1 Revane, yésus a ke bambile mu kugu. A kuambile re: "Mutu ke vare giambe gi misungu. A ke ki tsiènge ne murumbe. A ke kinze gifininu gigu fine misungu. A ke bonge mambe me mune. A ke runge ndangu y ndiki gu gari giambe gièni, a ku gisile mu mekake me be finitsi a kuēnde gu bulongu bu susu. 2 Gigumbi gi gu fine ne gu ruge, ake rume mudianzitsiandi wu mosi gu be finitsi be misungu a ke vègu duandi dukabu. 3 Tumbe mu dianzitsi ne gu ruge gu yawu, be ke mu dimbe sige be ke mu gabuse nane. 4 Ngigumbi kué, a ke ku be rumine mudianzitsi wu susu. Tumbe be ke mu mémise gu muru ne gu mu siénge. A ke kunde be rumine wu mosi tumbe be ke mu boke. 5 Be ke kaune vévéni be dianzitsi be mosi be yandi a rume. Be ke dimbe be fimbe be ke boke be mosi. 6 Mu ngué giambe abe ne mutu fimbe wube nandi wu yandi ke rume; muanandi wu yandi rondange vévéni mbare a pikilange re be gu mu gobise. 7 Re vane, ve be finitsi be misungu ne gu muéne be kuambesēne yawu ne yawu; "Labanu mu ngué disole aka rugi, du mu bonkianu nonge giambe gi mi sungu gi kube giétu." 8 Be mu gange sige be mu boke. Be ke bume gibindi tage ne pange giambe. 9 Sige, nua yabi di mu ngué giambe a gu vage? A gu ruge guse boke be finitsi babi be misungu be rarange giambe a gu gi kinzile batu be susu. 10 Ke yénu nuse tangune diambu didi mu musamu wu nyambi: "Dimani di bumu ne be rungitsi re dia kaluge dikutu dia gangili ndagu. 11 Fumu se di kinze, di diboti ve misu métu. Bidiéti bi juifs be yabange re Yésu a ga furegili re be né be finitsi babi be misungu. 12 Re vane, be ke ronde mu gange, tumbe be dumange bumongu re be ke mu sile be kuéne guénde. 13 Bidiéti bi juifs be ke rume pharisiens ne batu be dibundu di Herode be mu rodange ne bisi migage mi romains gu Yésus. Be rondange gu mu gangise ne mambu ne yandi beni a gu vuduse gu munuandi nonge be ke dile bigume bi yawu be gué mu furegile gu mu gouvernére Romain. 14 Ve be ma vudugile, be kuambile re: "Fumu, dua yabi re wua nénzi buréti. Dua yabi re wu sa koti ma guambili batu tumbe wua nénzi ne murime wu sungeme tondeni y nyambi. Re vane duambili di ndiawu wua pikili gu kiélu didi: ke dune diniange vo du sandi ne diniange di gu vénge doli tsia duivuli mugage wu Romain. Du végi doli vo du ya vége? 15 Yésus yabange buviangi buawu. Re vane a ke bambile re: a dibandu gie nua pagili dumangu? Mbegilianu ditsu di mosi nange niku diēne. 16 Re vane yawu ne gu mu begile ditsu, a ke bivule re: Gidimu gigi ne mirendu mimi mi mu ditsu bi déngu ne nié? Be ke muagule re: Gidimu ne dine di César. 17 Yésus a ke bambile re: Véganu César gi déngu ne César sige gu nyambi gi déngu ne nyambi. Yawu botsu be ke mame me yandi a yambilange. 18 Saducéens ba gali mugage wu juifs wa guambili re gu gube du rambusu du dufu, be ke ruge gu Yésus guse muivule re: 19 "Fumu, Moïse a du nénze, yétu juifs, re mutu pasi a mafu a sa bure muane, muane nguyandi dibagele a gu simbe mukuili gu dionge. Pasi yawu ba béyi bane be se bure, bane be gube né bane be mfumbi. 20 Gubange bane be ngure bane guberéru gifumbe gi mosi. Givunde a konge mugétu tumbe be se bure bane. 21 Wu mu beye a konge mugétuéni wua mosi, tumbe yandi guandi a kufu ase bure nandi. A wu muréru guandi a bufu né bane be guye be rēge ase bure nandi. 22 Re vane: bane be nguye bane guberéru botsu be kufu wu mosi ne wumosi mugetu guandi a kufu. 23 Ve wuisi wu du rambusu du dufu, a mugétune wu gube wu nié? Rangeminanu re yawu bane guberéru botsu babe belumi be mugétune. 