¹ ಪರುಗುಂಡು ಅಯಿಗ್ಯ ಸಮುದ್ರುತ ಅಕ್ಕಿಡಿಕಿ ಗದರೇನರ ಸಿಮೇತ್ಗು ವಂಚುನು, ² ಆತನು ದೋಣಿಯಿಂಡು ಬೆಲಿಕಿ ವಂದಪ್ಪೋರು, ಅಶುದ್ದಾತ್ಮವಿಂದ ಒಂಡು ಮಣುಸ್ ತಕ್ಷಣ ಸಮಾದಿಲಿಂಡು ವಂದು ಅತನತ್ತೆಯ್ಯಿ ಸಂದುಸ್ಸುಸು. ^{3 4} 3-4 ವಾಡ್ಕಿ ಸಮಾದಿ ಗವಿಲೇ ವಾಸ್ಮುಸ್ಥಲ್ಮಾಯುಂಡೆ . ವಾಡ್ನಿ ಅನೇಕ್ಮು ಸಾರಿ ಬೇಡಿಲಿಂಚಾನು ಸರ್ಪ್ನಿಲಿಂಚಾನು ಕಟ್ಟುಂಡ್ರಿ ವಾಡು ಸರ್ಪ್ನಿಲ್ನಿ ಪೆರ್ಕಿ ಬೇಡಿಲ್ನಿ ಇರ್ಸಿಏಸುಂಡೆ , ವಾಡ್ನಿ ಇಂಕ ಯೋಳು ಸರ್ಪ್ನಿಲಾನು ಕಟ್ಟಕಾಕುನ್ನ ಪಾಯ್ರಿ , ವಾಡ್ನಿ ಹತೋಟಿಕಿ ಎತ್ಕೊಚ್ಚೇಕಿ ಯೋಳಿಂಚಾನು ಆವ್ಲೇದು . ^{5 6} 5 ವಾಡು ನಿತ್ಯುಮು ಮಾಟಾಲ ಪದ್ನ ಸಮಾದಿ ಗವಿಲ್ಲಾನು ಗುಡ್ದುಲ್ಲಾನು ಆರ್ಭಟಿಸ್ತ ರಾಯ್ಲಿಂಚ ವಾಡ್ನಿ ನರ್ಕೊಂಟ ವುಂಡೆ . 6 ವಾಡು ಯೇಸುನಿ ದೂರ್ಮಿಂಚ ಕನಿ ಪರ್ರೊಚ್ಚಿ ಯೇಸುಕಿ ಅಡ್ಮು ಪಡಿ ಪೆದ್ದ ಶಭ್ದುಮಿಂಚ ಆರ್ಭಟಿಚ್ಚಿ - ^{7 8} 7 ಯೇಸುವಾ , ಪರಾತ್ಪುಡೈನ ದೇವುಡು ಕೊಡ್ಕಾ , ನಾ ಗೊಡ್ವ ನಿಕೇoದ್ಗು ? ದೇವುಡಾಣ , ನನ್ನೀ ಕಾಡೋದ್ದು ಅನಿ ಸೊಪ್ಪೆ . 8 ಎಂದ್ಕಂಟೆ - ಎಲಾ ದೈಮ , ವೂಡ್ನಿ ಇಡ್ಸಿಪೋ ಅನಿ ಯೇಸು ಸೊಪ್ಪೆ . ^{9 10} 9 ಮಲಿ - ನೀ ಪೇರೇಮಿ ಅನಿ ವಾಡ್ನಿ ಅಡ್ಗಿನ್ದಾಂಕಿ ವಾಡು - ನಾ ಪೇರು ದಂಡು , ಎಂದ್ಕಂಟೆ ಮಾಮು ಬಹು ಮಂದಿಲು ವುಂಡಾಮು ಅನಿ ಸೊಪ್ಪಿ - 10 ಮಮ್ಮುಲ್ನಿ ಈ ಸೀಮೆಯಿಂಚ ಅಂಪಿಯೊದ್ದು ಅನಿ ಯೇಸುನಿ ಹೆಕ್ವಾಯಿ ಬೇಡ್ಕೊನೆ . ^{11 12 13} 11 ಆನಿನ ಗುಡ್ಡುಮ್ಲ ಪಂದ್ಲಿನ ಪೆದ್ದ ಹಿಂಡು ಮೇಸ್ತವುಂಡೆ . 