¹ Judou, Zozi-croissi a nononou zrígnon lé Jakí djídjra ā Lago níayouo à kou Zozi-croissi a wría. ² Wawou ou tchiélé, poupoué lé ā wawou zoumo. ³ Wawa níayo gní, í niéla píèfíè lé ka amon djídra ā ou néssassou (salut) ā ka kou a za. N'a ka la àmon djídra , ka la àmon doh pa mā à bhla thícthassa mlí douitata Lago youo a lolofiè la. ⁴ Ma ngoan ya àmon yrouhossa à gnindí pla. Ā ngon ngoan na ka Lago a Kossou a mlin mou. Gnoan a ní Lago yí bhé à tchítchílè poupoué ā yèkè mlin a ní lé a plalè ā Kagnon Zozi-croissi mékou. ⁵ Í yra ka yí tchí à mon louô mayouo, lé à ka namassa sa yíblí ma Lago sawou moukou Égipou a youo né ma o mlā gnoan anan a ni o douitata ka . ⁶ Í za sa ziziè ní dè o ngouin touô ma í moumouon í monmonglou gnízo (Lago ngouin kohoko a za kpaclí tcchoutchou a mlin í la ploplo tagníen gla). ⁷ Í kou tchémou Sodomou ya Gormorou, papa patí bhé í gnin la í gnokou kapakapa lé gnoumopíèfiíè í kou zikpa zi à. Í grin lé í'ka gnoan yè í bhissakou kalímen tchía. ⁸ Tchéamou a yrayra ngoan gnata à gnokou, ngrin moumouon bhé youwri moumoin so, à pa kamalè kla le à tchíé gnoumossa Lago Zizi ko. ⁹ Í za Lago Zouzou Michèlí ya divrou so mlalè Moïsí à (gazè ) kou nío vra. Ma o srouo : «Lago ploo mon » . ¹⁰ Ma ngouana troulè líèfíè ā ní yia. Í za amin ā nouéa ( mlaa a nounouaní ko) í za ā koué. ¹¹ bhoussou bhoussou klaa mā ā namlílè Cain bí a mlin, à kou monssío wolí a mlin naní Balamou o moumouon lía. Ā ní ngouhou lōo Coré bhissakou. ¹² (correction Eveline) À wawou a glísíè èmi lé zouomli ka lé à ya amasso à yèlè amon a zizié lé à a nínígbíè'yi. À amou à namè'a NBA mon, djrou oní lé gnouoka, vouvolou o plouyou sí ní ngon bhí youlou. Í noué so kou í wlouè doudou. ¹³ djilakouí fíè ípa à zouhou à lolofíè kla, draa ninílè pladaka āma tchoutchou dèdè kohoko a za. ¹⁴ bhoaní gnoan, Enokou à sèfouo, Adam mouyouô à gbísso anon tchiwa o à n í "doudou kagnon yayi o ya kplokplognoan à Jimi lé à ka zéa si. ¹⁵ Á kalé à ka ngoumoé á ní gnoan plo. lé gnoan ā ní bhalè Lago wolíè tchítchassassa koua ā ka ninígbíè ā nílèa lé ā didilè nékoua. í'za lé kalíman wolí mon ngou. Ma ngoan à ní lè monh douôto a a a tchíé lé onmon goa. ¹⁶ À ngoalè a ngoungoualé lé tchoutchou gbèlè a gnoumo bhobhoé djí gníkíkagnoan à bhlílè gnoananlé à kaa mou lí. ¹⁷ Man mon Wawa níayo louo niwolíè kagnon Zozi-croissí tiwa Lago a taga nonnou zrígnoan go à zāa. A srouè amon man ¹⁸ Bíkoubhía tagníen, à yí gnoan gbèlè ā monmonglou ¹⁹ à bhobhoé djía à yèyè. À ma gnoan dédié alia mou gníkpoyèkè à ka . À ni Lago Zouzou ka. ²⁰ Mā, āmon Wawa níayouo gní, à zrílé à douitata mlí lé ā bhibhié lè kplokplo zouzou mou an. ²¹ À touh Lago a wawou a mlí , à monmouhon kagnon Zozi-croissí wawou ou tchiélé lé ou ní bhíadaka. ²² Gnoan gní à ka douitata gnoan ni Lago yí bhé ā doui tcítchįlè. ²³ À sa gnoana Kossou a gnízokou lé a la hou néwrou. Anan go à ka wawou ou tchiélé Lago goulè a za. À gou sa kotié ya bhoussoulo, katié fa í za í plí gnoumo da ( í ka síssí). ²⁴ À Lago o mi o yía amon kou lobhou w o yí amon tié poploda, lolossa o nama djréé'a mlí ²⁵ O āmou tchotcho ā Lago ko mou ā kagnon Zozi-croissí grí gbalomou kohoko. O kalá ngroumoufafou, powa lé kamalè kaala, zímlin lé kèhèlè. Í kou sa.