು ನೀಚ್ಚು ಅಪಿಚ್ಚದ್ದಕ್ಕಿ ತಿಳಚ್ಕು ಉಂಡಳು ವಾಳಕಿ ಅಧಿನಮು ಕಾವಳಾ. 15.ತಿಳಿಕುಡು ಮಾಟ್ಲ್ ನ್ನಿ ಮೂಡಜನಲು ನೋಡ್ನೀಚ್ಚಿ ಮೀಳು ಮಚ್ಹ್ ನಡೆಥೆನ್ನಿ ಕಟ್ಟಲ್ ಅನ್ನಿ ದೇವುಡು ಚಿತ್ತಮು. 16. ಸ್ವತ೦ತ್ರಲು ಐನಾ ನಡ್ಸ್ಕನಾಳಾ ಐನಾ ಸೆಟ್ಟತನಮುನ್ನಿ ಮರೆಮಾಚದಂಕ್ಕಿ ಮೀಳು ಸ್ವಾತ೦ತ್ರಲುನ್ನಿ ಉಪಯೋಗಿಚ್ದ್ದರೀ ಮೀಳು ದೇವುಡು ದಾಸಲು ಐನಾಲು. 17. ಅದ್ರೊನ್ನಿ ಸನ್ಮಾನಿಯಲಾ ಸಹೊದರ್ಲನ್ನಿ ಪ್ರೀತಿಚ್ಚಲಾ ದೇವುಡುಕ್ಕಿ ಭಯಮು ಪಡಾಲಾ ಅರಸಲನ್ನಿ ಸನ್ನಾನಿಯಲಾ. ^{18 19 20} 18. ಸೇವುಕ್ಲೇ ಮೀ ಯಜಮಾನಲ್ಕಿ ಪೂರ್ತಿ ಭಯಮು ಮೀಚ್ಹ ಅಧಿನ ಕಾವಲಾ ಮುಚ್ಚಲು ಸಾಥ್ವೀಕಲು ಐನಾ ಮಾತ್ರಮು ಕಾಡುಡ ವಕ್ರಭುದ್ದಿಲೈಯೋಳ್ಕ್ಕೋ ವೀಧೆಯಾ ಕಾವಲಾ. 19. ಬ೦ಕುಡು ಅನ್ಯಾಯಮಾನ್ನಿ ಭಾಧೆಪಡಲು ದೇವುಡುನ್ನಿ ಸೊಸ್ಕನ್ನಿ ಅರ್ಚಕ್ಕ್ ನ್ನಿ ಆ ಕಷ್ಟಮಾನ್ನಿ ಸಹಿಸ್ಕಾನ್ನಿ ಆದಿ ಶ್ಲಾಘ್ಯಮೈದಿ. 20. ತಪ್ಪು ಸೆಸಿ ಗುದ್ದು ತಿನ್ನುಲು ಮೀಳು ತಾಳ್ಮೆಲ್ಲಾ ಉಂಟುಲು ದಾನೀಚ್ಹ ಕೀರ್ತಿ ಐನಾ ಮಚ್ಚಿದನ್ನಿ ಸೇಸೀ ಭಾಧೆಪಡುಲು ಮೀ ತಾಳ್ಮೆನ್ನಿ ಯಿಚ್ಚಿ ಉಂಡತ್ತೆ ಆದಿ ದೇವುಡು ಮುಂದ್ರ ಶ್ಲಾಘ್ಯಮೂ ಐದಿ. ^{21 22 23} 21. ಇದೀ ಕಾಕುಡ ಮೀಳು ಪೀಳ್ಚ್ಹ್ ಉಂಡುಳು ಕ್ರಿಸ್ಥಡು ಸಹ ಮೀಕೊಸ್ಕರಮು ಭಾಧೆನ್ನಿ ಅನುಭವೀಚ್ಚಿ ಮೀ ತನ್ನ ಹೆಚ್ಚೆನ್ನಿ ಜಾಡಿಲಾ ನದಸ್ದ್ದನ್ನಿ ಮಾದರಿಲಾ ತೋರ್ಪಕ್ಕಾನಿ ಪಾಯ. 22. ಆತುಡು ಯಾವ ಪಾಪನ್ನಿ ಸೇಯಲೇ ಆತುಡು ನೋತ್ಲಲಾ ಯಾವು ವಂಚನೆಮು ಸಿಕ್ಕಿಲೇ. 23. ತೀಟ್ನುಳುಕ್ಕಿ ಆತುಡು ತಿಟ್ಲೆದು ಆತುಡು ಬಾದೆನ್ನಿ ಅನುಭವೀಚ್ಚಿ ಯೋಳ್ ಹೆದ್ಕುಡು ನ್ಯಾಯಮು ಮೈನಾ ತೀರ್ಪು ಸೇಸ ಆತುಡುಕ್ಕಿ ತನ್ನ ಕಾರ್ಯಾನ್ನಿ ಒಪ್ಪಿಯೋಲಾ. ^{24 25} l 24. ನಾವು ಪಾಪಮು ಪಾಲಕ್ಕಿ ಸಚ್ಪಾಯಿ ನೀತಿವ೦ತಳು ಲೈ ಜೀವೀಚುಲ್ ರೀತಿ ಆತುಡು ಮಾ ಪಾಪಲ್ನ್ನಿ ತಾನೇ ತನ್ನ ದೇಹಮುಲಾ ಹೊಥ್ಕನ್ನಿ ಮರಣಮು ಕ೦ಬನ್ನಿ ಏರಪ್ಪೆ ಆತುಡು ಭಾಸುಂಡಲ್ನ್ನಿ ಮೀಕ್ಕಿ ಗುಣಮು ಆಯಾ. 25. ಮೀಳು ಕುರಿಳ್ ರೀತಿ ದಾರಿಥಪ್ಪಿಚಕಾನ್ನಿ ತೋಳಲ್ತ್ತಾಳು ಐನಾ ಇಪ್ಪುದು ಮೀಳು ತಿರುಗಕ್ಕಾನ್ನಿ ಮೀ ಆತ್ಹ್ಮನ್ನಿ ಕಾಯುವ ಕುರುಬಲ್ ರೀತಿ ಅಧ್ಯಕ್ಷಡು ಐನಾ ಆತುಡು ಹತ್ತಿರಕ್ಕಿ ವಾಸಸ್ಥಳು.