¹ Hakana ngeyi mwana meni, monga ngolu mu dienga dina diena mu yesu khidisitu. ² Ye ma wu yuki kwena meni ku thwala kwa bambangi bingi, zayisema kwena bbatu ba kwikama ba fwani ba longema pi kwena batu bahika. ³ Bwosu dikesa dia mboti dia khidisitu yesu, mona pasi ti meni. Kweku dikesa wu sala kisalu, wu meni. ⁴ Kweku dikesa wu sala kisalu, wu landa diaka mambu mathotu yayi, yuka ki zola ka sepidisa pfumu andi. ⁵ Pila mosi, kweku mutu wu kwenda thinu ka nunga yuka ka zitisiku misiku. ⁶ Musadia bilanga wu sala bwingi ka fweti kala wa theti mu kumonga ndambwandi ya ba mbuma. ⁷ UYindula mboti bu yi kusamwana, khiawu pfumu ka kusadisa mu kubakisa bwa. ⁸ Yubuka yesu khidisitu, wa katuki mu kikanda kia Davidi, wu wa telemi mukati dia bafwa, pila yena ndinga meni ya tsangwa bukheti, ⁹ yina yi monina meni pasi ti kukhasa misinga bwosu wuna wa hondi mutu. Kasi ndinga Nzambi yeku ya kukasa misinga. ¹⁰ Yi mona pasi zasi zoosu mukuma kia bana ba solama, musila ni bawu pi ba monga pulusu yena mu yesu khidisitu, ti lukumu lwa konda tsuka. ¹¹ Tala ndinga ya kiedika: "yuka twa fwa ti yandi, twa zinga pi ti yandi. ¹² Yuka twa kangama ti yandi, twa yala pi ti yandi. yuka twa mu bwisa, yandi pi katu bwisa. ¹³ Yuka tweku ba kuikama, yandi kena kuikama, khiawu ba fwaniku ka lubwisa yandieni. ¹⁴ Landa mu ku babambukisa mambu mama moosu. Ba kebisa ku thwala nzambi ba yumaniku mukuma kia ba ndinga, kiawu zisiku sadisa, yuka loni za nata kubwa kwa bana bisi zayuka. ¹⁵ Sia ngolu ba kutambwasa ku mesu ma nzambi wu longa mboti mboti ndinga ya kieleka. ¹⁶ Bwisa ndinga za pamba, zi nata malembi malembi mu kukuma kiana ti nzambi. ¹⁷ Ndinga za bawu zi panzana bwosu puta ya mafiniayi yalumuka. Hymene ti Phileti bena mukati dia batu baba, ¹⁸ batu ba bakuma kiana ti makieleka, bi zonza ni lufutumuku lwasalama kedi, ye hakana bibwisalukwikilu lwa bahika. ¹⁹ Ata bwabuna, luyandiku lwa ngolu ba sia kwena nzambi lwena lwa kutelema. ba sonika lwa bisona biabi: "nzambi wu zaya ba yandi", ye "kosu wuna wu zonza ni wu muzayi nzambi ka fweti tina mbi." ²⁰ Mu nzwo mvwama mweku kaka malonga ma wolu to ma palata kasi mwena pi ti ma ma baya ti ma thuma; mahika ba sadilakema mu mambu ma mbalu, mahika loni. ²¹ Yuka muntu wu lusukudi mu mambi, ba musadila, ka kala mutu wa kukubama, hanga dilonga dina bi zitisa, ba kala wa pfumu kwena pfumu andi, ye wakuyilama mu kusala kisalu kia mboti. ²² Tina nzala za nitu za bumwana, ye landa masonga, lukwikila, zola, ngemba ti bana bisamba mfumu ti mbundu ya mboti. ²³ Kasi losa biuvu bia buzoba ti bia kukonda mayela, khiawu wuzayi ni bia nataka ngiuma. ²⁴ Tsadia pfumu ka fwetiku yumana; kasi, ka fweti kala ti zola kwena batu boosu, wuna lungi mu kulonga ti kukanga mbundu. Kafweti longa bana bi mutedi mina ti kulukulumusa. ²⁵ nzambi fwani ka baheka thangwa ba balula mbundu ti mukuzaya kieleka. ²⁶ fwani ba vutukila mabanza ma bawu ma mboti ye kukatuka mu mitambu mia satana, wuna wa ba khwata ye kulanda luzolo lwandi.