¹ Paulo,Silvano na Timotheo,na ikanisa la Bhasolonike hena Izubha Apa wetu na Mzuri Yesu Kristo. ² Mvono uoke nanyi na lubhoro kufuma hake Izubha Apa na Mzuri Yesu Kristo. ³ Tukundikane misi yose tumuinge Izubha haika wanga yenyu, bhandwetu.Amu ichi nicho kiinare amu imani yenywi iyoho iengejika mno na lukundo lwa kila mwezu wenyu luoho lubhaguranya kila mwe ⁴ Kwa hubho uswi bhajenye tunateta wanga yenyu na mafuti ha makanisa ma Izubha.Tunateta mburi ya kugurumia kwenyu na imani yenywi hena bhwasi bhwenyu.Tunateta mburi ya bhwasi bhula mnagumiria ⁵ Ii nikubhonyanya hukumu ya haki yake Izubha.Matokeo ni iti muneuhiwa muinare hena kifumwa chake Izubha icho mwakisunukia. ⁶ Ni haki Izubha abhahunduie mateso ha bhala bhebhatesie unywi, ⁷ na kusobhosha bhala ebho bheteseke na uswi.Enehira hubhu mari makufumiria hake Mzuri Yesu kufuma wanga hamwe na malaika bha zinya jake. ⁸ Na lubherebhere lwa moto enehundua mabhuda ha bhala bhesim'maije Izubha na bhala bhesiitikijia injili ya Mzuri wetu Yesu. ⁹ Bhenepata ibigho la kusobha maisha mandarasi hae na bhusho bhwa Mzuri na hae na kirumi chake na zinya ¹⁰ Eneketa hubho mati eneza hena ula msi eneingwa kirumi ni bhandu bhake na kuisejwa ni bhala bhose bhemuing'idakie.Amu ushuhuda wetu henywi uaminiwe. ¹¹ Hena hubho tunabhatasia mati mose.Tunatasa iti Izubha wetu enebhauhia muinare hena kuitangwa kwenyu.Tuoho tutasa iti aizuje kila mabharirio ma medi na kila ndima ya imani na zinya. ¹² Tuoho tutasa ibhi bhindu esa izina la Mzuri Yesu liingwe kirumi ninywi .Tuoho tutasa iti nywi mneingwa kirumi niye,sababu ya mvono wa Izubha wetu na Mzuri Yesu Kristo.