¹ Ayətma, kunta iyyăn dăɣ-wăn, iɣdăr-t dagh anmirzriy n-asharegha s-ălɣib a imoos kul, kăwăneḍ a əmuzărăn, səbdədăt-ti s-ənnəyăt tăllilăt, a-s key izl’a-wen tagg ənnəyăt i-ad-wər tətwižrabăɣ key-iman-nak. ² Mazălat ăššăreɣa wa n-Ǝlmasex s- anəməgəgəy n-iẓukăn-năwăn; ³ kunta illey i ordăn a-s ənta imoos ărăt, a-s ig’a-wen wər-t-imoos, asəswuḍ a itag i-iman-nes; ⁴ măšen ăwedem kul, izənəzgumeet dăɣ-igi-nes, səmmək wen dăɣ a z’igrăw asəbəlbəl dăɣ-a-wa-t d-iqqălăn, ənta ɣas, wərgen a iqqălăn ăwedem iyyăn: ⁵ id awedem kul, ad-igăggu ăẓuk-nes. ⁶ Ăwedem wa igarăwăn teɣăre, iwar-ti tuzunt n-təla-nes id wa-ti sasăɣrən. ⁷ Wər təsəswaḍăm iman-năwăn: Măssinăɣ wər itətiswiḍ; fəl-a-s a-wa idoomăt ăwedem, ənta daɣ a dd z’aləy. ⁸ Ăwedem idoomen i-tăra n-taɣəssa-nes, ad-aliy təmurṣudt dăɣ-taɣəssa; măšen wa itədumen i-Unfas, ad-aləy tumudre tăɣlalăt dăɣ-Unfas. ⁹ Wər nətəḍəẓeet s-igi n-olaɣăn, a-s d-ossa tăqqăn-nes, a naliy a agen, kunta wər nəsăbbădăl iman-nănăɣ. ¹⁰ Dăɣ-a-di, a-s nəgrăw s-igi n-olaɣăn, năgg-et i-aytedem kul, dăɣ-as nəzoozar wi n-kəl ehăn wa n-immun. ¹¹ Ǝnnəyăt təẓəwərt n-alxarufan săr-d-awăn-in əktəbăɣ s-ufuss-in năkk iman-nin . ¹² Wi əranen agăraw n-udum dăɣ-tăra n-taɣəssa, əntăneḍ a kăwăn šăhǎššalnen amili; a-wen, wər t-əgən ar fəl-ad- wər təwăɣăzəben dăɣ-tăssăba n-təgəttewt ta n-Ǝlmasex. ¹³ Id wi imolăynen, əntăneḍ iman-năsăn, wər itbet ălkum-năsăn i-ăššăreɣa; măšen əran awăn amili i-ad-səbəlbəlăn dăɣ-taɣəssa-năwăn. ¹⁴ Wər itaqqălet a əsibălbalăɣ a wa wər nəmoos təgəttewt ta n-Imili nănăɣ, Ɣisa Ǝlmasex, ənta ad-i təṣlabăt ăddunya, təṣlab-i, năkk daɣ, i-ăddunya. ¹⁵ Fəl-a-s wərgen amili wăl-iba-net a ilan ălqim, măšen uxlak ăynayăn. ¹⁶ Ălghafiyat d-tăhanint fəl wi əglanen s-əššərəḍ wa, əntăneḍ d-Yărusălăm ta n-Măssinăɣ. ¹⁷ Wər d-i s’ekmeet ăwedem, iman, id năkk, əwayăɣ fəl-taɣəssa-nin ežwalăn n-Imili Ɣisa. ¹⁸ Ayətma, izzabat Imili-nangh, Ɣisa Ǝlmasex ănnuɣmăt fəl-ənnəyăt-năwăn ! Amin.