¹ Mbuta dibundu kwena pangi Gayisu ya zolaka mu masonga. ² Pangi'a zola, yi samba ni wenda ku twala mu mambu mosu pi wa kala ti nitua kitoku, bwosu wu kwenda ku thala pi moy'aku. ³ Hakana ya yuki kiesi kingi thangwa ba pangi bisi, pi bati kimbangi kia masonga ma ngeyi, pila wu tambula mu masonga. ⁴ Yeku ye kwesi kiluti kaka kuyuka ni bana ba meni butambula mu masonga. ⁵ Pangi'a zola, wu sadila lukwikilu kosu mbala wu sadisa ba pangi ti ba nzenza, khiawu ⁶ bati kimbangi kia zola dia ngeyi ku twala dibundu. Wu sala mboti mu kubasadisa mukutambula kwa bawu bwosu ki lomba Nzambi, ⁷ khiawu mukuma kia zina dia Yesu Khlisitu bi tambula, khatu ba mong lusadisu kwena ba pani. ⁸ Tu fweti yambaka batu ba pila yayi, kikuma pi betu twa kala ba tsadi ti bawu mu kuzayisa masonga. ⁹ Ya soniki mukanda ku dibundu, kasi Diotrefi wuna wa dishiaka wa teti mu bawu bosu kisiku tu yamba. ¹⁰ Hakana, yuka yisa, ya yubuka bisalu biandi bi kisala, khia pila ki zonza ndinga za mbi kwena betu. Bwosu ni mambu mandi mambi ma kisala misiku lunga, kisibuisa mu ku yamba dihika ba pangi. Ki pekisa bana bizola ba sala mamboti ha mana ki ba kula mu dibundu. ¹¹ Pangi wa zola, mekiku wa sokulula mambu ma mbi, kasi sala mamboti. Khiawu wuna wu sala mamboti kena wa nzambi; wuna wu sala mambi kamu zayiku Nzambi. ¹² Ba bosu ti maweni masonga mihana kimbanga mukuma kia Demetrius. Betu pi tu ta kimbangi pi luzaya ni kimbangi kia betu kena kia kieleka. ¹³ Thangu ya yandiki mu kusonika mukanda wu, yakadi ti mambu mingi mu ku kusamwana. Kasi bu twena bwabu, yisiku zola ya kusonikinema mu mukanda. ¹⁴ Yena ti kivuvu yisa kutala bubu thwena mupila ni tosolula betu bodi. ¹⁵ Yi samba ni Nzambi ka kuheka ngemba . Kwaku ba nduku betu ba kuhitiki mboti zingi.