¹ Mekiéle me dungutu bedianzitsi be Nyambi ne dibundu di batu be ve wusuawu be ku benguna gu gukébe diéle diboti di yawu be gu Furigile Yesu ve wusu kanangu. ² Kanangu ya nenguna Pilate ne guivule Yesu Ndia re gidiéti gi juila? Yesu ne gu muagule Ndiabéni wa mane diambile. ³ Gi vunde gi gidiéti gi bedianzitsi be Nyambi ne gufurigile Yesu Re a vage mambu mabi. ⁴ Pilate ne gumuivule: Wu sa ne diambu di guambila? Yulu mambu motsu mabi me ba kufurigili ba vagira Ndia se medianze. ⁵ Tumba Yesu a se ku kundeguambile diambu dinzusu. A gu motsu mana, Pilate a ku sutu vévéni. ⁶ Gu muguluawu, Mipume miotsu, Kanangu, ve muméngu paque a yobulange mutu mossi gu nzugu. Ne mbétsi, bobulange muisi Nzugu wu bumongu bivulange. ⁷ Gigumbi gina, gubange mutu wu néngungure Barrabas ayibange gu Nzugu ne batu be mossi bebokange batu ve yawu be busilange gobisse migaga mi bulongu bu Rome. ⁸ Bumongu ne gudute gumbéke Pilate be kumuivule re a yobuli mutu mossi névu dua vagile ne Mbétsi. ⁹ Pilate ne gubagule: nu a: Rondi re niobuli mutu wu bumongu buénu ga guambile re yandi re gidiéti giénua? ¹⁰ A yambile nana Mbare ayabange di givunde gi bidiéti bi bedianzitsi be Nyambi a rondange guvage. Gu furigile Yesu mambu Mba be mulungu Ngussu Mbare Mbili batu Mbe bakaluge bedianzitsi bandi. ¹¹ Tumba Bivunde bi bedianzitsi be Nyambe be rume bumongu re kanangu a yobuli Barrabas a ya Gobule Yessu. ¹² Pilate ne gu ku bambile passi nia gobule Barrabas nu a rondi re nivagi gidiéti gienu gié? ¹³ Yawv ne kuguamuge: Mugominianu. ¹⁴ Vane Pilate ne gubambile ra: a dibandu gié? Dubi di yandu se vage gié? Tumba bamugange gu yulu vévéni Mugominianu. ¹⁵ Névu Pilate a rondange re bumongu be rondi, ne gobule Barrabas. Gori Tsiandi be dimbe Yesu migébi. A vana Pilate ne guambile gori Tsiandi re bebégi Yesu a kue gominu. ¹⁶ Gori ne gubonge Yesu ne gu mubege gu kane yi ve gari Ndagu Tsiawa. Siga be rombe Gori TsioTsu. ¹⁷ Gori TsioTsu ne gu sobegéna, be duarisse Yesu gilinge gi benge. Be sunze ve yuli muruandi gipugi gi Tsiéndu gi yawu be vasse mbétsi. ¹⁸ Bemuvegange Mbulu giyangu névu bavégili gidiéti gu gumudoke. Bambile ra: Mbuluo gidiéti gi Juif. ¹⁹ Be mudimbe Mbili niongu ve yulu muru ne gigale. Be mutule mati. Be kuteme ve wusuandia, be kuvagere digobe ba muvégi. ²⁰ Yawu ne gumane gu mudoka, be muduarisse biduaru biandi, be mubéga tage ne musiéngi nonge be kué mugomine mu kurussu. ²¹ Tumba mutu wu néngunu Simon muissi Cyréne, Tayi Alexandre ne rufus be bengune nawu. A viogilange vane, a rugilange gu mussiéngi Nzussu. Gori be mu murombe nonga a kussenangule kurussu ya Yesu. ²² Gori be bége yawu botsu be béyi gu Mbure yanengura Golgotha. Dine dina dia guambili ra: Mbura yi muru. ²³ Be mange vége Yesu melamu me sobegene ne mali me Ngani. Tumba Yesu a busse manu. Gori ne gubonge biduatu biandi. ²⁴ Be Mugomine mu kurussu. Be gabene biduatu biandi, A wube ne giessa gi gudéngo a kudenge. ²⁵ A