² To̱mbai ya komna' naa ittəi i der iya i seetə gənga ai, sə i doosi gee to̱o̱ ara eka daan paka Billǝk sə ēka torən billaa rekrə rə pa. ³ Nokrik təəgən mari ində te' iya woorpai yi'sini naa Rums naa megəska sə a esi tomsa as. ⁴ Ama ēēgə ē rek mu' naa werika naa kubruskəna paka Billək." ⁵ Paska iik yak mari zok. sə i təəgə - Istifanus ura pu' yi'sənzəs naa rumsa Billəs naa eska temras, naa Filibus naa Burukoras naa Nikolas maza Antakiyaz. ⁶ Mariya i duu Billai i kamtə mariya ai To̱mbairə mu' i weerə, sə i yii nat iirə paa sə i sə'si. ⁸ Sə istifanus yiis naa go'nəm naa gbi'kəm sə bo'rə neta məsəm rət gbi'ta gbi'it marirə te'. ⁹ Mari uri i pii rora Billəllə, a i der rora Labartiyawai, kilitiyawai, naa Iskandaariwai naa bən iya buta Kilitiyawai, naa Asiyai, Mariya ai isinkən naa Istifanus. ¹⁰ De' i le' sinkənka naa urpa, nok Istifanus puna me̱e̱ka naa Rums. ¹¹ sei i ree ɓo'rarə sə i su'rə uri, ina doo gee, Istifanus pakrə pakrəma zukkam Musarə naa Daa Billə paa. ¹² De i su'gər mariya do̱o̱niyai ai naa biibai i bən i ruususurə i kamu sə kamtu ɓa'terə mu'. ¹³ I kamtə mariya i pakrəsku pakrəma songrəmai i doo gee " mazza az daa doorəka pak ara wessakrə paa, naa Ro'oknai rə pa. ¹⁴ Nok ē geeu doo gee, Yeeso Nazerettas boo wa'sək ara ak sə bo wo'os langsiya Musarəi sə bo daa sei.'' ¹⁵ Iya i gau arkirə i pi'isi no'rə i gwenə muuga ullək puni muuga To̱mbaaza Billəs zak.