¹ Odja-dja Ndziami otsomi aduga ǹaGaïus buga le ndé le dia. ² Buga lémi lé dia m'éssaga mini oka ndjèlèdjè lé ntsa mami m'avé asso, e' oka yemigui mossubu w'akiela oduduma we. ³ Ǹa mi moni kassè ka kuna ntini yeyi abuga na ntsia y'assissielé awé. M'ossubu wa djié we ntsa assissièlè. ⁴ Mi kassè kakima k'è éni mva ki kali, ma ka yuga ndi bana ami ali ntsa assissielé. ⁵ Buga lémi lé dia wa assa mami a tèlè a ntini asso m'adjadja wé m'abuga bila adjia. ⁶ Bari ba e légui ntsia dia lewé. We yemini si ma katïna bo mva otia Ndziami. ⁷ Kabila nkùmu ya a mpi bo, bo akiya nkila ka bari ba biza Ndziami ǹi. ⁸ Avé biza bè leyambi bari mva bua, ma buni lé yiza mva a buga ba-adja-dji. ⁹ Mi ma tindè ndja lemo létu m'okuga okorogo Diotrephes eli ǹa ndjala kaka levuzu le abuga, aka yamba bizi ni. ¹⁰ Ǹa, meya, me baraga adja-djá m'assa ndè, na ndè me ma kaduga mami mabi m'agnuru a bizi bila ambila mkezi. Nde kigui ki mono ndja-adja lia ové ni, ndè ankulu a kayamba abuga ǹi. Ndè kaliga a buga ba sagui kassa ndja-dja lia ǹa nde ntsuri bo m'okega. ¹¹ Buga le dia, we bizi kayulaga mami mali, ǹ̀a we yulugui m'avé. Mburu w'assa mami m'avé muana Ndziami; ǹa we assa obi kini mono Ndziami ni. ¹² Demetrus oba gui ntsia bo asso ǹa m'assissielè m'ankulu. Bizi sé lè legue ntsia, ǹa bè le yayi ndi ntsia bizi ye sissielè. ¹³ Ntini yè bani mi ka tèndè okanda yù, mi kigui ǹa mami akuna-kuna kaduga wé. Okorogo, me kabuna mon kaduga ntsa okanda ni. ¹⁴ Nkala vé mi adja kua ntsa etsugu bi. Ǹa lua we awobo mi nkali. ¹⁵ Me'è buono ni Ndziami kaǹa wé kadussu. Abuga a biza ba li kunu ba biga wè.