1 Ireto avy ireo toerana nalehan'ny vahoakan'Israely taorian'ny nandaozan'izy ireo ny tany Egypta tamin'ny antoko mitam-piadian'izy ireo teo ambany fitarihan'i Mosesy sy Arona. 2 Nanoratra ireo toerana niaingan'izy ireo hatramin'izay nandehanan'izy ireo i Mosesy, araka ny nandidian'i Yaveh. Ireto avy ireo dian'izy ireo, ny toerana nifindrafindran'izy ireo. 3 Niainga avy tao Ramesesa izy ireo nandritra ny volana voalohany, tamin'ny andro fahadimy ambin'ny folon'ny volana voalohany. Ny maraina taorian'ny Paska, dia nandeha malalaka ny vahoakan'Israely, teo imason'ny Egyptiana rehetra. 4 Nitranga izany raha mbola nandevona ny lahimatoan'izy rehetra, ireo izay novonoin'i Yaveh teo amin'izy ireo ny Egyptiana, fa Izy ihany koa dia nampizaka famaizana ny andriamanitr'izy ireo. 5 Niainga tao Ramesesa ny vahoakan'Israely ary nitoby tao Sokota. 6 Niainga tao Sokota izy ireo ary nitoby tao Etama, teny amoron'ny tany efitra. 7 Niainga tao Etama izy ireo ary niverina tao Pi Hahirota, izay ampitan'i Balazefona, izay mifanandrify amin'i Migdola nitobian'izy ireo. 8 Avy eo niainga avy teny ampitan'i Pi Hahirota izy ireo ary nandalo teny afovoan-dranomasina ho any an'efitra. Nandeha nandritra ny telo andro tany an'efitr'i Etama izy ireo ary nitoby tao Mara. 9 Niainga tao Mara izy ireo ary tonga tao Elima. Tao Elima dia nisy loharano roa ambin'ny folo ary hazo rofia fitopolo. Tany no nitobian'izy ireo. 10 Niainga tao Elima izy ireo ary nitoby teny akaikin'ny Ranomasina Mena. 11 Niainga avy tao amin'ny Ranomasina Mena izy ireo ary nitoby tany efitr'i Sina. 12 Niainga avy tao amin'ny tany efitr'i Sina izy ireo ary nitoby tao Dopka. 13 Niainga tao Dopka izy ireo ary nitoby tao Alosy. 14 Niainga avy tao Alosy izy ireo ary nitoby tao Refidima, izay tsy nahitana rano ho sotroin'ny vahoaka. 15 Niainga avy tao Refidima izy ireo ary nitoby tao amin'ny tany efitr'i Sinay. 16 Niainga avy tao amin'ny tany efitr'i Sinay izy ireo ary nitoby tao Kibrota Hatava. 17 Niainga avy tao Kibrota Hatava izy ireo ary nitoby tao Hazerota. 18 Niainga avy tao Hazerota izy ireo ary nitoby tao Ritma. 19 Niainga avy tao Ritma izy ireo ary nitoby tao Rimona Pareza. 20 Niainga avy tao Rimona Pareza izy ireo ary nitoby tao Libna. 21 Niainga avy tao Libna izy ireo ary nitoby tao Risa. 22 Niainga avy tao Risa izy ireo ary nitoby tao Kehelata. 23 Niainga avy tao Kehelata izy ireo ary nitoby tao amin'ny Tendrombohitra Sapera. 24 Niainga avy tao amin'ny Tendrombohitra Sapera izy ireo ary nitoby tao Harada. 25 Niainga avy tao Harada izy ireo ary nitoby tao Makelota. 26 Niainga avy tao Makelota izy ireo ary nitoby tao Tahata. 27 Niainga avy tao Tahata izy ireo ary nitoby tao Tera. 28 Niainga avy tao Tera izy ireo ary nitoby tao Mitka. 29 Niainga avy tao Mitka izy ireo ary nitoby tao Hasmona. 30 Niainga avy tao Hasmona izy ireo ary nitoby tao Moserota. 31 Niainga avy tao Moserota izy ireo ary nitoby tao Bene Jakana. 