¹ Butu yi tende Gaius wedzi tondo se manvu me tselele. ² Wami tondo,metondo miti bila biessi biowe ipika biatse si uve,dze polo, tele nda we mene. ³ Ma yene uve vu neni ne bana be Nzambi be yene kunvù ive nowe, nda wi landa tele. ⁴ Me nde uve voko nda vu,ne uyuka ti bana bami be landa tele. ⁵ Wami tondo,we kuata bisadzi bie Nzambi uve, ne boko be Nzambi ,ne bezeze. ⁶ Betanda kunvù yowe se unkuka mwe Nzambi.Wè pika uve ne uluma bangu undzunga nda Nzambi etondo. ⁷ Bangu be pula ne kunvu ye Zesus,ye bangu beke boko yila tine yotu ye batu be nde yiba Nzambi. ⁸ Wuve ve bebè be yamba batu babu ,yayu bebè ne bangu be dzandza buma yotu ne manvu me ve. ⁹ Mà tende sanguvu ne unkuka,ni Diotrephe wi tondo dza libusu ake yambe besu. ¹⁰ Niti, maya ,metse yivule wangu manvu mebi medzi pika. Wangu nde tuka tanda manvu mebi se bebè? Nda wangu iwata bisadzi bie Nzambi,alewe yamba bana be Nzambi,asumba biwasa dzandza, yedzi panza bangu. ¹¹ Wami itondo,we nde binga manvu mebi,ni binga meve.Wi pika manvu meve ani mwana we Nzambi,wi pika manvu mebi asa nde yene Nzambi. ¹² ?Demetrius, bana be Nzambi betande we kunvù ive, ne Nzambi wangu mene. Ne besu betanda we kunvù ive. ¹³ Ya me banda tende sanguvu yi, medza ne manvu meyitsi mutanda we. Ni me nde tuka tanda we mesi se sanguvu. ¹⁴ Mefumba yene we masima ya benu be wowe manvu benibole. ¹⁵ Me bondo Nzambi akaba we udusu.Bambatsi bebè wiya be luma we membulu.