1 Tadidio, ry Yaveh, izay nanjo anay, jereo sy diniho ny fahafam-barakanay. 2 Nafindra ho an'ireo vahiny ny lovanay; ny tranonay ho an'ireo hafa firenena. 3 Lasa kamboty izahay, kamboty ray, ary ny reninay dia toy ny mpitondratena. 4 Tsy maintsy mandoa volafotsy ho an'ny rano sotroinay izahay, ary tsy maintsy mandoa volafotsy vao mahazo ny kitainay. 5 Ireo izay manenjika anay dia akaiky aorianay; reraka izahay ary tsy mahita fitsaharana. 6 Efa nanolo-tena ho an'i Egypta sy Asyriana izahay mba hahazoana sakafo sahaza. 7 Nanota ireo razambenay, ary tsy eo intsony izy ireo, ary izahay no mizaka ny helok'izy ireo. 8 Ireo andevo no manjaka eo aminay, ary tsy misy hanafaka anay eo an-tanan'izy ireo. 9 Manao sorona ny ainay izahay vao mahazo ny mofonay, nohon'ny sabatra any an'efitra. 10 Niha-nahamay toy ny fatana ny hoditray nohon'ny hatezerena miredareda. 11 Voaolana ireo vehivavy tao Ziona, sy ireo virijiny tao amin'ireo tanànan'i Joda. 12 Nahantona tamin'ny tanany ihany ireo andriandahy, ary tsy nomen-boninahitra ireo loholona. 13 Noterena hikosoka vary tamin'ny fikosoham-bary ireo tovolahy, ary ireo ankizy lahy dia mivembena milanja hazo. 14 Niala teo amin'ny vavahadin'ny tanàna ireo loholona, ary namela ny zava-manenon'izy ireo ny tovolahy. 15 Nitsahatra ny hafaliam-ponay ary niova ho fisaonana ny dihinay. 16 Nilatsaka avy eny an-dohanay ny satro-boninahitra; loza ho anay, satria nanota izahay! 17 Noho izany dia lasa narary ny fonay, ary lasa pahina ny masonay, noho ireo zavatra ireo dia lasa pahina ny masonay, 18 satria ny tendrombohitr'i Ziona nitoka-monina, izay misy amboahaolo mikarenjy eo aminy. 19 Fa Ianao, ry Yaveh, dia manjaka mandrakizay, ary Ianao dia hipetraka eo amin'ny seza fiandriananao hatramin'ny taranaka fara-mandimby. 20 Nahoana izahay no adinonao mandrakizay? Nahoana Ianao no mahafoy anay mandritra ny andro maro? 21 Avereno Aminao izahay, ry Yaveh, dia hiverina. Avaozy toy ny taloha ny andronay— 22 raha tsy hoe efa nolavinao tanteraka izahay ary tena tezitra loatra aminay Ianao.