¹ Mon zozi-croissi a djíougnon Polou, il djídjra bogouo ya a niaayo Thimothé so. Mon kouhou Philémon, a niayouô ā yo so zrílè kouaa. ² Mon kouhou Apia, ha níayo ngrikéyo, lé ha níayo Arkipou o Blalè ha mon kouha, ya na lolokpa a bhibhié na wrou a mlin a. ³ Atou Lago lé ā kagnon Zozi-croissi pa à mon gnou lé o gnin à mon namin. ⁴ Í pa Lago youo kohoko. Filémon, ni bhibhiéa í zèle kohoko na ngrí lé í par Lago gnou na za. Í noué sa wawouho í ka Lago a youo a toa ā kagnon Zozi wríha. ⁵ Í bhibhié Lago lé douitata glalè amon lā nàmin. ⁶ Ni lé gnouan lolofiè yíblí namin àa yi mi lé à Lago nonnoua mlin nia. ⁷ Lolo plí mon go lé í bhanfí n'a wawouho a za ma Lago a youo doui poupouo n'a za maayo. ⁸ Í Sassou o mlin í la fí Croissí a'ngrîpíen mou lé ka mon srou woliè na ka nía. ⁹ Tagnín lía mou, wawou a za, í yra lî mon mon(:mon koglègnon Polou à ko djí Zozi-croissí a za. ¹⁰ Í yralè mon wolípíou mou mon Ōnénimou à za, mon í vā tagníen mou í kounla djía. ¹¹ O ka lā mon go nonnouh bhagogossa ma o kaí zímlin mon go nonnouh sa. ¹² Í yríbha mon omon, omon la mon gboua. ¹³ Í yrala lé o koula mon go bhé o ka la n'a yrou a nonnouh yrí tagníen mou í kou kpaclía. ¹⁴ Ní ka mi lé la pio ní ní ní mon loho gnin a, Fièlé n'a gbanamin na ngon bhétôtô ,ma í plí lolossa. ¹⁵ Mon yi ma o wrouè mon go tagní, fíèlé à ka lè yèyè kohoko a za. ¹⁶ Èní sé go kou a,ma sé ngon zi go koua, sé wawa níayo koua; í za n'a kalímin tché í kou n'a za ā Kagnon à grinmou. ¹⁷ N'a ní bha mon í bhéyi ko a, bhliokou sé mon koua. ¹⁸ Lé oho níní mon gnoumossa , í za o ní ka na lèa ngin mon tobhouo. ¹⁹ Mon Polou, na djídra gblogba : í yí lé mon pè ²⁰ àá ní ka tchimaní í ka n'a kpa. ²¹ Na clokpahoungoungouin min í todouo lé í djídjra mon, í yissa ma í wolí íyralè mon mouh a ní lé í yí nékoudi. ²² Bhouaní Tágníen a mlin , guígla mon pouda ma í yissa ma à bhíbhíé wolí à lí a mlí á yí mon fli. ²³ Epafrassí, kounamlígnoan Zozi-croissi a mlí yo so ā kou djí pa mon youo, ²⁴ Í za sa Markí, Aristarkí, Démasí lé Lucou na nononou à mlí kounamlígnoan. ²⁵ Ā Kagnon Zozi-croissi a bloblou lé o zouzou kou à mon djí.