¹ Bhatwarijisheni bhakushighirije hena bharongori,na bhaitori, bhabhainge nganyi, bhabhririe ndima yose yedi, ² bhasirembhura wo wose ,kukukemba na kulukarammba ,esa kuinga bhandu bhengi zia,na kubhabhonya lugumirio hena bhandu bhose. ³ Amu lubhoko uswi twetukuzie na tweseena nganyi, Tuloshiwe ubhibhi tukaoka maruo na mihiro kihanya isina nganyi.Tuikee hena ng'oki na luso .Twesekundane na twesuane. ⁴ Kake mati bhwedi bhwake Izuubha mkija wetu na lukundo lwakwe lumeoka mwaji hetu, ⁵ etukijie hena kuojwa hena kubhonwa kibhusha na kuzerijwa ni ngoro Mshenete, esite iti hena chedi twahira , kake ni wanga ya mbazi yake . ⁶ Mzuri etuitishie Ngoro Mshenete belu kubhetie ha mKija wetu Yesu Kirisito, ⁷ esa hena kuuhiwa ni mvono wake,tuidime kuoka bhahoja bha luingidaki lwa ndarasi. ⁸ Bhiteto ibhi ni kididi. Nikundie mari uteta na lusiligi ibhi bhindu, esa bhala bhemuisisa Izubha bhabhike bhuongo bhwabho hena mihiro yedi ni bhiedi na bhina bhucha hena bhandu bhose. ⁹ Kake kutesia na nganani jabhutuktzi,ngondo na ngananiwanga ya sharia. Bhindu ibhi bhisina mbucha na ni bha bhesho tiki. ¹⁰ "Mndu enekunda kubhatanya mkangisheni cha kubhoka na cha keeri taneni naye, ¹¹ amu utwarije mndu sa uo agwa pia na ng'oki jwake jabhonyanya mwaji iti ateshanya. ¹² Nikimemtume Artema kana Tukiko hako, manga kuza hangu Nipoli amu niho nineikaa igheri la kisie, ¹³ keta na umtike Zena mchili, na Apolo, na chochose kila bhenekikunda. ¹⁴ Bhandu bhetu nirebhakuloshe kuhira ndima jedi bhapate kila echo bhekienda esa maisha mabho masioke mesibhe. ¹⁵ BHala bhose bheoho nami bhebhakezia,Kezia bhala bhetukundie hena luing'idaki. Lubhoro lwake na unywibhose Esae.