¹ Djesu amawaka na amamuebavosila na banongu. ² Bufumu bu djulu bubagunu na kaga adjimakunsila muane andi mulambu diwela. ³ Amasindiga basatsi bandi muyenengila djogu abamaba odiwela. Tumba basamagaru uruga. ⁴ Kaga amamuesindige basatsi basusu ombu ababamanengulu no vosa rie : "Gengilanu nyimavaga mulambu nyimaboka bagombi na bibulu abivonga na biotsu bimakutsema, ruganu o mumengu diwela." ⁵ Tumba batu basamagobisa diambu dienyi. Bamosi bamawenda mumanungi mogu, abana bamagabuga muyevaga bucoli bogu. ⁶ Bamosi bakedimbisa basatsi bakaga, bakebatsoyisa nobaboka. ⁷ Kaga amadidjaba na amagangu na kabu; amasindiga bagora bandi muyeboka bikongu bieni noyenientsa mavula mogu . ⁸ Bagora bandi banomana uvaga dioni, kaga amavosa na basalitsi bandi basusu rie : " Mumengu udiwela umakuntsema tumbe abamanengulu bagabawelmina. ⁹ Kabogu wendanu mu mantsila na nengilanu botsu abedurungula mu mulambu diwela. ¹⁰ Basatsi bamawenda muntsila na bamagukiga botsu abamalaba na baboti na babi. Na ndagu diwela djimabasa na botsu abebamanengulu. ¹¹ Tumba ave kaga amakotila mu kelula abamanegulu amalaba mutu usamaba uduara ilinga y mumengu. ¹² kaga amamuwivula rie: "mbatsi ami tsie utsivayila mukota vave ugana ilinga yi mumengu?" Na mutu amavola suii akekamba nadi uvosa. ¹³ Mbana kaga amatsigula basatsi bandi rie: "mutungianu miogu na makulu mubuayianu o pisma uvu milingui na duwerti. ¹⁴ Mumbari bapuela banegulu tumba pesu basolu." ¹⁵ Mba baPharisien bamawenda mu tsontsiga nane borungula uganga Djesu muposulu andi. ¹⁶ Bamasindiga badukitsi bogu konge na baHerodien. Bamatsingula Djesu rie : "Mulonsi tuijabi yiri wivosi ngensa, na wilonsi nzila Nzambi nagensa ugeduki posulu tsi batu na ugevawi dupasu va gari batu. ¹⁷ Kobogu, tutsinguli ditasa diagu : diwelimina yiri tu futa lepu ombu César vo nési?" ¹⁸ Tumbe Djesu amagulu yiri be murombi diambu.Bamakelisanga iri akevosa mua yigume ibiva ayi baJuif vo bisi Rome bolaba ubiva. Amabatsigula rie: Duna pendipialu,dibanduyi duimangili ? ¹⁹ Ndasianu doli adu duifutili lepu. Bamamuwakise disu. ²⁰ Djesu amabawivula rie : "Yigolini yini na dina dini divu muna ?" ²¹ Bamamuwaka rie: Bi César. Na amabatsingula rie : "Veganu ombu César abi César na abi Nzami ombu Nzambi." ²² Ave bamagululu kabusulu tsiandi bamasutu na bamamusila mba bakenwende. ²³ Muna yilumbu yieni, abagana yitu mu durambugu du djogu abafu, ba Saduceen bamawenda ombu Djesu mumutsune yivu yeyi : ²⁴ "Mulonsi, Moise amasone didi : Pa mutu amafu ugambu usile mwana, mwane ngudji mfumbi o bialila mukuili mu mupalisila yifumbe." Mwane agu uburu ogenkulu ike nane mwane mfumbi yiri mfumbi one na yifumbe. ²⁵ Vamaba yisambuali yibane bangudji . Agu tega amawela na akefu ugambu usile mwane. Amasille mugatsi andi na mwane ngudji. ²⁶ Mwane ngudji agu mubeji amavage munongu umosi, agu murieru wandi tena agu musambuali. ²⁷ Botsu bano fu, mugetu wandi amafu. ²⁸ Tsie tutsiguliati, mu temu durambugu du-abafu vagari yisambuali yiotsu, obe mugatsi nyi mumbari amaba awelu nabotsu ?" ²⁹ Tumba Djesu amabawagula rie : "Dudji munsimbulu dugetsiyisi bisonu na mangolu ma Nzambi. ³⁰ Mumbari mudurambugu du-abafu babala bagoba na bagatsi ne bagetu na balumi tumba boba nana biansa biNzambi o djulu. ³¹ Tumba mudiambu di durambugu du- abafu, dusamaranga adi Nzambi amadutsingule, 2 " Menu nyidji Nzambi Abraham, Isaac na Jacob?". Diwendili rie : Nzambi agaa Nzambi djibatu abamafu tumba djibatu abavu monyiu." ³³ Ave mugungi umagululu dioni, djobotsu bamasutu malongui menyi. ³⁴ Bapharisien banogulu yiri Djesu amavotse baSadducéen, bamagukema va mosi. ³⁵ Umosi va gari ogu, mulonsi migagaa, muwelige Djesu, amamuviuvule yivu yie yiyi : ³⁶ "Mulonsi, mu mugaaga, diruma adi neni diviogulile marume motsu yi ?" ³⁷ Djesu amamuwaka rie : "uronda Fumu Nzambi agu na murima agu uotsu na muvumu agu uotsu na matasa magu motsu." ³⁸ Adidi la diruma adiviogula motsu na aditega. ³⁹ Adi mubedji, dimubagunu, adidi rie, "ronda mutu nagu nana wikerondila. ⁴⁰ Mumarume me mane mabedji, mugaaga uotsu na babyitsi, bebandili". ⁴¹ Bapharisien babila yiri bakibagugema, Djesu amabawivula rie : " ⁴² " Tsie duitasili mu Christ? Adji mwane nyi ? " Djogu bamamuwagule rie : " mwane David ." ⁴³ Djesu amabatsigule rie : "Ike tsieni David, ava amarumusulu na Yinyunyi yiNzambi, emunengilili Fumu, avo amavosila rie : " ⁴⁴ Fumu amatsingule Fumua ami rie, "tsana o mabaala mami tena nyiusuntsa bavinitsi bagu otsi matambi magu. " ⁴⁵ Kabogu pa David enengili Christ, 'Fumu', tsie abila muane andi ?" ⁴⁶ Vasamaba mutu omarungule umuguagule yiguma ne yimosi. Ubongila yilumbu yeni, vaga mutu omaweliga muemuwivula bivu.