12 ಆ ದೈಮ್ಲು - ಆ ಪಂದ್ಲುನೋನ ಸೇರೆದಾನ್ಕು ಮಮ್ಮುಲ್ನಿ ಅಂಪಿಯ್ಯಿ ಅನಿ ಬೇಡ್ಕೊನೆ . 13 ಯೇಸು - ಆವ್ನಿ ಅನಿ ಅವುಟ್ಳುಕಿ ಅಪ್ಪುಣ್ಮು ಇಚ್ಚೇಕಿ ಆ ದೈಮ್ಲು ಆಕ್ಟರ್ಕಿ ವಚ್ಚಿ ಪಂದ್ಲುನೋನ್ಕಿ ಪಾಯೇ , ಆ ಪಾರಿ ಕಡಿದಾಯಿನ ಸ್ಥಲ್ಮಿಂಚ ಏಟ್ನೋನ್ಕಿ ಪಡಿ ಆನ ಉಸ್ರುಕಟ್ಟಿ ಸಚ್ಚೆ . ಹೆಕ್ವ-ತಕ್ವ ರೊಂಡು ಸಾವ್ರಾಲು ಪಂದ್ಲುಂಡೆ . ^{14 15} 14 ಅವ್ಟ್ಲುನಿ ಮೇಸೋಳು ಪರ್ಪಾಯಿ ಆ ಊರ್ಲಾನು ಹಳ್ಳಿಲ್ಲಾನು ತಿಲ್ಬಿಚ್ಚೇಕಿ ಜನಲು ನಡ್ಸಿನ ಸಂಗತಿ ಏಮಿ ಅನಿ ಸೂಸೆದಾನ್ಕಿ ಪಾಯಿ ಯೇಸು ವುಂಡೆದಾನ್ಕಿ ವಚ್ಚಿ ಆ ದೈಮು ಪಟ್ಟುoಡ್ನೋಡು , 15 ಅಂಟೆ ದೈಮ್ಲು ದಂಡಿಂಚ ಪಟ್ಟಿನ್ಡುನೋಡಾಯಿಂಡೋಡು , ಬಟ್ಳುನಿ ಏಸ್ಕೋನಿ ಸ್ವಸ್ಥ್ಮುಬುದ್ದಿಯಿಂಚ ಕುಚ್ಚೋನುಂಡೆದ್ನಿ ಸೂಸಿ ಹೆದ್ರುರ್ರಿ . ^{16 17} 16-17 ನಡ್ಸಿನ ಸಂಗತಿನಿ ಸೂಸುಂಡ್ನೋಳು ಆ ದೈಮು ಪಟ್ನೋಡ್ಕಿ ಇಟ್ಟ ಇಟ್ಟಾಯೆ ಅನೇದ್ನಿ ಪಂದ್ಲು ವಿಷಯುಮ್ನಿ ವಾಳ್ಕಿ ವಿವರಿಚ್ಚೇಕಿ ವಾಳು ವಾಳ್ ಸೀಮೇನಿ ಇಡ್ಸಿ ಪೋವಾಲನಿ ಯೇಸುನಿ ಬೇಡ್ಕೊನ್ರಿ . ^{18 19 20} 18 ಯೇಸು ದೋಣಿನಿ ಎಕ್ಕೆನಪ್ಡು ಆ ಪಟ್ಟುಣ್ನೋಡು - ನಾನು ನೀ ದೆಗ್ರನೆ ವುಂಟಾನನಿ ಯೇಸುನಿ ಬೇಡೇಕಿಪಟ್ಕೊನೆ . 