¹ jingari di bodobodo isi akasi igugu di gugun ba ankpə ni giganisi(paque),ɔgusiwa, ² Ɔlɔcɛ paa d'ɔnɔrɔŋan ndi Scribu ŋan,n'kili kpaŋan isi ka ba kpa jesu ba,ama ansa ogbin. ³ sitani wələ ni judas Iscariot,akaco ninɔ di mɛwa ndivmiji ŋanŋan. ⁴ Judas lo aku gbɔ ariŋan ɔnɔndi ɔlɔcɛ paa ŋan, ndi ola d'ocɔ ina,si kpana isi ani kagba ka ba kpidə Jesu fuŋan ba. ⁵ ni ɔdɔn fuŋan, ni agbɔ fariŋan ni anfuw nowo. ⁶ Ojɛ fuŋan,ni osima kikili igba isi sindi ni ku kpidə jesu ku səfu ŋanba kikili ni armama d'ɔgbin(nagni). ⁷ Ɔjɔ di bodobodo isi akasi igugu di gugum ba. isi kə ani ka tondi agbra di gigani si (paque) oto. ⁸ Jesu ŋan Pierre ndi Jean ni ɔfɔni: ilɔ ki kikpiri gigani (paque) daka man kə anjɛw ba. ⁹ Ni afɔfuw ni bisi ni ani ka kikpiriw ni? ¹⁰ Ni ojɛ fuŋan, nri ba iwələ ni ilu,n'kpadə onaka,oru koko d'umi, ilikpaw ni kpasiisi n'wələ ba. ¹¹ Da ki fɔfu ɔlikpasi ni ɔlicɔ nbi ni:ni ilə isi n'ŋinjɛ(paque) giganisi ami ndi dagnidəm ŋan ni? ¹² N'ŋanŋin nilə lakɔ ka ɔkɔn ndi iŋan. bɛ yɛ ni n'kpiri giganisi. ¹³ N'alɔ,akuri kəbɛ dədəyi kə iŋusi ɔfɔ ba ni akpiri giganisi. ¹⁴ saati yɛ toba,ajoko ni kajɛ ŋɔndi dagniduw ŋan. ¹⁵ Nbisi paa ni njɛ giganisi iba ami diŋin da n'makə ma wa jɛ arə ba. ¹⁶ Domi manfɔfɔŋin ni, nkan jɛw kosin hali kuwa cə cicə nilu d'ɔla djidjɛ d'ɔnɔrɔ. ¹⁷ Ni jesu mu cupi ni ɔn'ɛ ni ɔfɔni: igba cɔpi iba ikpin naŋinrin diŋin. ¹⁸ Domi man fɔfuŋin ni: nkan mo imo kosi ali ilu dɔlajijɛ d'ɔnɔrɔ kuwa wa. ¹⁹ Ni ɔmu bodobodo kosi ni ɔn'ɛ ɔnɔrɔ ɔtra,nɔkpinw, ni ɔfuŋan ni ɔfɔ ni iba n'ara dəm,isi nfu sidi iŋin ba, ni ɔfoni incə kəbɛ ki batɔsi sim. ²⁰ Bɛni ɔjɛ atra ba ni ɔmu kopi kosi ni ɔfuŋan ni ɔni"kopi iba ocə ilɛmimɔ titɔn nino d'ijɛ dəm isi canfuŋin ba ²¹ ama iri ɔwo dɔnɛ si tam ba owa bisim siri di tabili iba. ²² Ɔma dɔnɛ n'lɔ si iŋusi ɔwa siba. ama wahala ni fu ɔnɛ si tamba. ²³ Asiman bibi ariŋan, ni isi ni naŋindiŋan min cə bɛ? ²⁴ Ni naŋinrin di ŋan kosi amu fifa si isi di ŋan ni wacə onogbo kpataa ba. ²⁵ Ni ɔfɔfu ŋan ni ɔla diluŋan njɛ siŋan, ni ŋinsiŋan jɛ siŋan ba na akpəŋan ni ɔli icə rirə