1 N'a wawa niayo gní, í wa amon. À ngon na Lolo lé na namin kèza Lago yí lè mon dazí. À ka douitata kagnon a mlin, na wawa níayouo gní. 2 Í bhíbhíé Évodí, í bhíbhíé Sintichí, ma ka bhobhoé à mouo Kagnon à mlí. 3 Lé na sèfouo sa kouzrí níayouo í bhíbhíé mon falakou, à ma plalè Lago niwolíè a ya si zríkou, lé ya Clémen ya na kounamlígnoan à ka ngrín kou Lago bogou a mlí à. Bogou o ou kou mlí Lago djídjra gnoan à yí kohoko Lago dou koua. 4 À ní kohoko lolo Lago a grinmou, í bhíalí so , à ní kohoko lolo . 5 Gnoan lolofíè yíbhlí à douiwota . Kagnon yaouh min. 6 Douo na gblaa à mon gnou, ma bhíbhíé a mlin à toi à wolí a lolofiè Lago, zízrè à mlí ya youo papou a mlí so. 7 Lago a poupoué è zi fikéfiè fiè kou guígla à doui ya à bhobhoé Zozi-croissi a ngrín mou. 8 Niayo à touowou a, í ngon tchítchassassa, í kplo, í ngon ngroumoufafou, í srissa , í ngon wawou, í kou léli klassa ngon à bhobhoé mlin a wolí. 9 Wolí à ya tchia, à ya koublí, à ya nou lé à yè monmouhan à nihi lé Lago a zíkpí wota kalè amon djí kou. 10 Kagnon a ngrín mon Lolo kadou kou na douo a mlin tangnin mou à bhobho sokou na wolièa. À bhobhola na wolí ma à ní la tchassí yè lé à ka la mon koufa. Í ní bousè za ni tchissa. Ma í ngon piou ngrín lé à la mon koufa. 11 N'a ní tchi na lí a za, ma í tchia n'a lí ka wawou tagníen fíé a za. 12 Í yí í ngokoua koussíssalè, í yí namin a mlin koussa .Dafière í yíbliè lhissa lé í yíbhíè clèa poussa. 13 Ko a namin lé ngakí a mlin. O gnin mon fí lé í nié pièfiè. 14 Namassa à yè n'a kalímin. 15 À Yissa amon monglou Philipien gnoangní toguissíè a bhada, tanguien mou í wrouè Macédoiní thètchígbo ní mon koufa wolí Lago niwolíè wrèlè " gningnou lé yèyou" è níní à mon ngon a. 16 Tagníen mou í kou Téssalonikí, à fa mon tagnianin lí n'hésitez ka í gnokou koubla. 17 È ní sé í moumouhon lí za ma í moumouhon wolíe í n'a ka amon kpa ngon à. 18 Í yè líèfíè lé í kou bloblou a mlin. Í yè lí à lamon Épafrodití mon à. 19 Í mlilíkou tché dangoni kou lé lè á saa gbakalímassa bhé í n'a Lago a doukou. 20 Sitèmon Lago yí à mon lí à ní la gnin Croissí a grinmou. Lago lé à tou, ā fa mon ngrou kohoko a za. 21 À pa kplokplo ngoan fíè youô Zozi-croissí a ngríen mou. 22 Kplokplo gnoan fière pā āmon youô, lé César kètèkou a gbo a gnoan. 23 Ā kagnon Zozi-croissí a bloblou kou à Zouzou djí.