19 ಆಯ್ತೆ ವಾಡು ವಾಡ್ನಿ ವುನ್ದ್ಬಿಯ್ಕುನ್ನ ವಾಡ್ಕಿ - ನುವ್ವ ನೀ ಇಂಟ್ಕು ನೀ ಜನಲು ದೆಗ್ರುಕು ಪಾಯಿ ಸ್ವಾಮೀ ಮೀಲಾ ಕರುಣ್ಮು ಪೆಟ್ಟಿ ನೀಕಿ ಎಟ್ಟೆಟ್ಟೆ ಉಪಕಾರ್ಲುನಿ ಸೇಸ್ನಾಡೋ ದಾನ್ನಿ ಸೊಪ್ಪು ಅನೆ . 20 ವಾಡು ಪಾಯಿ ಯೇಸು ವಾಡ್ಕಿ ಸೇಸಿನ ಉಪಕಾರ್ಲುನಿ ದೆಕಪೋಲಿ ಅನೆ ಸೀಮೇಲ ಸಾರೆದಾನ್ಕಿ ಪ್ರಾರಂಭಿಚ್ಚೆ , ಅಂದ್ರು ಆಶ್ಚರ್ಯುಮುಪಡ್ರಿ . ^{21 22 23 24} 21 ಯೇಸು ತಿರ್ಗಿ ದೋಣಿಲ ಅಕ್ಡ ದಡುಮ್ಕಿ ವಚ್ನಪ್ಡು ಜನಲು ಬಹು ಪೆದ್ದ ಗುಂಪಾಯಿ ಯೇಸು ದೆಗ್ರುಕಿ ವಚ್ರಿ , ಯೇಸು ಏಟು ದಡುಮ್ಲ ವುಂಡೆ . 22 ಅಪ್ಡು ಸಭಾಮಂದಿರ್ಮು ಅಧಿಕಾರ್ಲುಲ ಒಕ್ಡಾಯಿನ ಯಾಯೀರುಡನೋಡು ವಚ್ಚಿ ಯೇಸುನಿ ಕನಿ ಪಾದಲ್ಕಿ ಪಡಿ - 23 ನಾ ಸಿನ್ ಬಿಡ್ಡ ಇಪ್ಡು ಸಸ್ತಾದಿ , ಆದಿ ವಾಸಿಯಾಯಿ ಬದ್ಕೊನೆಅಟ್ಗ ನುವ್ವ ವಚ್ಚಿ ದಾನ್ ಮಿಂದ ಸೈ ಪೆಟ್ಟಾಲ ಅನಿ ಯೇಸುನಿ ಹೆಕ್ವಾಯಿ ಬೇಡ್ಕೊನೆ . 24 ಯೇಸು ವಾಡ್ ಜೊತ್ಲ ಪಾಯೇ , ಮಲಿ ಬಹುಜನಲು ವಾಡ್ನಿ ನೂಕೋನಿ ಎನ್ಕ ಪಾಯ್ರಿ . ^{25 26 27} 25 ಅಪ್ಡು ಪನ್ನೆಂಡು ಯಾಡ್ದಿಲಿಂಚ ರಕ್ತುಮು ಕುಸುಮುಮು ರೋಗ್ಮುವುಂಡಿನ ಓಕ್ ಆಡ್ದಿ ವಚ್ಚೆ . 26 ಆದಿ ಅನೇಕ್ಲು ವೈದ್ಯುಲಿಂಚ ಬಹು ಕಷ್ಟುಮ್ನಿ ಅನುಭವಿಚ್ಚಿ ಸೇತ್ಲ ವುನ್ಡಿoದಾನ್ನಿಅಂತ ಕಲ್ಸ್ಕೊಂಟೇನು ರೋಗ್ಮು ಹೆಕ್ವಾಯ್ತ ವಚ್ಚಿಂದೆ ಹೊರ್ತು ಮಲೇಮಿ ಪ್ರಯೋಜ್ನುಮ್ನಿ ಹೊಂದುಂಡ್ಲೆದು . 