ŋan. ²⁶ kumari bɛ fu iŋin ama ɔnɛ si cə onogbo na ŋinrin diŋin ni ku kpara aruw ni mani. ni ɔnɛ si nɛ ikoba ni wa cə ɔcɛ fuŋin. ²⁷ Domi sini ɔnogbo kpata kpata ni? iba warɛ njɛ ba ni mi iba sii ojɛ ba ?kacə cə isi warɛ njɛ ba ? ni ami nigba yɛ n'wa naŋinrin diŋin kə onɛ isi warɛ njɛ ba? ama ndi bə nri kə ɔnɛ isi si ɔjɛ ba. ²⁸ iŋɛ ni ŋɛsiŋan gbələm balɔ niju ninɔ di tɛtɛ dəmŋan. sidibɛ ni ngbilɛ ilu d'ola jijɛ fuŋin ba. ²⁹ Kə iŋusi badəm cə ito fum. ³⁰ Da ni titra kiwa jɛ kiwa mɔn amin diŋin n'ilu dɔla jijɛ dəm,diki wa joko si agbələ d'ɔlaŋan kiwujɔ idi dilə (tribu) mɛwa n'di miji di israɛl ŋan. ³¹ Ala du wa fɔni Simoni,sitani diŋɛ ni kulɔ kə ugnufu ba. ³² Ama ntosi fɛ da ɔma cugu ama bowa kpara ɔsan bisim ni gbələ bibidɛ ŋan. ³³ ni Pierre fɔfu ni aladəm, icə n'tra ninlɔ amidɛ ni sarika ndi ni iku. ³⁴ Ni Jesu fɔni Pierre,man fɔfɛ adɛ kankɔ nuni, d'ɔkom kpakɛta ni oka mam. ³⁵ ni ɔsɛ ɔfɔfuŋan kosi ni : n'naŋin, ikamu fataka,ikamu akpo,ikamu takam ba kəni ikili ni ika ri ni? ni ajɛni: aka fɛku nka. ³⁶ Ni ɔfɔfuŋan ni aman sinsinba onɛ sinɛ fataka ba kupa onɛ si nɛ akpo ba kupa sisin onɛ isi kanɛ osin ba kuta ignaŋ bubu duŋan ku bara osin. ³⁷ domi man fɔfuŋin ni osindi, afɔ si afɔsiŋin ba ku cəbɛ. asisiw n'aŋinrin di ɔlɔcɛ kukuŋan. ni iŋusi rim ba(nimi) ɔcə dəm ba ɔgusi cicə. ³⁸ Ni afɔfuw ni aladuw wori osin miji. ni ɔfɔfuŋan ni bɛto. ³⁹ nagni d'ɔfira bɛba, kə iŋusi ncə ba,Jesu lɔ ni guta di olivaŋan(oliviers) ni dagni duwŋan likpaw. ⁴⁰ Nigba isiato bɛ ba ni ɔfɔfuŋan ni itosi da kima cugu ninɔ di didin ⁴¹ ni ɔfira bisiŋan,ɔlɔ ni ibi jijin fi kə onin induro kusɔ ikuta ba, ni ɔkalɛ ntosi. ⁴² Nfɔni badəm ba won bisi ,gnan kɔpi yɛ sim ama nigbugbo bisidɛ ni ku cə kacə dami ⁴³ nigba yɛ ni ɔlina d'ɔnɔrɔ aka fira nigbiri owa siw ɔwa fuw nikpa. ⁴⁴ Nja d'iku sati yɛ ba ntosi ndi ikpa ni igugu duw kpara ori kə ikuta dijin ŋan kubɔ ntɔ nilɛ. ⁴⁵ ɔtra titosi ba ni ɔdə n'owa bisi dagni duw ŋan,ni ɔbaŋan ansun ndi ijukikan. ⁴⁶ Ni ɔfɔfuŋan ni sidi kə ni nsun ni? idə ki tosi da kima cu ni didin d'ayə ⁴⁷ kasi tra fufɔ da