¹ Polou Lago a nononou zrígnon, Zozi-croissi a djígbègnon o wra ditata Lago a Youo o gbazímouan djítchassa à yíblílè kplokplou a ngrín mou. ² Í mí djí o wolífíè fiè bhliléssa, Lago ní kpokpla ka ma o yawa mí tchi ma o yí ní. ³ Í tagníen Lago ou néssagnon ngrín o niwolíè touohou à. ⁴ Tití, à ditata a mouo a you kou, Lago gnin mon bloblou, wawon ou tchiélé a, lé poupoué Zozi-croissi à ounéssagnon ngon à ngrí mou. ⁵ Í tí mon krètí lé wolíè touôhou à kí sasri, lé n'a gbí í gnin lè mon a mídjí lé gnoan ta lè mon glèa ngoungouassa diamlí. ⁶ Gnoan à ya lè mon glèa, à ko kalé ou ka sasri, ngon o ngon ngron a mouo a gnoutou, o youo á nanalíè kplo, ngon n'a tchi á gnoumossa lé á kouètí á ninningbí. ⁷ Í na lé Évèkí o ngouin Lago a lí yígo na ka gnoumo fassí. O ní la lé o ka gnouan vrâ lé o ka trouh. O ní ka lé o ka díngou, o ní ka lé o koo gnokou nouon gnin. ⁸ O ka lé o ngon gnon gnoan glalèko lé o wa wolíèfíè nahan, lé o ka ngazídouo lé o fassí zrissa. ⁹ O ka lé o ka Lago wolíe tché à tchialí mlí namlí, n'hésitez o ka mi o ka gnouan naan kplokplo niwolíè mlí zouzou ngou lé la à gblí Lago niwolíè a sasri. ¹⁰ Lago a youo a mlí à kouíakouíagbí gnoan zou. Flèflè wolí à la. À nínígbí wotomalè gnoan lé í fâ gnoumo gnízokou. ¹¹ Í na lé goplia. Gnoan tiélélè lolokpíè lélilí a za lé à kâ sapaa toplia. ¹² À gnindí a fikégnon a ní: «Crètí à gnoangní à la kohoko à mionsso, gnoumo ngalou bhalougnoan , wotomagnoan». ¹³ Moiní wolí ngon tchítchassa í za líkí lâ ko namassa bhé à ka namassa nan. ¹⁴ À n'a fa à bhobhoé juda a gnoan ninié djí í za yroukagnoan djaman a ní tchítchassa ka djí. ¹⁵ Líèfiè kplo gnoan kplo a za; í ka sísí gnoan ka sísí a za, gnoan à ní Lago yi n'hésitez à ka bhobhoé ní nahan. ¹⁶ Àa ní à yi Lago ma à ninifassí síohou. À ni doudoussa ko lé à soukpalè. À ni namagbí ka