27 ಆ ಆಡ್ದಿ ಯೇಸು ಸಮಾಚಾರ್ಮುನಿ ಇನಿ - ^{28 29} 28-29 ನಾನು ವಾಡ್ ಬಟ್ಳುನಿ ಮುಟ್ತೆ ಸಾಲು , ನೆಟ್ಗಾಯ್ತಾನು ಅನಿ ಆಲೋಚ್ನುಮು ಸೇಸಿ ಗುಂಪ್ಲ ಎನ್ಕಿಂಚ ವಚ್ಚಿ ಯೇಸು ಬಟ್ಳುನಿ ಮುಟ್ಟೆ . ಮುಟ್ಟಿನ್ ತಕ್ಷಣ್ಮೆ ದಾನ್ಕಿ ರಕ್ತುಮು ಹರ್ಸೇದಿ ನಿಲ್ಚ್ಪಾಯಿಂದಾನ್ನಿಂಚ ಆದಿ ನನ್ನೀ ಕಾಡಿನ ರೋಗ್ಮು ಪಾಯಿ ನಾಕಿ ಗುಣ್ಮಾಯೇ ಅನಿ ದಾನ್ ನೋನೆ ತಿಚ್ಕೋನೆ . ^{30 31 32} 30 ಆ ಕ್ಷಣ್ಮೆ ಯೇಸು ನಾಯಿಂಚ ಶಕ್ತಿ ಪಾಯೇ ಅನಿ ವಾಳ್ಳಾ ತಿಲ್ಚ್ಕೋನಿ ಗುಂಪ್ಲ ಎನ್ಕ್ ತಿರ್ಗಿ - ನಾ ಬಟ್ಳುನಿ ಯೋಳು ಮುಟ್ಟ್ರಿ ? ಅನಿ ಅಡ್ಗೇಕಿ ಯೇಸು ಶಿಷ್ಯುಲು ವಾಡ್ಕಿ - 31 ಜನಲು ನಿನ್ನಿ ನೂಕೆದ್ನಿ ಕನಿ ಕನಿ ನನ್ನೀ ಯೋಳು ಮುಟ್ರಿ ಅನಿ ಅಡ್ಗ್ತಾವೆ ಅನಿ ಸೊಪ್ರಿ . 32 ಆಯ್ತೆ ಯೇಸು ಈ ಕೆಲ್ಸ್ಮು ಸೇಸಿನ್ದಾನ್ನಿ ಕನಾಲನಿ ಸುತ್ಲು ಸೂಸ್ತ ವುಂಡೋಲಾಯಿ ^{33 34} 33 ಆ ಆಡ್ದಿ ದಾನ್ಕಾಯಿಂದಾನ್ನಿ ತಿಲ್ಸ್ಕೋನಿ ಅಂಜಿ ನಡ್ಗ್ತಾ ವಚ್ಚಿ ಯೇಸುಕಿ ಅಡ್ಮು ಪಡಿ ವುಂಡಿನ ಸಂಗತಿನಿ ಅಂತ ಸೊಪ್ಪೆ . 34 ಯೇಸು ದಾನ್ಕಿ - ಬಿಡ್ಡಾ , ನೀ ನಂಬುಕ್ಮೆ ನಿನ್ನೀ ಸ್ವಸ್ಥ್ಮು ಸೇಸೆ , ಸಮಧಾನ್ಮಿಂಚ ಪೋ , ನಿನ್ನೀ ಕಾಡಿನ ರೋಗ್ಮು ಪಾಯಿ ನೀಕಿ ಗುಣ್ಮಾವ್ನಿ ಅನಿ ಸೊಪ್ಪೆ . ³⁵ ಆತನು ಇನ್ನು ವಸ್ಸೇತನೆ ಇಂದಾಪ್ಪೋರು ಸಭಾಮಂದಿರತ ಅದಿಕಾರಿತಾ ಉಟಿಂಡು ಕೆಲವುರು ಆಟಗು ವಂದು,--ನಿಮ್ ಮಗ ಶತ್ತೊಯಿದು; ಬೋದಕನುಕು ಇನ್ನು ತೊಂದರೆ ಪಾಡುಸ್ಸುರಾದು ಯಂತ್ಗು ? ಇಂಡಸ್, ³⁶ ಇತ್ತ ಕೋಟು ತಕ್ಷಣ ಯೇಸು ಆ ಸಭಾಮಂದಿರತ ಆದಿಕಾರಿಕಿ –ಬಿತ್ಗು ಮಾನ , ನಂಬಿಕೆ ಮಾತ್ರ ಇಕ್ಕೆಟು, ³⁷ ಆತನು ಪೇತ್ರ,ಯಾಕೊಬ,ಯಾಕೊಬನ ಸಹೋದರನಯಿಕ್ಕಿರ ಯೋಹಾನ ಇಯ್ಯಿಲಾ ಉಟ್ಟು ಬೇರೆ ಎತ್ಗು ತಟ ಪಾರುಗೋಟೆ ವರ್ರುಕು ವುಡುಲ್ಲಾ , ³⁸ ಆತನು ಸಭಾಮಂದಿರತ ಅಧಿಕಾರಿತಾ ಉಟುಕೂ ವಂದು,ಗೊಂದಾಲಾತ ಶನ ಗೋಳಾಡುತ್ತಾ ಅಗುರತ್ತಾ ಪಾತುಸು, ³⁹ ಆತನು ವುಲ್ಲಿಕಿ ವಂದಾಪ್ಪೋರು ಅಯಿಲಿಕಿ –ನಿಂಗ ಗೊಂದಲಾ ಸೇಯ್ಯಿರಾದು ಅಗುರಾದು ಯಂತ್ಗು ? ಸಿನ್ನಾದು ಸಗುಲ್ಲ; ವರ್ಕು ಸೇಯ್ಯಿತಿದು ಇಂಡಸ್, ⁴⁰ ಅಪ್ಪೋರು ಅಯಿಗ್ಯ ಅತನತ್ತೆಯ್ಯಿ ಹಾಸ್ಯ ಸೆಂದು ಸಿರ್ಸ್ಸುಸುನು,ಅನೇಕೆ ಆತನು ಅಯಿಲಾದ್ದಿನು ಬೆಲಿಕಿ ವೋಟು ಅ ಸಿನ್ನಾತ್ರ ತಾಯಿ –ದೋಪು ಮತ್ತೆ ಅತ್ತಂಟಿ ಇಂದಯ್ಯಲಾ ಅಗುಸ್ಸುಗೊಂಡು ವುಲ್ಲಿಕಿ ಸಿನ್ನಾದು ಬೂದುಗೊಂಡಿಕ್ಕಿರಜಾಯಿಕಿ ಹೊಸುನು, ⁴¹ ಮತ್ತೆ ಆತನು ಅ ಸಿನ್ನಾತ್ರ ಕೈ ಪುಡುಸ್ಸು ಅತ್ಗು ---ತಲಿಥಾ ಕೂಮ್ ಇಂಡಸ್,ಸಿನ್ನಾವಲೇ ಅದ್ದಿಮೇಕು ಇಂಡು ನಾನು ನಿನುಕು ಸೋನ್ನರೆ ಇಂಡು ಅರ್ಥು, ⁴² ತಕ್ಷಣ ಪನ್ನೆಂಡು ವಾಟುಕಾಲುತಾ ಆ ಸಿನ್ನಾದು ಅದ್ದಿಂದ್ದು ನಾಡುದಾಡುಸು; ಅಪ್ಪೋರು ಅಯಿಗ್ಯ ಅತ್ಯಾಶ್ಚರ್ಯತಿಂಡು ಬೆರಗಾಸುನು, ⁴³ ಇದು ಎತ್ಗು ಗೊತ್ತಾಗುರುದಲ್ಲ ಇಂಡು ಆತನು ಖಂಡಿತವಾಯ್ಯಿ ಸೋನ್ನಿ ಅತ್ಗು ತಿಂಗಿರುಕು ಯಂತಾಗಟು ಕುಡುಕುಬೋದು ಇಂಡು ಅಪ್ಪಣೆ ಕೂಡುತ್ಸ್ಸು.