ni ari ɔgbin wa ni isi kə ankpəni judas akoco ninɔ di mɛwa ndi miji di dagni duwŋan nrin niju d'ɔgbin yɛ wa ni ɔwa bisi jesu ni ɔmumɔ igbiti duw. ⁴⁸ Ni jesu fɔfuw ni Judas ndi mimimɔ d'igbiti ni wɔta ɔma dɔnɛ? ⁴⁹ Dagni di jesuŋan ri iŋusi ni kucə ba afɔni aladua kaluŋan ndi ɔsin? ⁵⁰ Ni ɔnakadiŋan kərə iti dɔwɔ jijɛ ɔlɔcɛ di ɔnɛ dɔnɔrɔ ɔnogbo. ⁵¹ Ni jesu fɔfuŋan ni ijɔ iduro ni ɔkali iti dɔnɛyɛ,ni ɔbɔw. ⁵² nigbaɛ ni jesu fɔfu inogbo d'ɔlɔcɛ d'ɔnɔrɔ ŋan fum aladɔlicicɔ d'ilə d'ɔnɔrɔŋan ndi aya d'iluŋan ŋinsiŋanwa rika koidəm ba ni,iwa sim kə anwa si olə ndi ikpŋan,ndi ɔsinŋan ba. ⁵³ Ami diŋin ni bɔjɔsi nilə d'ɔnɔrɔ ni ika koidəm aman wakati diŋin nito ndi ikpa di ikuku. ⁵⁴ nagni dibɛ nabaw balɔ ni kpasi di onogbo di ɔlɔcɛ dilə d'ɔnɔrɔ ŋan, pierre nlikpaŋan ni ibi jijin. ⁵⁵ Niagu ɔna naŋinrin di kpasi na ajoko, Pierre wa naŋinrin diŋan ⁵⁶ ɔlɔcɛ di kpasi ɔbirin aka riuw ɔjoko bisi ona ba ni ɔwow sisaŋan ni oni ɔnɛ ba sisin sa wa bisiw. ⁵⁷ Ni ɔkw ni ɔfɔni ɔbrin nka man ɔnɛyɛ. ⁵⁸ Ɔkosi fi ba n'ɔnaka si riwv ni ɔfɔfuw ni, wɔsisin wa naŋinrin d'ina ŋanŋan. ni pierre ni ɔkirin nkosi ninɔ diŋan. ⁵⁹ Nagni di wakati ni akoco duro kankan ni cimi ɔnɛ ba sisin sawa bisiw domi ɔnɛ Galilə ni. ⁶⁰ Ni pierre jɛ fu ni ɔkirin nka man idi duŋusi wɔnfɔ ba. kasi fɔ ɔtra da ni adɛ kɔ gbigba. ⁶¹ aladuwa kpara ɔwo Pierre ni Pierre tɔsi iŋusi aladua sa fɔ fuwv ba da adɛ ku mako nko aa wɔkɔm kpakɛta nuki. ⁶² Ni Pierre fira ba nlɔdɔn sisaŋan. ⁶³ ina ŋinsiŋan bani Jesu ba njɛw nagɔdɔ kubɔ an luw. ⁶⁴ Ni adin iju duw, nan biw ni kan fa ni ɔnɛsi luɛ ba. ⁶⁵ Ni ambuwvni ibubu kukpɔ kukpɔ anba jɛw nagɔdɔ. ⁶⁶ Ibi ma gbigba ba yo daya d'ilogbin ,ɔlɔcɛ kankan d'ɔnɔrɔŋan. ndi Scribu ŋan,akpiri ariŋan. daka ba jesu naŋinrin diŋan wa. ⁶⁷ Nafɔfuw ni ba wɔ ni krist ni kanfa bə ama ɔjɛfuŋan bi nkanfuŋin ikangba (ikanjɛ) ⁶⁸ Bɛni ba nbiŋin nafɔ ikan jɛ fum. ⁶⁹ ɔjɔ aka mandi ɔnɛ nwa joko nowɔ jijɛ diko dɔnɔrɔ. ⁷⁰ Ni gbugbo diŋan fɔ ni iŋin ni fɔ inin in. ncə mandi ɔnɔrɔ ni. ⁷¹ Na ƒɔni kəni ankili ni kaba cə səida ni ? awa sinsin nigbɔ nanɔ duw.