32 Niainga avy tao Bene Jakana izy ireo ary nitoby tao Hora Hagidgada. 33 Niainga avy tao Hagidgada izy ireo ary nitoby tao Jotbata. 34 Niainga avy tao Jotbata izy ireo ary nitoby tao Abrona 35 Niainga avy tao Abrona izy ireo ary nitoby tao Eziona Gebera. 36 Niainga avy tao Eziona Gebera izy ireo ary nitoby tao Kadesy. 37 Niainga avy tao Kadesy izy ireo ary nitoby tao amin'ny Tendrombohitra Hora, teny amoron'ny tanin'i Edoma. 38 Niakatra teny amin'ny Tendrombohitra Hora i Arona mpisorona araka ny didin'i Yaveh ary maty tany tamin'ny fahefapolo taona taorian'ny nivoahan'ny vahoakan'Israely tao Egypta, tamin'ny fahadimin'ny volana, tamin'ny andro voalohan'ny volana. 39 123 taona Arona tamin'izy maty tany amin'ny tendrombohitra Hora. 40 Ilay Kananita, ilay mpanjakan'i Arada, izay nipetraka tany amin'ny tany efitra atsimo tao amin'ny tanin'i Kanana, dia nandre ny fahatongavan'ny vahoakan'Israely. 41 Niainga avy tao amin'ny Tendrombohitra Hora izy ireo ary nitoby tao Zalmona. 42 Niainga avy tao Zalmona izy ireo ary nitoby tao Ponona. 43 Niainga avy tao Ponona izy ireo ary nitoby tao Obota. 44 Niainga avy tao Obota izy ireo ary nitoby tao Lay Abarima, teny amin'ny sisin-tanin'i Moaba. 45 Niainga avy tao Lay Abarima izy ireo ary nitoby tao Dibon-gada. 46 Niainga avy tao Dibon-gada izy ireo ary nitoby tao Almon-diblataima. 47 Niainga avy tao Almon-diblataima izy ireo ary nitoby tao amin'ny tendrombohitr'i Abarima, tandrifin'i Nebo. 48 Niainga avy tao amin'ny tendrombohitr'i Abarima izy ireo ary nitoby tao amin'ireo tany hain'i Moaba akaikin'i Jordana any Jeriko. 49 Nitoby teo akaikin'i Jordana izy ireo, avy any Beta Jesimota hatrany Abela Sitima tao amin'ireo tany hain'i Moaba. 50 Niteny tamin'i Mosesy i Yaveh teny amin'ny lemak'i Moaba teny akaikin'i Jordana tao Jeriko ary nanao hoe: 51 "Miresaha amin'ny vahoakan'Israely ary lazao amin'izy ireo hoe: 'Rehefa miampita an'i Jordana ho any amin'ny tany Kanana ianareo, 52 dia tsy maintsy roahinareo eo anatrehanareo ireo mponina rehetra ao amin'ilay tany. Tsy maintsy potehinareo ireo sarin-javatra voasokitra rehetra an'izy ireo ary ravainareo ireo fitoerana avony rehetra. 53 Aoka alainareo ho anareo ny tany ary mipetraha ao amin'izany, satria efa nomeko ho fanananareo ilay tany. 54 Tsy maintsy lovainareo amin'ny alalan'ny loka ny tany, araka ny foko tsirairay avy. Ho an'ny foko lehibe dia tsy maintsy omenareo zara lehibe amin'ny tany, ary ny foko kely dia omenareo ny zara kely amin'ny tany. Na aiza na aiza hilatsahan'ny antsapaka amin'ireo foko tsirairay avy, izany tany izany dia ho azy. Handova ilay tany araka ny fokon'ny razambenareo ianareo. 55 Fa raha tsy voaroakanareo eo anoloanareo ireo mponin'ilay tany, dia ho tonga tahaka ny fitaovana eo amin'ny masonareo ary tsilo eo amin'ny tehezanareo ireo vahoaka izay avelanareo hijanona. Hanasarotra ny fiainanareo eo amin'ny tany izay hipetrahanareo izy ireo. 56 Dia ho ataoko aminareo ihany koa izay kasaiko ho atao amin'ireo vahoaka ireo.'"