24 Jésus a ke ba gule re: "yénu botsu nu mu gitsimbu. Nu sa gulu musamu wu nyambi gu kiélu diambu didi nesi gu kiélu bungudu bu Nyambi bu du rambusu du dufu. 25 Mugétune a sa gube mugatsi mesi wu muane nguye mosi vane kuange ve du rambusu du dufu, bebagele be sa ku gonge begétu guandi munongu mosi mbare yawu botsu be gube né bianze gu yulu. 26 Pégianu diniange di guambile gu kiélu tugu y dugabugilu du monui du batu bafu. Mu gisangumu gi mambu me Nyambi me réndu ne Moïse, nu se tangune re nyambi a ga muambili re: menu ni nyambi y Abraham, Isaac ne Jacob. 27 Nyambi asa nyambi y batu bafu tumbe y batu be monui. Kabe nu mu gitsimbu. 28 Nutu wu nénzonge migage me juifs a kulu névu be sosgéninange re a yabange re Yésus a se bagule dikénge nivu y Saducéens; Are ve yandi a ma runge a kuivule Yésus re: A mugage wua kibi migage miotsu re wu? 29 Yésus a ke muagule re: "Mugage wua kibi migage miotsu re wuwu: "Yulu oh Israél! fumu, Nyambiétu ase ne giétsu. 30 Wu gu runde Fumu, nyambiagu, ne murimagu wotsu, ne dinuini diagu diotsu, ne pikilagu yotsu, sige ne Ngudaugu yotsu. 31 Wu mubeye wu néni re wuwu: "Wu ke ronde mbatsi néru wua kué ku rondili ndia beni." Gu sandi mugage wu susu wa kibi mine mia béyi. 32 Mutu ne guambile Yésus re: Fumu, wuse guagule dikengi re wuse guambile re nyambi yiyi mosi vike gu se ga nyambi tsi susu. Wuse kunde guambile dikéngi re du gu rondé dyambi ne murime mosi, ne dinuini diami, me pikilé tsiami, ne ngudu tsiami. 33 Wuse ku guambile re ronde mbatsi néve wua kué rondili ve wua vagi mambu mane, di gabi diboti gu nyambi viagunu ne gu mu vége pagu ne gu kué ku kambise. 34 Yésus a ke yabe re mutune ase guagule ne diéle. Kabe ake muambile re: "Wu béli ne bulongu bu Nyambi." Re guse ku gube mutu wu ku rungule muivule nivu tsi gu mutunge. 35 Gu wusu vane, ve Yésus a nénzange gu ndagu nyambi a buambile batu re: Batu ba nénzi mugage wu juive, be mu gitsimbu ve ba guambili re Yésus ayi né mutu yandi wotsu wu gitsaple gi kanangu David: 36 Yandi béni David mu durumu du dinuini di boti a yambile gu kiélu Christ re: "Nyambi a yambile fumuami." Tsagene vave ve mebagele mami ve menu ni gu ku vége digobe viagonu ne mutu yandi wotsu kuange ve ni gu tsiémuse batu ba ku vini. 37 Kabe vane, néve David. Yandi béni a ga néngi Christ "Fumuami, Christ a sa bénzi sundile mu gitsapele gi David. Ane dignange di gu végu dignange dia viogili di David." Mbili be mu limbililange ne mugangu ve yandi a nenzililange mambu mane. 38 Ve Jésus nenzilange bumongu, a ke bambile re: "Nu bandekdéne nonge nu kole vage né batu ba nenzi migage miétu. Barondingi gu végu digobe ne batu; re vane ba duari bilinge bi nége ne guéne nangange ne biéru gu gu labise batu re yawu mindumbe. 39 Barondi guandi re batu be be végi mbulu ne digobe mu mbure tsia rugi mutu yandi wotsi. Barondigi gu tsagene mu bipu bi digobe bi ndangu tsi Nyambi. Barondi gu tsagene mu bipu bi batu ba gobisu ba tsagenini. 40 Ba mani bi mu ndagu tsi batu netsi bekuili, la barondi kué ku labsie re be batu be boti ne ndembu tsi nége tsi ba vagi mu mbure tsia rugi mutu yandi wotsu. Di ne gu ngénze re Nyambi a gu be labise menguge menéni." 41 Ve wusu vane Yésus a ke tsagene gu gari ndagu nyambi géngeséni ne biévi bi miénzili. Ve yandi yibilange me tsagene vane, ake géngisange névu bikiti be verilange mbili doli. 42 Re vane, gigaye gi mugétu mukuili ake ruge, a kuse vére mitsu mebeye me doli me sane musumbu. 43 Yésus ne gu dugise be bingitsi bandi ve mbekandi ake bambile re: "Dine gu ngénze bikiti bine bine mbili doli. 44 Tumbe be se vége ka mue dukabu du gégi. Tumbe gigaye gi mugétune ase vére gu giévi doli tsiotsu mbé tsia sale nandi tsi gu lilile. Kabe gigaye gine gi mugétu mukuili ase vége viagunu ne batu botsu.