¹ Yulu wuane musamu u boti wa gwambili wu Yésu Christ mwane Nyambi. ² Esaie mubigitsi a ga tubi musamumune wu boti ve a ga rendi re yulwanu nia tindi gitsundi giami gu wusuagu. ³ Yandi a gutse nuéritse bi si gise gu gu muvingile . A gu sove motu wotsu wu gu mulilu gu kangi gu vanga guvingile fumu. ⁴ Gitsundi gi Esaie a rende gibe Jean, batu be munengange rè mubatutsili. Jean abe gu kangui gu abatisilangue batu la ake bambilangue re kalulanu diele libegénanu mabi menu Niambi a ke nu tande . ⁵ Mbili batu be rugila gu muposi wu Judée ne gu diasu di Jérusalem bénda gu kangi guégulu musamu wu Jean. ⁶ Mbili be mulungu be singe mabi mawu ve dugagu du batu. Nane Jean aku be batisange gu durémbu du Jurdain. Jean a duarange biduatu bi minioni mi kalebe ne baleti y digobe mu dilungu ayange ka bikeri ne buye bubanga mu kangi. ⁷ A sambange re gi gumbi gike beli gi gurugile mutu wa kibi menu nza ne gietsu nandi nza beze nési guvuduga mu mu panze tsiandi ⁸ Ménu nze nu batisange ne mambe la yandi a gu nu batisangue ne dinuini di sieme. ⁹ Ve Jean a yambililangue, Yésu ne gu ruge gu Nazareth diasu di mu posi wu Galilée. Yésu ne guende vambililange Jean, Jean ne gu mu batise gu Jurdain ¹⁰ Ke Yésu ga vudugi gu mambe mane, ne gu labe nzambi gu tsibuge,diniuni di Niambi ne gu sunde ve yandi. ¹¹ Diniuni di Niambi di ruge kenè dilembi. Niambi ne gwambile gu yulu gu nzami ndia u mwanami wu mu rime , nia kulu ginuinge. ¹² Siga dinuini di Niambi ne gubégise Yésu gu kangi ¹³ A kué gune megumi mane me tsufu. Gi gumbi gine mivinitsi a mubémbilangue murime. Gune guba bibulu bi musiru siga ne menuinni me Nyambi me mu bandekenangue. ¹⁴ Gigumbi gi Jean a vérilu gu nzugu . Yésu ne guruge gu Galiléde gutse gwambile musamu wu boti wu Niambi. ¹⁵ Ake vagangera gigumbi si gia ruge. Nyambi ne me pape gulabise ra a y kanangu. Kalulanu dièle libegénanu mabi menu nonga Nyambi ake nu tande likilanu musamu wu boti. ¹⁶ Wune wisi Yésu a kuène vévilange mu gidibe gi Galilée, ka yandi ne gulabe batu be beye Simon ne mwane nguyandi André be boumangd mbuse tsiawu gu gidibe gu be déngilangue doli ne julobe. ¹⁷ Ka Yésu ne gu bambile re munongu mosi ne nua lobili niama mbigianu ni gu nu kaluse belobitsi be batu. ¹⁸ Vane ne vane be sise mbuse tsiawu ne gu mu binge ¹⁹ Muépesu ve wusu ne kunde labe batu be bèye , Jacques ne mwane nguandi Jean bane be Zébédée, babe gu gilindiline gu kinza mbuse. ²⁰ Vane ne vane Yésu ne gu be rombe, yawu ne gu sise taye ne be dianzitsi gu bualu ne gu binge Yésu. ²¹ Yesu ne bebingilenzi bandi ne guende gu diasu di Capernaum muse gu kole . yawu ne guingene gu ndagu Nyambi be pakila gunenze batu babe be gukeme gune. ²² Be keme ginenzitsi gi guyame gi yesu gi sa né be mbatsi né batu be yabange gurende ne gu tangune. ²³ Gu gari ndagu gu Yésu a nenzilanga gube mutu wube ne diniuni dibi wililungu ka meniuni mabi dine gi yame. ²⁴ Hé Yésu yétu me nuini mabi du sa ne mugangu nagu, wu tseruge gutse du panze ? ni yabe re wu dinuini dia rugili gi Nyambi. ²⁵ Yésu ne gukenine dinuini dibi, ne gu mu sanze suge mu niuru tsi mutune. ²⁶ Diniuni dibi ne gugibitse ne ngudu mutune ka ne guvuduge ne guyame. ²⁷ botse babe vane ne gu mame ngenze be ka sosi yawu ne yawu ne gu vagere gi mage a sa nenzi ka ne guamuge tumbe a ga satsi ne menuinu mabi ma mugobisi. ²⁸ Batu ne guanze mudianzu gu muposi wotsu wu gu galile mambu me tsi diantse Yésu ²⁹ Ve busuge gu ndagu y Nyambi, Yésu Simon ne André conge ne Jacques ne Jean bende gu ndagu y Simon ne André . ³⁰ Boye bu Simon abe melambeme ne giotsi girange ,ke bagwambili Yésu gubele gune nana Yésu ne gwende ve mburandi ne gu bonge dikake diandi ne gu muamuse gureleme . ³¹ Yandi ne gubeluge ne gupakile gu be diatsile ³² Tsisige y ne munioni ngnuru ne gutsiémuge ,batu ne gu kunde béluge be mosi babe ne me niuni mabi mu niuru. ³³ Diasu diotsu ne gu mame ve Yésu ndagu y Simon Yésu a ke buge mbili be belange ke pagere mubelu a sanze ne ngudu meniuni mabi mabanga mu niuru tsi be mosi ³⁴ .A gandise me niuni mabi gu mubege tsangu mba be yabamge re ayi mwane Nyambi. ³⁵ Mekièle me neni gu tsié diviseme Yésu ne gu rambuge a yende ve mbure y sa batu gué lembige. ³⁶ Simon ne gilonge giandi ne guène mukube ³⁷ Yawu ne gu muèna be mwambile rè batu botsu be musiengi guke ba ku kébi . ³⁸ A ke bevagere du ne mugengu guende gu diasu di beli gué lembige gwambile musamu mbare dibundu di ni rugila gu bulongu. ³⁹ Vana bende gu Galilé gu ndagu y Nyam Yésu ne gwambile musamu wu Nyambi. ⁴⁰ Une wisi gube mutu ne bwatsi ne gu ruge gutse lembige Yésu mekutme akevagerè nia ku lembigi mbélusi mba nia yabi re u benze mbeluse pasi wutse ronde. ⁴¹ Dike bembe Yésu gu murime wu boti a simbule dikake a mubembe ave wutse ronde beluge. ⁴² Mbangu mbamgu buatsi ne gu beluge . ⁴³ Yesu a ke muvege migage si a mu sise gwende. ⁴⁴ A ke mwambile re wu ya goinze mwuanzu ditse vioge.Tumbe yende gu tsielu muvegitsi wu pagu u ku mulabise niuru nonge a ku kukelule ,la vege muenzegeli mi gu gunge niuru migage Moise nonge dikube gère bumbanza gu gise.