1 Gedi neni, avo guisi erelemini, bivunda bibavagutsili bapagu bamavaga yibengunu na bivunda bimusiengi na bidibuli diotsu dinenyi dibivunda. Bamatunga Jesus na bapanga na bamamubega nomuguakisa mumakaka maPilate. 2 Pilate amamuviuvula rie : " Nde la kaga bajuif ? Jesus amamukalila rie : " umaditubula ndebenyi." 3 Bivunda bibavagulitsi pabagu begufuengilili mambu mapuela. 4 Pilate nomuemuvuivula nyongu adji mubedji rie : " Nde gugeguaguli diambu ? Gutsi gulu motsu amabegufuengilili ? 5 Tumba Pilate adikemema yiri Jesus agevosi diambu. 6 Kadi mumengu Paques , bamagobula muisi tsugu umosi, agu dibundu amaronda yiri ogubulu. 7 Va temu enyi vamaba otsugu onengulungu Barabbas, amagangu na bamosi mumbari bamaboka mutu yilumbu. 8 Mugungi umabambena na Pilate nomuwivula yiri akedunda mutu mosi nana amavayilanga na kala. 9 Pilate amabawivula rie : " Duirondi yiri ngadunda mutu omukute enu evosi yiri adji kage enu? 10 Avosa dionyi dibandu mba amalaba adi yivunda gibavagulitsi bapagu bamaronda uvaga. Bamafuengilila Jesus mumbari bamaba na diwavi nandi mba batu bapuela bamakaluga badukitsi bandi. 11 Tumba bivunda bibavagulitsi bapagu bamaruma mungungi uwivula Pilate yiri akedunda Barabbas tsiri Jesus. 12 Pilate amamuebatsingula rie : " Pa nyimadunda Barabbas yi duirondi ngavaga mu kaga enu?" 13 Bakegamuga adi gona rie : mugomini ! 14 Kabogu Pilate amabatsingula rie : " Dibandu yi ? Dibumi yi atsituba ? Tumba bamabuela ugamuga o djulu, mugomini ! 15 Pilate anoronda ulasa mugungi ubuedji amadunda Barabbas . Bagora bandi bamadimbisa Jesus mikassa. Dina dinovioga, Pilate amavosa na bagora yiri : wendanu mugomina. 16 Bagora bamabonga Jesus na umubega o ngangela na bamagunga botsu abamaba muyisalu mu temu enyi. 17 Bagora banomana ugukema, bamaduisa Jesus ilinga yibenga. Bamasuntsa va djulu muru andi dugaba dumatsiendi adu bamavasa. 18 Bamamusimba nana besimbili kaga mumuvongula . Bamavosa rie : "Mbolua kaga bajuif ! 19 Bamamudimba nyongu tsipuela mu muru na dundubi nofuta matedji mu djiandi. Bamakutema va gusu andi mugufura umuyitsa. 20 Banomana umupedji, bamamuvula yilinga yibenga, umuemuduisa bikutu biandi na bamenamubega vala na divula na duvangu duyemugomina va kurusu. 21 Tumba mutu mosi onengulungu Simon, muisi Cyrene, tadji Alexandra na Rufus amabengunu nogu. Amaviogila vana mukuta o divula. Bagora bamamutsotsa yiri akenangula kurusu Jesus. 22 Bagora bamababega va mbura djinengulungu Golgotha. Diina diedina diwendili rie : mbura dubengili. 23 Bamamanga uvega Jesus malamu masobena na dive dinganyi. Tumba amabusa umanu. Bagora bamabonga bikutu biandi. 24 Bamamugomina va kurusu. Na bamagabena bikutu biandi banobuaga mbanda udjaba. 25 Dimaba digueru adi murieru avobamamugominina. 26 Bamanamiga mu kurusu yirendu yi dibandu adi bamamubokila. 27 Yirendu yivosa rie : Kaga bajuif. Bamagomina guandi bipunyi bibedji. 28 Bamabagomina umosi omabala mandi aguna omagetu mandi. 29 Baviogitsi bamamusienga na bamamuengisa miuru miogu. Bamavosa rie : " Ndedju agumavosa rie : urungula upentsa ndagu yibengunu nodjirungulila mu bilumbu birieru. Pa urungula uvaga dionyi, 30 Kegobula ndebenyi musunduga va kurusu. 31 Bivunda bibavagutsili bapagu na milonsi mimugaga bajuif bamamupedji Jesus guandi. Bamaketsingulanga yiri : " atsigobula batu abakambulu tumba agorungula ukegobula djabenyi ! 32 Amavosa yiri djandi la Christ, nyidji kaga adjibegisi mukuti Israel. Mbe yiri mambu memana madji ngentsa va mbe amasunduga va kurusu ! Na vana mbe tumuvagila yitu. Batu batu babedji abamagomunu va mugula andi bamamusienga wuandi. 33 Va digueru adi musiamunu butamba bumaba otsi pisima te na yinana yidigueru. 34 Mu digueru adi yinana, Jesus amabuaga mugamu uneni : "Eloi, Eloi Lama sabachthanie ? Diwendili rie : Nzambi ami, Nzambi ami yi umatsisila ? 35 Ava batu bamugungi abe bamaba basiala vana bamagululu "Eloi" , basa magulu buranga, bamavosa rie : guluanu yika unengila enengili Elie ! 36 Umosi va gari ogu amawenda mbangu , amabonga mutsabu umaba ubasa na malamu manganyi, amaguvakiga va kodu dundubi no uruma Jesus yiri akegufifa. Amavosa rie : tukelisianu ulaba nana Elie orugila umusundusa va kurusu 37 . Na Jesus amagamuga mugamu unenyi ; umata muvumu nofu. 38 Va digueru dienyi, dumbu du ndagu Nzambi dumapasiga va gari ubongila tendu te na banda. 39 Yivunda yikama bagora ayimaba nsungesini na Jesus ava amafuililanga, amavosa rie : digentsa mutu egugu adji muane Nzambi. Va maba.wandi mua dikabu dibagetu dimagengilanga motsu mana o vala. 40 Va gari ogu va maba Marie, muisi Magdala, . Va maba Marie dji mosi adji maba ngudji Jacques mufudu dibala na José. Va maba wandi Salomée. 41 Bameneduganga Jesus avo amabila o Galilée, mumuvega biaotsu abi amaba na ntsala. Bamaruga nandi te na o Jerusalem. 42 Ava wisi embambenini, mumbari yimaba yilumbu yitega yitsona, yilumbu ayibeguntsili paques, 43 mutu umanengulu Joseph D Arimathée, amaruga. Amaba mutu digoba gudibuli dibivunda dibajuif. Amakelisa wandi ulaba bufumu buNzambi. Amadila mangolu moyelaba Pilate yiri akemuvega mfumbi Jesus, 44 Pilate amakambulu nana Jesus amafuila bisuasu. Amanengila yivunda yikama bagora na amamuwivula yeri Jesus amafu kala. 45 Vo amagululu yiri Jesu amafu, amavega Joseph mfumbi andi. 46 Joseph amasumba tsanda amamusundusa va kurusu, mupota na amamusuntsa o gari ngila dji dimanyi adimatimu. 47 Mari dji Magdala na Marie ngudji Josée bamagengilanga mbura adji mamamutsuigila.≈