yibe Meguére kambemossi me dikiéle ve yawu be gominine Yesu mu kurussu. ²⁶ Be gomine mu kurussu miréndu miambilange dibandu di be gominine Yesu. ²⁷ Miréndu miambilange ra: Gidiéti gi Juif. Be gomine guandi be sulitsi be mabi bebéy. ²⁸ Be gomine wumossi gu mebagele mandi a wuna gu megétu mandi. ²⁹ Batu be vioganga be ku mussiévange, be ku bungissa miuru. Be kuambilange ra: ah! Ndia se guambilange ra: wu bénze panze Ndagu Nyambi wu kuku yirunga mu Tsu fu yiréru. Wu benze divaga? ³⁰ Kué kobuli Ndia béni wu ke sunde mu kurussu. ³¹ Bivunde bi bédianzitsi be Nyambi, ne benenzitsi be migaga me juive yawu guandi be ku dokange Yesu. Be kuambilange yawu ne yawu: a ma gobule batu babange ne Mbili mambu Tumba a sa bénze kue kobule yandi béni. ³² A yambilange ra: ménu nia biatsu. Ni gidiéte gia bégissi musiéng, Israél. Gére mambu mana me ne gungénz a gu kué sakule yandibéni mu kurussu. Vana du gu muvagile gitu. Batu ba béyi be gominu mu Mbékandi yawu guandi be ku musiengange. ³³ Ve meguére ginane gi me kiéla butamba buotsu bu kube gudivisseme kuange ne mequére kambemossi. ³⁴ Ve meguére kambe mossi Yesu ne guamuge vévéni Eloi-Eloi Lama Sabachthani? Re guvagera Nyambiami Nyambiami dibandu gié wa Nzissile? ³⁵ Ve batu be mossi be sale vana bulu diufi dina di Eloi be se yulu dikéngi be kuambile ra: yuluanu a ka Rombi mubigitsi Elie. ³⁶ Mutu mossi ve gariawu ne guénde Mbangu guébonge mutsabu wu basse ne melamu me Ngani ne gu mutsoke mukodu gigale a musambule Yesu re a mufifi ne guambile ra: du kilaba nevu Elie gu mussunzile mu kurussu yine. ³⁷ Vano Yesu ne guamuge vévéni ne gufu. ³⁸ Ve gigumbi gino Tsande yibe gu Ndagu Nyambi ne gupassige ve gari pakile gu yulu kuange ne gutsi. ³⁹ géngesséni ne Yesu ve kurussu ve yandi fila, A ku kayi a kuambile ra: ne gungenza Mutuna muane Nyambi. ⁴⁰ Vabange guandi begétu be géngisange motsu mana gu tage. Gube Marie yi Magdala Gube Marie yi fimba yi Nguyi Jacque. Yiki kali ne Josés ne Salomé. ⁴¹ Béndange konge ne Yesu ve yandi yibilange gu Galilēe. Be kumuveganga biotsu bi yandi Rondange. Be ruge randi Kuange gu Jerusalém. ⁴² Tsissige ne gu Ruga, Mba wube wissi waduki ne wissi Tsonu, wissi wu be Tsonzigili. ⁴³ Mutu wua nengure Joseph d'Arimathēe, ne guruge. A yibange gidiéta gi dibundu gi gobisungu. Yandi guandi a yibange ne gitu gi Tugu yi bundumbe bu Nyambi. Ne gube ne dissinda di gué guivule Pilate diniango di gubonge gibindi gi Yesu. ⁴⁴ Pilate a ku mame nevu Yesu a se file Mbangu Mbangu. A kurugisse gori yi nanange Yesu gu muivula gère ne gungenza Yesu amafu. ⁴⁵ Ne gulu ne gonne re amafu ne guvege Joseph gibindi gi Yesu. ⁴⁶ Joseph ne gusumbe Tsandemuvélu yi boli gué kubige Yesu. Ne gussule gibindi mu kurussu ne gu kipiete ne Tsande muvélu ne gué ki Tsige gu Ngili yi yandi buko gu dimani. A ku galesene dimani dinéri ve wusu mune Ndagu Ngili. ⁴⁷ Marie yi Magdala ne Marie Nguyi Josés be gengissange Mbure yi be muvérile.