1 Tchémon Croissi gnin à mon zouzou a, tchémon o wa a mon lé o gnin a mon fi a, tchémon o wassa amon wawouo ou tchiélé lé ou kou ! a mon djia, 2 à la Mon lolokou a djagnilè a month, wawou a mouo mlí, zouzou a djagnilè a mlí màa a gbèlè píon dji. 3 À na bha a gnonkougnon sounds ka gnoan na go pli let na moumouon a mon ani. Mā a clouilossa lé à ngoungouou. 4 À na moumouon a bouzèma gnouan a ni moumouon. 5 A ka Croissi a bhobhoé ka. 6 Omon koula Lago bhissakou lé o ní tchima o ya Lago so ngon tcheamou a. 7 Mā o klé o gnokoussa ā dré, o bha o gnokou , o gnin o gnokou sakrouissa. 8 O klé o gnokoussa à gnoupapou a za lé o kou sou dji. 9 Í min kagrí lé Lago bho lé o gnío ngríin í zi ngría lolofièkou. 10 Bhé Zozi-Croissi ngríin mon kotié fiè clouilossa lagôwrou, doudoukou, lé doudou a so. 11 Lé líèfiè gnin Zozi-Croissi ngrí Lago ngríin mon. 12 Í kouíssaa maha youo, tché ni ni la houkou lé angoungoulèou kohoko, à zrí nganímassaga Lago a za bhé à kaou néwrou. 13 Lago gnin à mon wawou lé ninié. 14 À na ka ngoungouou ya koulè 15 À nan tchitchassa mlin Lago a youo bhissako bhè ā ni ka amon pion dji yè . À ni sa lé à ka louhou zimlin a gnoumognoan gnindí. 16 À bhli namassa Lago niwolíé kou bhé na ngrou ka mon tagnienmou Croissi na ka soko yia, ngoalè í yi sayíbhí ma ní fèflèssa zrí. 17 Áa ní bhla mon lé na dolouo ní kossossa tchémon gnon daziè o gnokou, lolo yí mon bla. 18 Í sassouo mlí ā kalé ā ka bou bhouaní lolo ka. 19 Í yissa ma à kagnon Zozi-Croissi yí à monh tagní a zouo a mlin Timotè lā lé o ka monh à goa dissa bhé ka lolo ngou. Timotè a mouo í ka o yi tchitchassa 20 mlin à mon yígongou. 21 Gnoa moumouon á namin í ní Zozi-Croissi ni ngon a. 22 Ma à yi tchémon o zríè mon ga naní na you yo tou so a, yo so plala wonísríè. 23 Í yi à mon omon la ní yíblíwolíé glámon. 24 Lago a ngríen mou í yí à mon go yi tágnienzo a mlí. 25 srouè í gnokou ma í tchié Epafrodití amon go. Ó namlílé mon, ó gnin mon líè ni ka lé o bhlalè Lago woliè kou. 26 Ó yíbhlílèssa ma à yíblí ò gou a wolía í bhlala tchouagní omon , o pala a kpo. 27 Ó ni la ya koukoussa ya ma Lago yè o ngazí lé o saou o mon néé, è ní o mouo a za ngon ma naza sa ní ka zouèyè a za. 28 Í vouvouakou lé í la amon o mon bhé lolo kaa mon bhla lé na douo ka kpouagní bhobho. 29 A bhli Epafrodití Lago a za namassa. À ngonhou o mon nonnouon o kou a za. 30 Ma Lago nonnouon a za o na ka la kou. O ngin o koho o ka mon ga zrí a za, píon à ní ka mi à ka nian ou mou o ní.